SCIALPINISTICA Bondone del 05/02/2008

Dopo la solita strozegada en cantier, alle 9 e 3/4 som za lì che ronfo da en pèz, e n'SMS del Davide el me tira zo dal let...e chi scominzia en botta e risposta che me desmissia for: "Kepo! Hat vist quanta nef che ha fat?!? Dai che doman mattina nem en Bondom a veder!". Diaolopo'.... che tentaziom.... ma va a spiegarghelo ti al capo che el me speta en ditta per le 10 per la solita riuniom! Beh... basteria partir bonora! Sì, ma el tempo l'è ancor drio a trar zo de de tutt.... no penso propri che per doman mattina abbia zà petà lì! Bom dai, passada.... ne trovem alle 6 e 40 a Cadine, po' se propri la ne va mal per tempaccio farem colaziom e via diretti a laorar! Al zaino ghe pensero' doman mattina.... e così la sveglia per le 5 e 1/2 nol me la cava nessuni! Spaccà el minut (a dir el vera, addirittura en anticipo!) all'ora stabilia, carghèm i sci en la Fiesta del Davide e ne enviem su vers malga Mezavia per risalir dalle Rocce Rosse. El mesòm no l'è ancor passà e antineve o no la macchina la fa ben fadiga a nar envanti sulla pacieca.... finchè a 300 metri dalla malga, la se mpianta dal tutt.... co na retro, ne scorzem che en realtà el problema no l'era la pacieca, ma la massa nef! Da tanta che ghe n'era erem stai fermai dal mucio che s'era fat davanti al muss della macchina. E cosi' dopo na retro da panico tornem sulla provinciale (quella i l'ha tegnua neta) e ne trèm a Vaneze. Pel e su! Risalim le piste, endo che ovviamente no gh'è nessuni: tra l'ora bonoriva, tra la fila de multe che i ha dat ai scialpinisti che risaliva la stimana pasada.... chi se fida pù a nar su? E così dribblando i vari cartei de "divieto risalita coi sci" arivem all'ultim troncom vers le 8. Continuando la salita vers el Palom ne affianca anca en gattista che el ne saluda e l se raccomanda che quando smontem, de tegnirne en pista lato vers val: da tanta nef che ha fat i g'ha da sbarar en par de cariche per disgaggiar, e star a monte sarìa riscios. N'altra bella tirada e.... Berg Heil! E adess basta molar zo le pel e trarse en zo: la pista sem i primi a firmarla, e de nef el ghe n'ha fatta zo propri tanta. I impianti, a parte el troncom pù alt i daverze tutti e smontai zo dal Palom co na tirada tutta d'en fià, trati i sci en macchina, dopo na doverosa pausa birra (zà a st'ora!!!...ma no l'era media!) a Soramont, som zà pront per tornar en ditta a far el punto della situaziom, che alle 10 i me speta en riuniom!




I cartei bordo pista i parla ciar.... divieto ai scialpinisti??? Valà, valà.... gh'è da nar!


D'altronde con n'ambiente del genere...restar en val l'è en delitto!


Guadagnando quota, el temp el passa e el se tira for... anca vardando a Nord su dalle me bande gh'è zà el sol!


Berg Heil! E adess... zo de balla, che gh'è da tornar en val a laorar!!!



Ste pagine l'e' stae cargade volte da visitatori dal 3 de agost 2005