GARA di CORSA in MONTAGNA
ARRAMPICATA SPORTIVA
Chegul-Maranza
Rizzolaga (Pinè)
del 28/05/2006

Eh… quattro stimane de cantier e i weekend i va a farse ciavar? Macche’! Gh’è da nar! Istess! E cosi’, dopo eser pasa’ a tor el Max a Roveredo alle 7 e ¾ ne trovem alle 8 e ½ al passo del Cimirlo col Matteo e l Giordano: ancoi se corre… in montagna! La gara l’è la prima competitiva del circuito SAT: e sel vede! A vardar la zent entorno l’è tut tutine magre empiccae che (penso ben) i me dara’ zo l’orz anca ancoi. Ma almen, sto colp en par de volte son vegnu’ su a provar la gara for per la stimana (marti col Matteo e zobia da sol) e….forse en pel allena’ el som! Fatta l’iscriziom, tachem a scaldarne su e zo per la strada che porta en Maranza. En mez ai molti coridori, se misia pero’ anca zent che no centra propri nient: i è drio a vegnir de volta da en rave fat stanot sulla Marzola! El percorso de gara l’è lonc 8 Km: 4 en salita (e che pontere de zete!) e 4 en discesa. Dislivell de salita 550m. Se parte dal passo Cimirlo (quota 780), se ciapa el senter 411 e se continua fin al pra del Stelar (quota 931), quindi, sempre su fin ai stoi del Chegul (quota 1350) e da qi zo per senteri e forestali fin al rifugio Maranza dove gh’è l’arrivo. Alle 9 e meza sem za ala partenza: pronti, via! El Giordano e l Max i pasa quasi subit davanti e i perdo ben presto de vista. I 550 metri de salita, ovviamente da erti che i è no se riese a farli de corsa…ma en 32 minuti i è bei che nai… e rieso anca a tegnir en bon pass: no me pasa nessuni e no laso distaccarme masa da quei davanti: arivo all’inizio della discesa ensema al Matteo, e da qi…basta molar le gambe! Ancora en po’ de saliscendi e dopo en scatto per no farme pasar davanti da na putela (la discesa no l’è zerto la me specialita’), me trovo a 100 metri dal traguardo el Max (ma quand’elo arriva’ che l’è za’ polsa!?!!) che el me domanda la fotocamera per farme la foto quando taio el traguardo! E cosi’ ocio e cross i tempi totali i è stai, per el nos gruppo, prim el Giordano(27°:con 49minuti e 3 centesimi di minuto) subit davanti al Max(28°:49’08””: coridori professionisti!), quindi el Matteo(47°) con 54’94”” e mi(53°) a serar con 56’79””. E cosi’, dopo aver bevu’ penso en litro de the a testa dal ristoro finale, me som fat dar en passaggio en moto dal Matteo (che el neva de bala a laorar) a raccattar la Polo e co la Monica e el Davide (moglie e fiol del Max, nonche’ sorella e nevodo del Matteo), dopo esser tornai a tor el Max (che entant el s’era envia’ en zo a pe’) ne sem enviai vers Pine’. Dopo na pausa forzata all’uscita della galleria dei crozi per ritacarghe su la marmitta alla mercedes del Max (la ghe s’era molada zo, e con tute le scintille che la moleva fora pareva foghi d’artificio!) sem arivai en pizzeria dal Matteo giusti per disnar. Entant, ne ha ciama’ anca el Giordano, che el s’era ferma’ su alla premiaziom per dirne che al solito sorteggio de fine gara evem anca vint en par de premi! Dopo n’ottima magnada, con calma ne sem enviai vers la falesia de Rizzolaga per na tirada de brazi: na falesia de porfido? Le scarpette le teign en casim, ma dele man gh’è propri da fidarse e cosi’ dopo aver desisti’ a nar da prim, la prima via el la tira su el Max. Da secont, ciapo en pel pu’ de confidenza co la roccia, ma la seconda via, che tira su el Matteo, la par propri tosta! Ma po’, da secondi, sia mi che el Max riusim a portarla fora. L’è ormai ora de merenda… e cosi’ dopo en me salt en pasticceria tornem en pizzeria a festeggiar…el complean del Kepo! Li’ entant è arriva’ anca el Greg su da Roveredo en bici, e l’era sta’ li’ a spetarne co la Monica e l Davide entant che finivem de rampegar. L’Elvira e el Sergio i è za endaffarai al bar, ma l Matteo el tira for na boza de prosecco e tuti i se ferma a farghe onor al Kepodanno…anca le cameriere (Bea e Elisa)! Addirittura l’Elvira la me regala la borraccia porta-cichèt per nar en montagna! L’è quasi le sette de sera, e prima che taca el pienom, ne aprofitto per saludar e ringraziar tuti e enviarme vers ca’: stamattina ero parti’ ale 6 e ½ e gh’evo lasa’ dit che nevo a far na gara de n’ora! Me i vedo ben zo’ a Trembelem i mei che se domanda “en do saralo quel zinghem de'n fiol?”




I 4 coridori (da sinistra: Kepo, Matteo, Max, Giordano) alla partenza… ancor bei freschi….


El Kepo all’arrivo sul traguardo…. no ghe par vera!


…e per riprenderse trem zo 4 boni bicieri de the calt! En ste occasion la birra no la ven neanca en ment… soprattutto perche’ con tut quel che gh’è da bever per reintegrar i liquidi… po’ no se ghe la faria neanca pu’ a rialzarse en pe’!


El laoro de fin che ha fat el Max: altroche’ gommini! Le marmitte dei mercedes le pol star su anca coi fili de ram che se trova en tera for per la Valsugana!


pomeriggio, per molar for le gambe nem a far do tiri en la falesia de Rizzolaga.


E per finir: Kepodanno! …el l’ha ben compiui al vintizinque, ma co la scusa del no gh’è temp, gh’è da nar, no l’eva ancor trova’ el temp de festeggiar! Quanti ei? I è drio a segnarli (anca se co le cifre invertide) el Kepo e l Greg.



Ste pagine l'e' stae cargade volte da visitatori dal 3 de agost 2005