SCIALPINISTICA Cima Vegaia del 08/12/2005

Le Maddalene, l’anno scorso tanto trascurate per la poca nef…. e st’an? Gh’è da provar! E cosi’ anca se i eva previst la perturbaziom per el dopodisnar, la matina, Cima Vegaia, gh’evem tut el temp de provarla! Ne sem cosi’ trovai a Calliam col Mich e l’Alberto ale 6 e… via per la Val di Sole. Dopo la doverosa pausa colaziom al bar de Commezzadura, sem arivai a parcheggiar el Zafiron del Mich che l’era ormai le 8. Al parcheggio (en mez ala strada) de Ortise’ (1450slm) gh’era anca na coppia de scialpinsiti altoatesini, e vist che i pareva lanciai, avem lasa’ che i batesa traccia lori. La temperatura? 9 gradi soto! Quindi anda e che nare! Avem risali’ i praoni sora al paes fim a encrosar la forestale che entra en tel bosc. E qi seguendo la forestale sem entrai de bona lena en tel vallom e segui’ la forestale per na bona quarantina de minuti (e mi da mona ho tegnu’ su l’alzatac….e me som procura’ na bona vesiga soto ala pianta del pe’) sem finalmente arivai en vista de do malghe. Dopo en par de taioni su per i prai (s’era davert fora el bosc), arivem cosi’ a altre do malghe a quota 2240. Qi finiva le poche traccie de salita che eva fat altri scialpinisti (e che comunque no evem quasi segui’). La zima se la vedeva bem 700 metri sora, ma per narghe al vers dovevem evitar i canaloni e aggirarla da en costolom che saliva dala destra orografica. El vent l’eva za’ fat bastanza danni: i accumuli i gh’era ben visibili, ma ne è basta’ star sula sinistra e nar su tra mace de pra, nef e sassi… A far traccia ne sem cosi’ alternai tra l’altoatesim. el Mich e mi. Arivai en gresta el temp el treva al brut, e oltre al fret s’era leva’ anca el vent, ma gh’era da nar! Traversa’ cosi’ la gresta sem arivai en te n’altra vintina de minuti ala cross de vetta e giust el temp de trar zo qualcos, ne sem girai de bala: l’era masa fret! (col Windchill che gh’era, ho po’ controlla’ a casa, l’era -30!). La discesa l’avem fata diretta nei canai, ma tuta la parte alta l’era senza fonda e cosi’ l’era tut en zigar de solete su per i sassi. Arivai ormai ale malghe, la fonda la gh’era e la sciada la deventeva pu’ comoda, e cosi’ n’è basta’ ciapar velocita’ e lanciarse zo per la forestale per arivar ala macchina. Sulla strada del ritorno, come l’è usanza quando vegnim su da ste bande, no podeva zero mancar la tappa al bar dei scialpinisti de Male’ a magnar na bona ciopa’ col speck e la tipica birraccia media per reintegrar i liquidi sudai fora…




Qua sem apena for dala forestale, ale malghe, e sem drio a dirigerne vers el costolom che se vede davanti. La zima l’è ala nosa destra, ma no se pol narghe al vers direttamente: gh’è i canai pien de nef sventada. Qi ghe lasem far traccia a Viktor e Dina (i do altoatesini). Na volta sul costolom ghe darem el cambio.


En vista dela cross de vetta: ma per narghe al vers gh’è ancor da pasar for tuta la gresta!


Ultim saliscendi prima dela vera zima.


El Kepo che ariva en vetta. Sullo sfondo… la Presanella.


Sui prai finali de discesa, ormai en vista del Zafirom, propri soto i pini. El paess soto l’è Ortise’ e quel drio a sinistra Menas.



Ste pagine l'e' stae cargade volte da visitatori dal 3 de agost 2005