SCIALPINISTICA Außere Zirmaidspitze del 05/03/2011
Co la poca restada en trentin per via dele ultime scaldade, endò podende nar a zercar qualcos de bel ancor da far? E così ne vem en ment l'Alta de Montecroce dalla val Racines: ancoi sem el Kepo, el Bertold e l Mauro. Le premesse de goderse la gita e no tirarse massa el col le gh'è tutte. Partim dal Zuffalpark de Trent co la Golf per le 6 e per le 7 e 1/2, dopo la solita colaziom en autogrill de Brixen, sem a Flading/Vallettina che tirem for i assotti e i mettem subit sotto i pei. Savém benom che la salita fim ala malga 300 metri sora l'è en comune alla piccola de Montecroce (che avem fat pù volte tuti quanti), e allor ne enviem subit sù spediti per la forestale che en te na quarantina de minuti ne porta al sol alla malga. E adess? Beh... en teoria, vist che per la piccola se gira drio a sinistra, a noi basterà seguir la traccia che va for dritta e la se mponta en ten canal davanti. Passém en rì su na specie de chiusa sul fil del mur: ocio a no rugolar zò che senno' se finiss sotto de 4 metri! E mboccà el canal tacchém de zete su zete a ciapar quota. 400metri comodi de zete e saltai for su en bel panettom seguim le tracce che le ne porta su n'altro doss e... vardando sora a destra vedo passar su na gresta esposta alla nossa destra en par de skialp... ma diaolopo'.. come fente a narghe al vers via lì??? E difatti dopo altri 50metri de dislivell su n'ultim doss, se cava i assotti e se arriva enzima al bergheil! E qi, domandem subit ai dò local che gh'è zà su se l'è l'Alta de Montecroce e ... no , no, no... questo l'è en dossom che dovrìa esser (col senno di poi) l'Aussere Zirmaidspitze. Però, a dir el vera, sem ancor pù contenti de aver fatt sto scialpinismo selvaggio (no l'è praticamente tracciada!) e cossa ancor pù bèla l'è quando i dò local i se raccomanda de no smontar en tel canal, ma sotto el dosset, de trarne a destra, endò che troverem en bel pendio de polverom che ne riporta alla base del canal. Detto fatto e... SUPER PUULVEERRR ! Ma propri na bela sciadaaa!! E tutta su nef vergine! E pensar che a vardar via l'Alta de Montecroce se vede saltarghe su cani e porci e l'è un camp arà... ensomma, massa bem! E quindi, dopo na bona mezzora pausa de sol alla malga bei gasai per la sciada, l'è l'ora perfetta per trarse vers val e puntar alla solita locanda all'inizio della val (Ridanna) e magnar l'immancabile Semmel mit Speck, Gurckel, Kren und ...sicher... ein grosses Bier!
Ecco l noss itinerario da LOCAL. |
|
|
Dal park de Vallettina scominziem la solita salita su per la forestale... |
...fim su alla malga... e da qi puntém al canal via drio... |
|
|
..che zete su zete, el ne porta su alle alte... |
..en vista dela zima, che, anca se no l'è quela prevista, co na nef così... |
|
|
...polverosa, vergine... massa bellaaaaaa!! |
Ste pagine l'e' stae cargade volte da visitatori dal 3 de agost 2005