SCIALPINISTICA Gran Mesulè - Großer Möseler(A) del 10/05/2009

10/05/2009:Levar la mattina alle 1, e traversar for Roveredo (sotto el diluvio) coi locali ancor pieni de zent, fa en zerto effetto… ma … gh’è da nar! …e de stà stagiom no gh’è scuse: besogn partir bonora! Vista tuta la zent su sta gita de ancoi, la scelta l’era propri giusta! E mi che som fisionomista men de zero vegno riconossù da ben 4 skialp! Ahaha… anca qi en Ahrntal i me conoss tutti!!! El sior che néva dat el passaggio sulla Cima Boai a inizio stagiom (che sto colp el ne offre birra e pizzoccheri), el socio del Mich che dà na man a gestir el rifugio Altissimo, el gruppo de skialp de Vittorio Veneto che se ricorda de mi e l Mich 2 anni fa sul Dome de Neige(F), e, l Stefano de Lavis, socio del Br1, che el fa la salita con noi. Ensomma… propri en bel gruppo!

La relaziòm, sto colp el l’ha scritta l’Andrea…che sennò el Kepo… col poc temp che l g’ha… no l’ariva pù a contarve tute le monae che se fa!


Ormai l’è za dan poc che i skiapl i’è drio a polsar en cantina (l’è magio e se taca a rampegar) quando el sabo de sera ciama el Kepo: “ Alora che fem domam? Ghè da nar no sepol star a casa, el meteo el da brut fim a stasera ma da domam matina dovria tirarse fora”. Ne trovem alora al Quercia vers le 1.30 de matina con l’obiettivo de nar sul Gran Mesulè (Großer Möseler per el Kepo), na bela zima en val dei Molini, en 3400 con 1650 metri de dislviel. Partim da Roveredo soto el diluvio che el ne acompagna fin dopo Bruneck dove el taca a tirarse fora (che ocio el Kepo co le previsiom). Arivai a la diga del lac de Neves lasem la machina e ne enviem coi sci en spalla e le frontali lungo la strada che costeggia el lac; quanta zent i parcheggi i’è pieni de machine e camper!! Arivai en font a la stradina metem i sci e ne enfilem dentro an ampio valom. Davanti gavem na comitiva de zent e sicome el Kepo nol vol nesuni davanti taca a tirar come en danà fim a quando pasem via tuti. En tant scominzia ad albeggiar e dopo en par de ora arivem en zima al valom da dove se vede la zima. La par vizina ma a causa de en zocol de en metro soto a le pel dovù a la fiocà del dì prima se va avanti piam. Da la fim del valom se fà en lungo traverso fim a chè se ariva a en bel pendio soto alla forcella dove parte la fazile cresta che porta en zima. Per mi (ma me sa anca per el Kepo che l’arfieva en poc :-D) sti ultimi 200 metri i’è stai veramente duri, ma tendo duro con en poc de zete sem arivai a la forcella dove molai i sci con pica e ramponi en dese minuti sem arivai en zima( a dir la verità el Kepo l’è ariva en poc prima), dove en zelo senza gnanca na nuvola el na fat godere de en panorama da foc. Bergheil!!!! Vist tuta la marea de zent che l’era drio a vegnir su sem tornai de bala ala forcella e trate le pel en tel zaino (Weg die Fellen !!) ne sem molai zo per i valoni. En gnanca mezora de bela sciada su nef bagnada sem tornai al lago de Neves dove na copia de amici de el Kepo (l’è famoso ormai) i na envitai a magnar pizzoccheri en tel loro camper, però vista l’ora ne acontentem de farne ofrir na bela Becks e dopo via de bala en Welschtirol!!!




Passà for la piana del lac de Neves, se smorza le frontali e se se enfila su per l'ert canal...


E dopo n'ora e mezza a testa bassa saltém finalmente for dal canal e dalle nebbie.


E entrém en tel vallom sul ghiacciaio en direziom della zima...


...le zete che salta sulla gresta finale, erte e giazae, le fem coi rampant sotto i sci...


Gesta finale picca e ramponi alla man...


...e Berg Heil (anca questa l'è vetta de confim)!


Tornai al skidepot, se pol finalmente enforcar i sci e...


molarlaaa!!! Bela bela, la polver de maggio vegnua zò en te la not!


La parte sotto, ovviamente l'è polenta, ma coi sci arrivém praticamente alla macchina!



Ste pagine l'e' stae cargade volte da visitatori dal 3 de agost 2005