SCI RIPIDO Cima Grava del 25/04/2007

Dopo 3 stimane non-stop de calt da giugno, la situzion dela nef l'e' da meterse le man en tei cavei... ma a ca' no se pol star....gh'e' da nar. Ancoi per la prima volta provem na gita en Val de Vizze, la val en gresta de confin opposta alla val de Fleres. Li' salendo da nord gh'e' na zima a veder propri bela al limite del sci ripido: se la risale, secondo la relaziom (ma noi nol fem...) coi ramponi! Partidi alle 5 a Calliam, dopo la colaziom all'uscita de Vipiteno, alle 7 e 1/4 sem za li' che ne enviem su per el senter che parte da St. Jakob, sci... sulla schena. Eh si', nef no ghe n'e' en val: prai verdi e gh'e' za' en giro le prime vacche: ma a vardar en su, en tei canai nord la nef no la manca. Encrosa' en canal de erba che sbara dritti en su, abbandonem subit el senter per seguirlo e dopo na tirada de col da foc, en tel giro de neanca mezzora sem za' 400m de quota sora a na piana: ancor de erba, ma finalmente scominzia le prime macie de nef. Dopo 200 metri a pe' su per el canal ert, buttem zo i assoti e scominziem de zete. Se ciava i rampant, con en po' de laminato se riese a ciapar quota en fretta. Beh, en te n'altra mezz'ora sem enzima al canal, ma la zima, anca se la ne pareva li' sora, l'e' ancor lontana! Dopo aver risali' n'altro pendio che parte a sinistra, finalmente la spiana: ma per poc. Davanti a noi adess gh'e' el pendio finale: che ert! E anca bel giazza' a sentir quei che vem zo: i l'ha fat coi ramponi! E noi allora, arrivai a meta' pendio ne fermen e trem sotto i rampant. En qualche modo se passera' su! Tra giaz e roccette qualche toc sel passa bem for col cor en gola (e el br1 quando el se trova tra 2 lastre de roccette, el passa 5 brutti minuti)... ancora 4 zete e mola' i sci al pass se continua a pe' i ultimi 10 metri de dislivell: e chi davanti alla cross el Kepo el ciava tutti (anca en nonno che era drio a nar su da sol) e co na falcada l'ariva su per prim! Berg Heil! Foto de vetta, e 10 minuti de attesa.... spettem che el sol el faga el so laoro sulla nef: la volem cotta al punto giusto... al dente! L'e' pronta! Basta nar! E cosi' ne molem zo subit per el prim pendio ancor mez giazza': sci rippppido! e zo al pianoro arriva el firnaccio. E cosi' se spolvera (ghe n'e' su en de' de fresca dalla not prima) zo er i canai e en te n'attimo sem za' en la piana che rimettem i sci en spalla. Zo de bala per el senter estivo e per le 11 e 3/4 sem za' al furgom: 1600m de dislivell su e zo en 4 ore e 1/2: velocissimi! Ma sto colp no e' sta' questiom de tirarse el col, ma grazie al sviluppo veramente breve. Eh! El sci ripido! Dopo en cicchettin de grappa entant che ne cambiem, ne enviem vers val. Ancoi, per serar en belezza nem a magnarne na bona pasta a ca' del Br1 a S.Michel. E cosi' dopo na pausa en autogrill a comprarne en fusto de birra, alle 1 sem za' zo a magnar pasta al pesto, luganega, formai e beverghe drio. L'e' propri bonora, podem tornela comoda, anzi neanca tant: me fiscia le recie: gh'e' zo' el vecio en cantier che me speta, diaolopo'!




Se taca subit a ciapar quota su oer en canalom de erba...


...e dopo 40 minuti a passo gara ecco el canal de nef!


..e allora su de bala!


...fin alla pala finale...


.... ma l'ert l' pam per i nosi denti!


...e infatti el Kepo, a tornar nol se tira endrio!


...e neanca el Br1...


...e el Mich el la 'mponta dritta!!!


...e anca questa l' nada! Per festeggiar se ghe vol propri en cicchettin de sgnappa!



Ste pagine l'e' stae cargade volte da visitatori dal 3 de agost 2005