SCIALPINISTICA Croz de Conseria del 30/01/2007

Le previsiom del temp le e' speciali (alla faccia che l'e' i di' dela merla!) e nef ghe n'e': sa vot, nar a laorar? Macche'! E cosi' col Davide ne trovem a piazzale Zuffo alle 7 e meza e ciapaa la Valsugana, vers le 8 e tre quarti, dopo na bona colaziom al bar a Borgo (me vecia conoscenza delle notti insonni alla DragonFlash), smontem enfont alla val Campelle: el stess punto de partenza per le gite del Montalon/Tombola Nera... Ancoi fem el Croz de Conseria (anca ciama' Cima Nassere) e spero de aver scelt bem, vist che el Davide l'inaugura i novi sci (no voria mai trovarrme sui sassi...). Dal parcheggio del pont enfont alla val, envenze de inoltrarse rento, besogn risalir el versante alla nosa destra tornando addirittura en pel pu' en for dala val. Coi sci ai pei quindi proseguim fianco asfalto sulla strada che risale a destra (endrio) vers la malga subit sora. Da qi lasem la strada e deviem driti su per el bosc. Nef no ghe n'e' tanta: gh'e' da ravanar en poc. Dopo na mezora de zete tra le piante saltem for en campo aperto e al sol. Adess puntem driti alla malga a quota 1700. Da chi el rest dela salita l'e' evidente: basta saltar sul doss davnti. El vent sui altri versanti l'ha fat disastri, non qui per fortuna. L'ultim toc l'e' continuo su per bosc rado e prai. Ghe sem. Trem zo qualcoss, bevem en bom brule' tira' drio dal Davide e cavem le pel. Gh'e' da nar! El prim toc l'e' na taola giazada, bela da sciar, po' se va sul masna'. Qi encontrem tre siori de Trent che era parti' con noi dala macchina (ma lori i e' ancor drio a nar en su...) e per fortuna i ne consiglia na variante per forestale per l'ultim toc de discesa: se fussem tornai alla macchina dal bosc no saria sta altro che na ravanada. La parte fin ala malga l'e' polver a tochi, ma el pu' l'e' parecchio smoiada. Comunque el Davide el ghe teign botta (pensar che no l'e' neanca n'am che l'ha prova' a nar en pista coi sci) e en te n'attimo sem li' che sketinem sulla forestale (se la imbocca dopo la malga a 1700 entrando en pian pu en rento en la val Campelle) e quindi zo alla macchina. No l'e' ancor le 2 che sem za a Trent e mi som za' pront col cartellim en man a scominziar giornada...




Dopo aver ravana' su per el bosc se raggiunge la malga a quota 1700m...


...e se risale el versante per rado bosc.


No l'e' possibile ai di' dela merla en maneghe corte!


Berg Heil!


Dalla zima, la sciada che ne speta.



Ste pagine l'e' stae cargade volte da visitatori dal 3 de agost 2005