RAFTING Borghetto - Dolcè(I) (via fiume Adige) del 10/07/2011
Evo vist per caso l'appuntamento de facebook del Geo: gh'è na manifestaziom organizzada che su gommoni i te fa smontar da Borghét a Dolcè sul fiume Adés pagaiando!! N'avventura che pensem da temp co l'Alberto l'è propri la discesa integrale del fiume dal Trentim fim al mar... no gh'è scuse, per conosser el fiume e domandar le dritte a quei che i organizza... ne toca nar!
Dopo en sabo impegnativo a grappini fin le 2 de not su en gresta de confim (sora Sterzing) con me fradèl e l Cristian.... e averghe fat far nà notte insonne per quel che ho ronchezà (per via della bevua), alle 6 e 1/2 de mattina me sfilo for dala camera e alle 8 me trovo co l'Alberto e i compagni de squadra de Dragonboat (el Fabri, la Michela, el Nicola, el Claudio, l nonno, la Barbara, l'Ermanno...) all'uscita dell'autostrada a Ala-avio, pronti per nar a zercar el punto de attracco de partenza dela manifestaziom. Al prim colp ne perdém for per le campagne, ma zerca che te zerca alla fim le iscriziom le era en centro del paess de Borghet! Quindi, enviai su alla prima compagna a nord del paess ecco che gh'è zà i imbarchi... na desina de gommoni da rafting e pien de zent pronta per saltar su ... al punto che a noi el gommon i ne lo stracarga... diaolopo'... en 12 su en gommon da otto... per fortuna sem quattro boni brazi che pagaia e difatti appena molai zò per l'Adige, el pagaiator el se rende bem cont de averghe a che far con professionisti! Zerto che l'è bem dura passarghe davanti ai altri gommoni che i è carghi la metà! En te n'attimo passém el confim e rema che te rema ne passa via anca en par de kayak e canoe (po'... beh... quei del kayak, provando a frenar su na rapida i se kapotta e i vem raccattai dai vigili del fuoco col gommon a motor. Sui altri gommoni gh'è enfim la nossa assesora provincial Dominici! tutti che rema e dopo 3/4 d'ora i primi 7 chilometri i è fatti e i ne fa attraccar en ten camp de vigne a bever n bom bicier de vim bianc per riciapar forza e ripartir per i ultimi 5Km. El punto pù critico l'è le rapide de Brentim... tutti dentro!!! ...e setàr a remar! Le passém for agevolmente... l'era demò vinti metri movimentai sotto el pont... grandi! G'avem ben drio a bordo en vecio che fa l maestrim ... el s'è fat tirar fin qi senza dar en colp de pagaia e ancor che l se lamenta se ne sorpassa i altri ... roba da trarlo zò! Ma per sò fortuna arriva prim el traguardo: inversiom a 180 gradi, oop oop... ghe sem! Bel bel bel! E adess, riportai en corriera a Borghett, davanti a 2 birraccie, patatine e luganega (sotto en sol che spaca le pree) dovem metterghela tutta a raccattar pù informaziom possibile sulla discesa integrale: e durante el disnar conossem anca el boss dei canoisti che organizza... ma gommoni no i ne noleggia... e se dopressem el mio?
Nem a nord del paess de Borghett per l'imbarco.... |
|
|
...el boss entant el ne spiega come tegnir la pagaia: ahahha!! A NOI??!!? Ehehe ... nol sa ancor chi che el g'ha davanti! |
..e difatti el se ammuttolis en pressia quando ciapém subit velocità.. ritmo, forza e coordinaziom! |
|
|
...e n te n'attimo i primi 6Km i è magnai... l'è ora de na pausa bianchett for per le campagne! |
Quei dell'altro gommon i deve aver carburà massa! I è zà drio a far battaglia d'acqua! |
|
|
Alè Kepo!!! Dai dai, che se la va da n vers... l'Adige te riessi a farlo fim enfont! |
12Km magnai e adess se attracca alla spiaggetta della pescatrice de Dolcè (vedi futura relaziom dela discesa sul'Adige) |
|
Ste pagine l'e' stae cargade volte da visitatori dal 3 de agost 2005