SCIALPINISTICA Geister Spitze /Punta degli Spiriti del 29/09/2010

Co le ripetude fiocae fate sora i 2000 en tei ultimi dì, a vardar le webcam del Stelvio, stracargo de nef, me se daverze el cor: oltretutt, el multistrato el dovria zà esserghe, quindi basta spetar che i passa col mesom a ridaverzer el passo, tor ferie e... via che gh'è da nar! El Teo co le pèl l'è na garanzia e allor, inaugurém ensema la stagiom skialp 2011 (e le tirae de col che l me darà) trovandone alle 7 a Trent al Zuffal Park e ne enviém de bala, dopo na pausa colaziom a Bolzam, su per la Vinschgau a dribblar trattori carghi de pomi. Ne fa strada na jeep de finanzieri che anca lori i s'è entaiadi dela fiocada al Stelvio e, i va a far giornada co le pel sula nosa stesa zima. Per le 9 e 1/2 dopo en bom Brulè al bar del pass per inaugurar la stagiom invernale, pellém e trati i assotti sotto i pei ne enviém dal parcheggio su na vecia traccia! Diaolopo'... i ha davert el pass da neanca 24 ore dal versante tirolese, quindi sto colp dev'esser sta' i 'taliani a ciavarne sul temp... Saltando su en direziom del rifugio Livrio, fim al terz palom, i bachetti i sfonda i 3 strati de nef e sotto se sente ben qualche sass... ma a quei ghe penserem en discesa, vist che entant sém drio a ciapar quota su na bela polver fonda 60 schèi! Arrivai al prim rifugio (funivia intermedia) calém 30 metri sulla sinistra e ciapém le nove piste appena tirae a biliardo (eheheh... no evo mai vist le piste tirae fim all'intermedia)... 200 metri de salita e arrivém all'arrivo dei impianti: aggirem così l'ultim rifugio da destra endò che salta su anca na jeepabile bela batua dal pass: oro, così a smontar podém sfruttarla senza neanca risciar de toccar sassi en la parte bassa! I skilift qi i è tutti en funziom e oltre alla nazionale svizzera de sci, de zent che fa discesa non manca! Alternem piste tirae a biliardo a traccia su super pulver schnee costeggiando i skilift da destra: ehehe... al gabiòt a 3000m de nef ghe n'è propri na scarica per la stagiom, vist che l gabiot, postà sul ghiacciaio, el g'ha l'entrata pù bassa de almen en metro. Entant, mpontando la pista dritta sulla pontèra, el Teo el ciapa coppia e el me fa prest tornar en ment le tirae de col fatte e che me speterà en te le prossime skialp: eheh... el diss sempre che no l'ariva mai a alenarse e l'è fuori forma: per fortuna! Taià for i skilift, ne trém sotto la zima da sinistra endò parte na traccia... fatte tre erte zete, però la se mponta veramente tant, e tra el riscio valanghe, tra che no par i sia riusidi a scavezar su dalle rocce enzima, preferim smontar e tornar all'arrivo dei skilift per saltar su dal versante de destra. Na bella rugolada propri sora en crep (ehhe... a farse ciapar la man a smontar coi attacchi liberi en pulverschnee!) e en te n'attimo passa' da sora l'arrivo del skilift che salta su dai campi de fondo, molém zò i sci e tra roccette sventae ne fém i ultimi 30 metri a pè: Berg Heil scialpinisti!!! Ehehe... soli en vetta... e col zél che se alla partenza l'era coèrt, adess el s'è sciarì for per bem. Dopo 10 minuti de contemplaziom arriva anca i 3 scialpinisti-finanzieri: ehehe... da lenti che i è stai, sto colp i ghe pagherà anca i straordinari! Beati lori! Se no fussa che avrìa dovèst laorar per el stato talian, per na vita così, sarìa entrà en le forze del'ordine anca mi! Ma le prime serpentine dela giornada le deve esser le nosse, e allor ne fiondém zò ai sci e alternando super pulver a piste tirae a biliardo, tutt de n fià ne trém al rifugio alt per na bona birraccia media e trar zò qualcos, quindi, ultima pista en velocità e scalettà 10 metri sull'arrivo della funivia intermedia, sfruttém la jeeppabile per evitar sassi... ma i ultimi 50metri, el Teo el propone en taiom zò per i dossi vers el parcheggio e... bella idea! I sassi no se i sente quasi... giust qualche toccada ogni tant, ma con sotto 3 strati de nef, ormai, l'era zà tutta fattibile en fuoripista. E per le una e 3/4, sci ai pei alla macchina al vintinove de setembre, potrém a termine la nossa missiom. E quindi ne resta demò dò ore e mèza a dribblar tratori for per la Vinschgau e far boni propositi per la stagiòm invernale che è scominzià: gh'è da nar!




Prost! Ehehe... besogn propri inaugurar la stagiom con en bom Vin Brulè!


Sci ai pei dalla macchina e ... GH'E' DA NAR!!!! Ehehe... massa bel postar zò le pèl per l'inizio de stagiom!!! Contenti come i bòci al prim dì de scola !!! (al secont dì de scola, enveze risalta subit la fadiga)...


..e a tegnir el pass del Teo... la fadiga l'è garantia da subit: ma... co na polver del genere passa en secondo piano anca quela!


E allor anca el Kepo nol pol no provar a batter traccia!


...entant se daverze for anca el zél..


...la mpontem dritta fianco piste en direziom della nossa zima...


...che prima provém a risalir da sinistra, ma essendo cargada e erta smontém...


...senza bloccar i alzatacchi ... e così el Kepo el pol zà postar zò el muss...


..saltém su quindi da destra, molando i sci 30 m sotto e continuando a pè, e...


..prima che arriva i finanzieri, noi sém zà al... Berg Heil!!!


Foto di vetta: ognuni l'interpreta el pilastrim OGM a sò modo: el Teo el ghe salta su per segnar el confin de stato tra TrentinoSuedtirol e Italia.... el Kepo enveze el se barrica al de qua... en Tirol ;-) !


E adess, che s'è tirà for anca el temp, se pol pensar a molarla vers val!


Saltem zò dala zima sule piste.. e dopo na pausa birra n rifugio...


...ne fem ciapar la man dalla velocità... e con en bem taiom dalla Jeepabile...


...arrivém senza tocar sassi (sol qualche lizera gratada), sci ai pei alla macchina!



Ste pagine l'e' stae cargade volte da visitatori dal 3 de agost 2005