SCIALPINISTICA Cauriol del 25/04/2010
Va bem la stracada de ieri, ma ancoi l'è festa: mai zeder! Gh'è da nar! E cosi' me trovo alle 5 co l'Albert al stadio Quercia (endo' che gh'è ancor zent che compra ciopete col Wurstel o luganega dal venditor ambulante) e partim: destinaziom Lagorai! Ancoi nem sul Cauriol dalla val de Fiemme: 1250 m de dislivell.. sperente demo' che la Polo no la g'abbia difficoltà a nar su per i 6 Km de forestale!
Colaziom en autogrill sora Trent e per le 6 e 20 sém zà a Ziano de Fiemme, sora la ciesa a seguir le indicaziom per el rifugio Cauriol (en macchina!). Su per na pontèra asfaltada del 22%, 4Km de sterrato comot e per le 6 e 30 sem al parcheggio de fine strada (la fresa pù envanti de qi no l'è nada: tutt entorno gh'è mèz metro de nef). Sem i primi... entant arriva anca n'altro putèl (tutina) che el ne ciaperà bem a breve sul percorso... ore 6 e 40 le pèl l'è zà drio a scorrer sulla nef: diaolopo'... le nubi basse le ha mpedì el rigelo notturno.... besogn star en traccia (della motoslitta) che sennò se sfonda fim ai ginoci: sperém demò che sora le nebbie no le sia arivade! En 10 minuti passém davanti al rifugio e se prosegue per forestale coi cartèi che segna 5 Km al passo! La seguìm fim quasi enzima, quindi deviaziom vers sinistra per el vallòm che vem zò: el cauriol l'è a destra. Scivolo sempre pù ert, meio far prest... che se la scalda... qi de slavine ne è zà vegnue zò tante... ma non tutte! Zete su zete fim al passo endò che se arriva for sora el senter che smonta en valsugana (sora la biforcaziom del sentér estif tra Via Austriaca e Taliana). La pala finale coi sci? Na...se fa prima de ramponi! 10 minuti a sfondar fim la vita... giust el temp de saludar la tutina che è appena drio a smontar e... berg Heil! L'è demò le 8 e 3/4, quindi, bevém en gòz, e tornai al passòt mettém i sci ai pei. E qi ne aprofitto per saludar anca en socio del Teo che zà avém encrosà co le pèl. La parte alta del canal l'è en brutt grostòm, pò, per fortuna tra la scaldada del sol sora, e la nebbia che ha fat mancar el rigelo sotto, la sciada, pur se su neve pesante e da zernir, riusim a godernela per bem. En te n'attimo, encrosà almen altri 8/10 skialp che va en su (ma èi matti a 'ste ore!) sém al rifugio Cauriol a bever 'na birretta, quindi, per le 10 sém zà de volta a cacciar i sci en te la polo. Eh eh... neanca dirlo alle 11 e 1/2 sòm zà de volta a Trembelem per disnar, gh'è davanti ancor tutta la giornada, ma.... el Jet Lag scialpinistico del weekend el se fa bem sentir!
Dese minuti a passo spedi' e sem zà a malga Sadole e l rifugio Cauriol... |
|
|
...ma no gh'è temp: "el sol el magna le ore"! Schnell! Neanca el temp de fermarse n'attimo a cavarse i guanti... se fa tutt en moto! |
Dovem aggirar la zima da destra... |
|
|
...guadagnem quota quindi fim quasi al pass e ne enfilém rento per la val (el Cauriol l'è quel de destra) fim sotto el canal... |
...e la mpontem dritta su per el canal fim alla gresta spartiacque co la Valsugana |
|
|
Quindi sci sulla schéna (ma erem pù comodi a lasarli al pass), e saltém sulla pala finale. |
No l'è ancor le 9 e, l'è zà... Berg Heil! E adess... zò le pèl e... molarla! |
|
Ste pagine l'e' stae cargade volte da visitatori dal 3 de agost 2005