XXXIII CIASPOLADA Fondo (Val di Non) del 06/01/2006
Ne sem trovai a Trent vers le 8 col Mattia, el Marisa el Stefano e 'l Gioppi, quindi via vers l'autogrill de
Paganella est endo che per le 8 e meza ne dovevem trovar col Matteo e tut el gruppo de Pine'. Qi, le putele, dopo le presentazion, le n'ha dat la fascetta contrassegno del nos gruppo: "Sportivi?...si', qualche volta!".
E cosi' dopo esserne enviai, e na' pausa grappa e brule' al casel de S.Michel entant che speteven altri 4 del gruppo (da 42 persone!!!), sem arivai a Fondo vers le 10.
Evo ben pensa' de tor drio en litro de brule', el Mattia na thermos de grappa e 'l Marisa 2 boze de ros, ma el Matteo quando el tira for l'argaign che i ha prepara' en Pine' el supera tuti:
na slitta con na manetta per butarla e l'imbrago per tirarla e en barilot de leign pien de 30 litri de birra da cargar sula slitta e tirarse drio per tuta la ciaspolada!
Ale 10 e meza i sbara, parte i agonisti e subit dopo toca noi: sem 6200, e ala partenza sem ultimi....anzi, quando parte tuti l'e' za' ora de spinar bira e spina de qi spina de la' avanti che pasente soto el cancelet de partenza 10 minuti boni i e' za' pasai!
Ma gh'e' temp! e cosi' la slitta dopo i primi 100 metri stentai per tegnir l'onda sula nef mola, na volta che l'ariva sula nef pu' batuda la va con pu' decisiom. Dopo n'altra spinaa de birra, se se ferma per zercar en paraguide a stella: el rinforzo de compensa' che i gh'era sta' mess drio per tegnir su el peso del barilot, en realta' el feva da spazzanef e l'empieniva el sottoslitta de nef e cosi' i chili da tirar i deventeva 50!
Ma de paraguide non salta fora e alora... meio provar a slizerirla co n'altro giro de birra! Dopo en par de taioni salta fora anca la grappa del Mattia. E cosi' vers mezdi' arivem a Sarnonico: l'e' a meta' del percorso e gh'e' el ristoro. Da quel che ho capi' el ristoro el deva for sol brule' e biscotti per sugar su.... E qi ne fermen na mezoreta a far n'altro giro de birra e, tra en biscot e l'altro a tor de mez anca la me thermos de brule'.
Pu' che en ristoro volante per quei che g'ha da nar par pu' n'apres ski con tuti sentai sule banchete che magna e che beve! Na volta ripartidi, dopo na sboconada ala boza de ros bon del Marisa, el Matteo, col Pad i ciapa en ritmo lancia' e col Mattia e la Francesca (da Canezza) g'avem da far le nose a starghe drio...
Dopo na rampa se se ferma a ciapar fia' e bagnar l'ugola soto el cancelet che pareva el traguardo (ma che en realta' el segneva el chilometro all'arivo): e qi salta fora addirittura la grappa alle fragoline! Ormai manca sol en chilometro: se riparte cois' lancia vers el traguardo: el Matteo, che la slitta 'l 'ha trainada fin dall'inizio el la vol ormai portar fin enfont, drio a butar enveze se se alterna. E cosi' scatto finale e... ghe sem! L'e' nada! Quasi 8 km en 2 ore e meza: qua no se varda el temp, ma el consumo: sara' sta' sui 5 Km. con en litro... de birra! Ma la birra no l'e' ancor finia!! Se pol offrirghela anca a quei del soccorso! Ne va de lusso che el Pullmin de Pine' el ne da' en strappo alle macchine e cosi' dopo n'altro giro de birra (e grappe) alla Rocchetta, e en "alla prox!" ne saluden e ne envien vers ca'.
El barilot de bira el ven porta' a man finche' no gh'e' nef, quindi se pol cargarlo sula slitta. |
|
|
Qi sem za' a Sarnonico, e punto ristoro endo che ne fermen a bever bira, brule' e sgnapa. |
Ancor 4 Kilometri al'arivo |
|
|
La rampa che porta sul doss davanti al paess de arrivo. |
...enzima ala rampa se se ferma a bever... e oltre ala bira e ale 2 boze che g'ha en tel zaino el Gioppi salta for anca n'altra boza de grappa! |
|
|
El Matteo, la Francesca e 'l Mattia ormai en vista del strappo finale en tel paess.
|
|
E qi, dala foto de gruppo finale se vede che a bever no s'era tegnu' endrio nesuni! |
Ste pagine l'e' stae cargade volte da visitatori dal 3 de agost 2005
