SCIALPINISTICA / SCIALPINO Ciampac / SellaRonda del 24-26/02/2006


VENDRO


Anca el pu' bel dei inverni, el g'ha el so contro: el brut temp! E de zerto no voi farme tegnir en casa per el secondo weekend de fila da quatro nuvole....gh'e' da nar....istess! A star en val e per de pu' serai su no sen fa globuli rossi! E cosi' quando la Cristina (me cosina) la me propone de nar al Ciampac co le ciaspole a trovar i altri cosini ( Giovanna, Silvano, Patrick, Giorgio, Florio) no g'ho pensa' do volte e, tolta n'ora de permesso alle 4 del vendro dopodisnar erem za' drio a partir da Trent (en do che laoro...). Anca se dal Passo San Lugano fiocheva, le strade le era netae abbastanza decentemente e cosi' no l'era ancor le sie che meteven ai pei i atrezzi per la salita da Alba de Canazei: la Cristina ciaspole e scarponi novi, e mi scialp e scarponi novi!!! (quali scarponi ho tolt? Beh, sta stimana nol digo...ma digo sol che quei che i m'ha ciava' n'an fa en Canada i m'era propri comodi...). Ah...no me mancheva sulla schena anca en zaino da 15Kili abbondanti, vist che gh'evo mes rento anca el PC portatile! (tut fa allenamento!) La salita l'e' quela dela strada estiva dele jeep per nar sul Ciampac, la stessa dela gara scialpinistica (che ho fat el mes pasa'): ancoi a nar su con calma, anca se l'e' not e fioca, arivero' a vardarme pu' entorno de quando son en competiziom. Dopo n'ora e en quart de salita ne ciama la Giovanna per veder a che punto che sem....e quando che disem che sem ancor prima dei pianori la capiss che sem drio a tornela propri comoda: la ne aprofitta anca per meterne en guardia dela tormenta de nef che troverem all'arrivo. Passa' i pianori e dopo aver ciapa' altre do telefonae preoccupae dal rifugio, tachem la rampa finale per la pista nera e finalmente vers le 8 e en quart sem su...e g'averem bem mess tant ma g'avem dat tut el temp ala bufera de calmarse! I ne speteva ancor per zena! Magna' do boni piatti dello chef, e mola' zo el zaino en camera (sto colp i m'ha dat na camerata tuta per mi!) ne sem fermai zo fin le 10 e meza a ciacerar de...sci! El Silvano infatti l'e' appena torna' dall'allenamento per la Skimaraton Sellaronda de vendro che vem (ancoi l'ha risali' al passo sella en te la tormenta) e el Giorgio ancoi l'e' qua come accompagnator de en gruppo de sciatori...

SABO


Dopo na bona colaziom alle 8 e en quart, ancor prima che tachesa a arrivar i turisti co la prima funivia dal fondaval ero za' li' che me metevo su i scarponi da sci. Per nar endove nol so vist che el temp l'era propri brut: nef e nebbia. Vabbe' dopo esser torna' a val per la nera a far el skipass e a raccattar el zaino dela Cristina per riportarghelo al rifugio, ho ciapa' el skibus che el m'ha porta' alla partenza dela funivia del Belvedere a Canazei. Da qi dopo en par de funivie ho ciapa' le indicazioni verdi del Sellaronda (il mitico giro dei passi) con l'intenziom de arrivar fin a Arabba. Sora i 2500 la visibilta' l'era pessima e le piste tutte na dunetta...ma en tel giro de n'ora ero za' zo. Na volta li', pensevo de tornar de volta (vist che le piste no le era bele e no se vedeva a tre metri...) ma sel sa...la tentaziom del giro dei passi l'e' forte! E cosi' via vers Corvara, Colfosco.... par de esser en ten videogiochi: no gh'e' temp da perder... no gh'e' fila ai impianti gh'e' da nar! a seguir le frecce verdi del Sellaronda (senso antiorario)! E cosi' traversa' l'Alta Badia som torna' zo en Val Gardena a Selva e da qi, dopo aver traversa' la strada se ritaca a nar en su vers el passo Sella, quindi zo vers el rifugio Lupo Bianco, quindi zo dirett a Canazei paess. Beh, i m'eva sempre dit che el giro dei passi sel fa en te na giornada piena, e gh'e' el riscio de no arrivar: balle! 3ore e 10 e ero za al bar a Canazei a beverme na birra media, quindi, torna' en la conca del Ciampac, prima de tornar al rifugio ho fat n'altra sciada en la mitica Val Giumela fim al Buffaure, e cosi' podevo ritenerme pu' che soddisfatto... (e anca strac soprattutto, vist che el giro dei passi con meze piste non batue el straca el doppi!). Beh, i cosini no l'e' che po' i m'abbia dat soddisfaziom: el Giorgio e l Silvano i m'ha dit che som sta' lento! Che a farlo senza impianti co le pel sel fa en 4 ore e meza!..."credo ben", g'ho dit, "che rallenta el giro gh'e' sol i impianti!"

DOMENEGA


Eh si', esser svegliai alle 6 da macchinari che va en vanti e endrio sotto la camera no l'e' el top....ma quando me rendo cont che altro no i e' che i gatti delle nevi vegnui a batterme la pista sotto el rifugio som propri content e po', na volta leva'... Sorpresona! Qi en dolomiti le previsiom le ha canna'! Cielo sereno e le nuvole le e' tutte basse zo en fondoval (che comunque dirghe fondoval a Canazei a 1550m. slm l'e' tut dir). No perdo cosi' temp e me trao a val a far el skipass, quindi dopo na risalita en Val Giumela, torno al Belvedere: ancoi 'intenziom l'e' de rifar el giro dei passi ma en te l'altro senso... Ma el bel temp l'ha porta' anca el casim e le file alle seggiovie e cosi' na volta passa' el passo Sella e sceso en Val Gardena fin quasi a Selva, vist che le nuvole le s'era alzae e le file alle seggiovie slongae, ho deciso de star a sciar en zona e cosi' dopo en bom taglier de speck e l'immancabile birra media soto la nef al passo sella me som envia' vers Canazei e quindi raccatta' la macchina, vers ca'.




La ciesota de Alba de Canazei, alla partenza per el Ciampac el vendro de sera, soto la nef...


...dopo do ore e meza....arivem al rifugio!!!!


El di' dopo...SELLARONDA! Qi ero a Selva Gardena: da notar quel che davanti par en cartel stradale, l'e' en realta' le indicaziom per el Sellaronda: no se pol propri perderse!


Ma la mattina dela domenega levar con davanti la Crepa Neigra piena de sol fa propri piazer...


..anca se a vardar vers val e el passo Fedaia, en zo (vers Canazei) el temp nol deve esser en granche' .


..ma en val Giumela la voia de polver da fuoripista l'e' tanta!


E come pol mancar la regina dele Dolomiti? La Marmolada!



Ste pagine l'e' stae cargade volte da visitatori dal 3 de agost 2005