SCIALPINISTICA Cima Valmala/Wurmaulspitze (canalone Stillon Rinne) del 10/04/2011
Temperature estive da paura, ma a casa no se DEVE star: gh'è da nar! Sì, ma endove? Col zero termico a 3000metri vem zò valanghe da paura appena vem su el sol! mmm .... beh... en bel canalom a nord podrìa esser n'idea! E così me salta en ment la cima Valmala in val di Valles: en canal a nord che parte dritt dritt dalla piana de malga Fana e salta for sora i 2800m de quota. Per fortuna raccattando la relaziom su internet no evo lèt el forum dei skialp trentini (sennò sarìa stà a cà), che propri per via de n valangom che eva desfà el canal da tre dì i eva annullà el raduno e la salita del canal stess prevista propri per ancoi! Ne trovém alle 6 en punto alla ciesa de RioPusteria e risalia la val de Valles, parcheggiém a fine strada, 5 minuti prima de Malga Fana. Da qi, tra prai versi ( a 1600m de quota!), ne trem rento per la piana per na vintina de minuti finchè.... ecco el noss canal: no pol sbagliarse, l'è el prim che se trova piem de nef sulla destra. Na piccola ravanada a saltar rento sora el rì, po' ciapém a ciapar quota con zete su zete. La nef l'è bela giazada e no va via tant che trém sotto i rampant. L'è propri bel ert! G'avem davanti giust en par de gruppetti de skialp che procede spediti... Dopo n'ora de marcia e almen 400metri de dislivell a zete (affiancando i enormi valangoni zà smontai en tel canal), pò, quando se slarga el canal, la se mpenna ancor de pù e la nef giazada l'è ormai giàz: no g'ho dubbi! Picca e ramponi! Altri 200 metri de canal e sem fora al sol! Gh'è forte vent da sud, come previsto, ma smontando a nordovest fem prest a tornar riparai: 50metri en zò che fem diretti a pè, vist che po' gh'è da risalir altri 200metri, e questi i fem demò coi rampant... el firn nol gh'è ancora: sém en perfetto orario! Arrivèm al skidepot e... Berg Heil! Le dò roccette affilae de vetta le porta alla cross, ma va benom anca fermarse 10metri prima come fa tutti... Trem zò qualcos da magnar e spetem na mezzoretta a veder che l sol el ne prepara en bom firn, quindi... gh'è da molarla! En realtà la deventa bem prest pappa, quindi, recuperà a pè i 50metri che ne riporta all'imbocco del canal, ehehe .... gh'è da molarla! Diaolopo'... ert e giazà come che l'è vegno bem zò col cor en gola: el Stefan el se fionda zò senza rispett, mi, a parte la prima parte larga e erta, preferisso la derapada: la slavina che è smontà zò l'altro dì, el l'ha propri conzà mal! Na mezzora col fià sospeso (se fa fadiga a distinguer el color della nef pressada dal giàz) e saltém fora sul prà: sehr gut! Anca questa l'è fatta e vist che l'è quasi mezdì, na bona magnada a malga Fana co l'immancabile birraccia media nol ne la cava nessuni! E adess, mi podo fiondarme a cà a polsar, ma al Stefan ghe toca esser de volta a casa en fretta che al pomeriggio, se nol porta for la sò popa, la ghe taia le man!
Dopo 20 minuti for per i prai, ecco che la nef l'arriva giusto ai pei del canal.. |
|
|
...che zete su zete salìm... |
...tegnindone sempre de banda alle vecie slavine, che ha lassà zò envim tòchi de giàz vif... |
|
|
..la parte alta, po' quando el se empeznna e giaza ancor de pù, saltém for coi ramponi... |
..e dopo 100m de discesa ecco che podém finalmente puntar a... |
|
|
...la zima? hmm... beh, quel segnavia sotto la cross l'è en po' esposto... |
...quindi, come tuti el Berg Heil el val anca 5 metri pù endrio! |
|
|
E adess tornai en tei prai verdi, gh'è zò la malga che g'ha en calda en bom piatt de Canaderli per um... Mahlzeit! |
Ste pagine l'e' stae cargade volte da visitatori dal 3 de agost 2005