ALPINISTICA Gran Zebrù del 30-31/07/2005

El Königspitze(Gran Zebrù)? Sempre varda’ su con masa rispett…. el par masa inaccessibile quel triangolom de roccie! Eppur le varie relaziom i lo da’ PD….. e alora… gh’è da nar! Ne trovem cosi’ a Roveredo el sabo de mattina vers le 10 e meza col Max (che per fortuna l’è riusi’ a torse la meza giornada libera: senno’ ghe tocheva raggiungerne en moto la sera!), l’Andrea (el Marisa) e ‘l Stefano (che dopo ‘na botta da foc co la moto da cross el vem a riabilitar el ginocio!) e via vers el parcheggio dei Forni. La strada per narghe al vers l’è eterna: passo Tonale, passo Gavia, S. Caterina Valfurva e su vers el parcheggio… Smontem dala macchina che l’è le 2 e meza e ne enviem a pe’ vers el rifugio Pizzini. Dopo n’ora e meza sem arivai e ne aprofittem per informarne sulle condizioni del Gran Zebru’ dai altri alpinisti (terroristi) che era appena vegnui zo dala zima: “Gh’è do brutti traversi de giaz! Besogn nar de ciodi da giaz! E ‘l col de bottiglia l’è ormai senza nef!”. Quando po’ i n’ha dir che i è partidi alle 10 de mattina per far zima, avem alza’ i oci al zel e domanda’ al gestor… El rifugio Pizzini l’è quasi come n’hotel: 120 posti letto con meze camere che g’ha i servizi en camera! Dopo 4 scartae a briscola (co le carte che gireva bem sol al Max e all’Andrea), do bone birre e na bona zena (dove no pol mancar la solita boza de Cabernet che ‘l Kepo el se porta en tel zaino) vers le 9 ne trem en let. El temp l’è si’ nuvolos, ma par che ‘l se daverza fora… Sveglia alle 3 e 15, colaziom ale 3 e 45 e ale 4 e 15 sem za’ en marcia su per le morene. En partenza per el Gran Zebru’sarem 4 o 5 cordate en tut. Dopo circa n’ora de caminada al buio pesto arrivem sul fianc sinistro del gross rocciom ros sotto la canaletta che porta sulla gresta del Zebru’. Qi, a quota 3050, taca el ghiacciaio e cosi’ ne mbraghem, ramponem e podem anca smorzar le lampade frontali: ormai l’è ciar. Se costeggia cosi’ el rocciom ross fim sotto l’attacco del canal che dovria eser de nef…. enveze l’è na pietraia da far 1 pas e su e 2 en zo…. fin a meta’ po’ taca la nef per i ultimi 100 metri del col de la Bottiglia. Per sparmiar temp fem tut el canal senza ramponi (i evem cavai all’inizio della pietraia) e ne fermen a rimetterli na volta arivai al passo della Bottiglia (le varie relaziom le da’ pericolo de scaricamenti de sassi propri en tel canal e soprattutto col calt che eva fat durante la stimana no gh’era da star tant allegri: beh, ala fin sassi no se n’è visti pasar zo!). For dal canal en realta’ la pendenza la aumenta anca… e dopo ‘na mezzora che avem ritaca’ a salir encontrem anca ‘na cordata che era drio a tornar de volta: i eva desisti’ per el travers de giaz vif trova’ subit sora: noi l’avem pasa’ fora senza tanti problemi. Vers quota 3600, pasa’ el tochet giaza’ en mez ala nebbia seguim le tracce e nem vers le roccette che porta en gresta. E qi de sassi ne vem zo’ a iosa: ma i è tutti smovui da quei delinquenti de alpinisti che gh’è za’ en gresta! Spetem quindi che i torna de volta per narghe su noi e dopo eserne molai fora (la corda no la fa altro che tirar zo sassi) pasem fora le roccete prima dela gresta (che le è pu’ marze dell’humus che vem for dal compost), la gresta e…. ghe sem! 3851m slm.Giust zinque minuti de complimentarne (“Berg Heil!”) e ne enviem de volta…. Roccette, traversim de giaz e … toneza! e fioca! Su, su, (anzi zo! ) no gh’è temp! Gh’è da nar! Scendem dal col de Bottiglia faccia a valle, fem ‘na sciada sulle pietraie basse del canalim (el Stif l’ensegna!) e sligai ritraversem el ghiacciaio vers la morena (l’è tut giaz vif…. i crepi se i vede bem!) quindi per le 2 sem al rifugio Pizzini per ‘n bom disnar. L’è le 3 quando ripartim vers la macchina soto l’acqua e a parte en fuori programma del Stefano che ‘l se ferma en te na malga a scrocarghe (a do bele putele) en sac dele mondizie per scoerzerse (ormai erem mizi patochi) arivem a val ale 4 e a Roveredo ale 9… 5 ore de viaz??? No!!!!en mez doveva pur esserghe ‘na tappa birra…




El Gran Zebru’ e ‘l rifugio Pizzini: se aggira a sinistra el rocciom ross, se salta su per el canal (è innneva’ sol la parte alta) che porta sul fianc che po se risale fim sotto le roccette de gresta.


Andrea, Max, Kepo lungo la salita del Col de Boza


Andrea e Stefano sempre en tel Col de Boza: soto en font al ghiacciaio se vede el rocciom ross che se aggira.


Dopo el piccol traversim de giaz se capita ormai en vista delle roccette finali (e la cross de vetta). Sulla destra se vede la zent che vem zo dale roccette.


La grestina finale


I quatro alpinisti en vetta al GRAN ZEBRU’! Da destra: Max, Stefano, Andrea, Kepo.


Scendendo: el Kepo l’è ariva’ al passo della Bottiglia ( alla so sinistra)


Sotto l’acqua de corsa se scia sulle marogne che dal col de Boza le riporta al ghiacciao.



Ste pagine l'e' stae cargade volte da visitatori dal 3 de agost 2005