SCIALPINISTICA Fotscher Windegg (A) del 11/01/2011

Vist che l temp a sud dele alpi nol promette nient de bom, ne trovém al Zuffal alle 6 e 1/2 e mi, l Teo e l Stefano, nem a nord a zercar el sol... e ciapà co la vecia Polo dall'uscita Stubai la direziom Sellarain fim alla curva della Fotschertal, parcheggiém all'entrata della val, propri giusti sora l limite delle nebbie, sotto na serenada da foc. Mitico Kepo! Ne enfilém su per la forestale/pista da slittim innevada: per fortuna gh'è la pista, che sennò i primi 300 metri ne tocheva bem portar i assotti sula schena, po' la nef la amumenta per bem anca for n tel bosc e, nonstante le alte temperature che l'ha fat qi i ultimi dì per el Phoen da sud, la nef l'è ancor polverosa! Passà el bivio sul pont (che porta al rifugio endò che taca la pista da slittin) e tegnui a destra, passém en te na valletta co na casa endò che i è drio a far frollar la cacciaggione della not: na volp! Anca el capitèl di fronte alla casa l'è propri tipico de zona: envenze de esserghe rento raffigurà en Cristo, gh'è rento dipinto en cervo!!!! Continuém quindi su per vecie traccie lungo la forestale n'altra bona tre quarti d'ora e arrivai alla Almindalm, i primi 750m i avem fatti: en sviluppom da foc, ma adess, i ultimi 650, i la mponta su bem, quindi, ciapà la valletta a destra della malga ne addentrem, passando sotto la zima a sinistra e, con calma guadagném la gresta. El Teo, ancoi piém de raffreddor, nol perde en pass e l g'ha sempre en bom ritmo gara (non per nient ancoi l'è vegnù coi Hagan Race), mi ancoi fago el mediano e l Stefano coi sci larghi e attacconi, el sèra la fila a dò minuti de distanza (ma de zerto el se godrà bem la discesa!). Arrivém quindi a na zima per en prim BergHeil co n cartel che pareva na cross... ma la zima vera, l'è giusta a sinistra 3 minuti de roccette senza sci: ....Berg Heil! Tempo fantastico come da previsiom: 20 minuti de relax en vetta e adess, tornai sui nossi passi ne fiondém all'Huette all'inizio della pista da sci per l disnar: la sciada, en polver en po' appesantia dal vent en po' masnada dai passaggi, la se la fa intervallada con qualche pausa, quindi, arrivai en rifugio, na bona birra media e na magnada de TirolKnoedel nol ne la cava nessuni, quindi, per le 3 e mezza, sém de volta all'auto pronti per rientrar en Trentin: erem bem d'accordo col Teo de nar diretti a far la gara al Rolle stasera, ma tra che dislivell n'avem zà fat, tra che l Teo ancoi l'è propri keppottà... decidém che per ancoi avém scià assà e per le sei e mèza sem zà entorno a cà per sugàr le pèl per la prossima sciada.




Ne enviem su per l'eterna forestale - pista da slittim...


...ehehe.. bei usai qi i nossi connazionali: la volp a frollar for dall'uss e n tel capitel... altrochè cristi!!! Gh'è rentò pitturà en Zèrf!


Passada la malga alta, aggirém la nossa zima (frontale) da destra...


...e ciapà el larc greston...


...arrviém al Berg Heil!


E anca ancoi, girandone vers val l'avém embroccada! En TrentinoSuedtirol piove... e qi en val... sém partidi dalla quota delle nebbie! Grande MeteoKepo!!!



Ste pagine l'e' stae cargade volte da visitatori dal 3 de agost 2005