SCIALPINISTICA Alpe Cermis del 22/02/2008

Mmmm gh'è l Teo che en dì sì e n dì sì l'è for a allenarse a manetta... me l'entaio bem che alla prossima gara el me tira el col dal tut.... e vendro allor, quando el me propone na strozegada de allenamento sul Cermis entrà le ore (sfruttando na pausa pranzo en pel pù longa del normale), no ghe digo zerto de no! Gh'è da nar! E così per le 11 e 1/2 ne trovém en Pinè a cargar sci (da gara), macchina, e passar a tor el Davide. Prima de partir però l'è doveroso passar alla balanza... el Teo el g'ha i Hagan Race con completo dynafit, mi co la talloniera Amplatz... quant che rosego zò de peso? Beh... n'etto bom! I me asòti i pesa 1130g! Na monada! Arrivai en te n'attimo sulle piste del Cermis (la me prima assoluta su da ste bande!), con en parcheggio selvaggio scarghém zo tutt dalla Modus e cavà le lengue ai F1 e trata su la tutina del Sellaronda (no pensè miga che vaga su en giacca e cravatta, vera?) ne trém sulle piste da sci. Pareva de podér partir con calma... d'altronde el Davide nol g'ha miga F1 e Hagan Race... ma el Teo el parte come n balim... e no se pol zerto lasarlo scampar! L'è en calt che basta la metà, e la nef l'è zà pappa... sperente de salvarne dal zocol! Su de balla su en par de rampe e en ten quart d'ora sem zà alla partenza della funivia longa, al parcheggio alt. Per el calt, la boraccia la dimezzem subit e ripartim come balini... e quando se riese a star all'ombra, no par vera de no fermentar! La pista del Cermis da zima a font l'è 1400 metri de dislivel... zerto che na pontèra cossì no me la saria spetada! Tra salti sempre pù erti, passém for qualche mur che le pel azzurre no le tegn... ne tocca adiritura scalettar en progressiom! El Davide el resta en pel endrio e così ghe molém per strada na mezza boraccia rimasta... ma la mia l'è subit voda, e quindi no se vede l'ora de arrivar all'apresski enzima alla cabinovia longa... co na sé e n calt che taia le gambe, finalmente ghe sém! Diaolopò! Che Jella! El gabiòt delle bevande qi, ne diss i impiantisti, l'è serà da en par de anni! Ne tocca per forza far en dritto fin su enzima! E allor avanti de balla... Na volta su, e trat zo en gòz, binerém a um na borraccia per portarghela, e risalir ensema al Davide l'ultim toc, che a vegnir en su, coi sci pù pesanti, el l'ha tolta n'atim pù dolza (ma secondo mi... el ne bina en te n'attimo che sem ancor enzima... e infatti...). I ultimi dosento metri, bonsenso volerìa ciapar la pista rossa a sinistra.... ma el rampom a destra l'è serà, ert a manetta e... sa gh'è de meio per far gambe? E su allora! E i ultimi 100 metri la sé la taia le gambe al pè...e anca el zoccòl che se fa sotto le pèl!!!... ma tanto ghe sem! 1400 metri en do ore... berg heil! Bevèst na latta de Fanta diluia al barét, ariva al volo anca el Davide e quindi dopo na bona ciòpa de speck e na biraccia a strangolom ne fiondém vers val. Adess la nef l'è deventada propri en pappom da foc.... ma no gh'è temp... e allor en te n'attimo sem enfont, così, trati i sci en macchina, e rimess su l'abito formale, ne fiondém for per la val de Cembra e mi, de balla a laorar... Gh'è zò a Trent i colleghi che me speta.... no voi miga bloccar l'Italia!




Parcheggiio selvaggio a fondopista e... via de bala!!!!


E dopo 2 ore de strozegada soto el sol e senza acqua... arivém su a denti stretti ...e la pù erta l'è propri la pontèra finale!



Ste pagine l'e' stae cargade volte da visitatori dal 3 de agost 2005