SCIALPINISTICA Gürtelspitz del 30/12/2006

L'e' almen en par de stimane che volem nar a tastar el terrem en Val Passiria, e vist che par che ghen sia.... gh'e' da nar! Partenza alle 6 da Calliam e dopo la colaziom sulla MEBO vers le 8 sem al pont al chilometro 21 della val Passiria: giust tre chilometri prima dell'interruziom della strada: el passo Rombo, en inverno i lo teign sera'. Fonda ghe n'e' fim dalla strada: trem i sci sotto i pei e entrem en te la valletta seguendo la forestale che ne porta 300 metri sora alla TimmelsAlm. Da qi gh'e' do opzion: o a sinistra vers el monte Agnello (e l'Alberto, l Luca e l Ciano i va de li') o dritti e a destra per la Croda della Cintola(Gürtelspitz ): noi scegliem questa, e ne ritroverem (...) qi al ritorno coi altri. Se entra en la val e almen en la piana la nef la par bela polverosa: en realta' apena ciapem quota ne rendem ben cont che el vent l'ha fat le so groste... Entant che l Mich el ghe da' qualche dritta al Mauro sulla progressiom e che el Bertold el scatta na raffica de foto (e devo ancor ringraziarlo vist che anca ancoi el l'ha fatte tutte lu'!), mi ciapo quota col pensier fiss alla lamina del me vecio sciot: tegnirala? Par de si'... Se continua per dossoni tegnindose sempre en esposiziom ovest e en do ore e mezza sem su: con tutta calma. En vetta ancoi sarem su na quindesina e dopo na bona mez'ora de pausa e do ciacere con do da Meran (co la putela che prima che taca la discesa la me offre anca dei ottimi biscotti de Nadal fatti da so mama) ne enviem en val. Purtroppo, anca se qualche toc de polver el gh'era, la sciada no l'e' stada el top... Arivai en val e speta' i altri che eva fat la zima del'Agnell (avem speta' 1ora e 1/2 perche' no ne sem encrosai en la piana della Timmelsalm...) ne fiondem a magnar na bona ciopa de speck e bever na bona birra al locale della val: l'AlpenRose. I me Sintesi i g'ha tegnu' botta anca ancoi, ma doman, vist che i e' al canto del cigno, ghe smonto i attacchi e.... per el 2007 sperem de tacar con en par de asoti novi: se demo' fioca!




Se entra per la forestale...


..e arivai alla Timmelsalm se devia a destra...


...e se continua su na bela pendenza costante fim en vetta: se se ciapa tutt polverom, la sciada la dev'esser propri bella!


Berg Heil!



Ste pagine l'e' stae cargade volte da visitatori dal 3 de agost 2005