SCIALPINISTICA Groß Venediger (A) del 24-25/04/2006

L'idea l'era de nar a far el Gran Paradiso en Val d'Aosta, ma viste le brutte previsiom del temp, gh'era da trovar na valida alternativa: el Groß Venediger (A)! Seconda zima pu' alta d'Austria... e via de la' el temp el dovria tegnir! Prenoto cosi' al volo la Johannis Hutte en Austria e a mezdi' e mez sem za' li' che partim da Roveredo. Dopo na pausa rifornimento metano a Bolzan e Brunico (col crucco del distributor che el me n'ha dit drio de cote e de crue perche' ho spendu' masa poc per el pieno! - mi no so.... i sudtirolesi della zona de Brunico-Kronplatz i riese sempre a farse voler bem... bastardi!) ne sem fermai en ten locale all'ex dogana de S.Candido per na bona birraccia (radler, vist che no so con quante birre zo se pol guidar en Austria). Ripartidi, ne speteva ancora en bel toc fin a Linz, quindi, gira' a sinistra se risale a Matrei in Osttirol e per la Virgental fin Pragraten e Hinterbichl, da endove se segue le indicazioni per el parcheggio per nar alla Johannishutte. Cargai sci e scarponi sula schena, e' vegnu' le 5 che partivem co le scarpe da ginnastica vers el rifugio. Avem risali' la forestale, taiando su per i prai e sfondando co le gambe rento vecie slavine, finche' arivai al secondo ponte, vers quota 1800 avem mess su i sci e ne sem enviai su per en canal. 50 metri sora, la spiana e el vallom el se daverze. Entrem cosi' en te la val e giusti giusti per le 7 sem al rifugio. El rifugio l'e' gesti' da do bele putele e na Frau. Subit le ne assegna el lager (si',si' i se ciama propri cosi'!) per postar zo i zaini e dormir, e quindi i ne serve la zena (ottima, ma tutta vegetariana) ensema a na bona birraccia e en limoncino che me som porta' da ca'! Tuta la zent che gh'e' en tel rifugio doman la fa la nosa zima. La sveglia l'e' per le 5. Dopo na colaziom de tuta calma, ale 6, col temp che ancoi (a differenza de ieri che el minacceva acqua) l'e' spettacolare, ne enviem. Davanti gh'avem en gruppo de tre altoatesini, de drio na sgerada de almen 10 todeschi. Risalim i dossi a destra del rifugio e dopo n'ora de marcia co l'Alberto che no mola n'atimo ne fermen a bever en goz. Ne aprofittem per trar zo qualcos e qi al Max ghe rugola a val sia la ciotola de frutta secca che la fotocamera. Dopo averle recuperae, vist che i todeschi i era ancora endrio...no gh'avem zerto dat occasiom de vegnirne a ciapar e sem ripartidi. L'e' le otto che sem alla Defregger Haus, el rifugio pu' alt, a 2960. Qi, dopo i 5Km fatti ieri per salire al rifugio, avem za' fat altri 5 Km.... alla vetta nen manca ormai sol 7! Adess, dopo aver risali' na selletta avanti 300 metri, saltem sul ghiacciaio. Qi decidem, vist la bela impressiom del ghiacciaio de lasar la corda en tei zaini e proceder sligai:crepi no sen vede. Dopo na longa traversata tra i 3150 e i 3400 la salita la se fa pu' sostenua, ma sempre continua e finalmente sbuca for en lontananza anca la ponta bianca de vetta. Ormai ghe sem. E ale 10, dopo aver traversa l'esile gresta che porta enzima (ottime condiziom! No serviva ne' picca ne' ramponi... sem pasai for dritti coi sci) arivem ala cross come seconda cordata dala nosa val e encontrem el Luciano, la Manuela e la Cinzia de Roveredo: lori i era vegnui su dall'altro versante...e anca lori i era giust arivai! Vinti minuti de pausa en vetta (tuti taliani!!! vist che en Austria al 25 april se laora) e...zo! Gh'e' da nar, senno' la nef la mola massa! E infatti sciata spettacolare su firn fin alla Defregger Haus, po' fin verso i 2800 ancora accettabile, quindi con attenziom (pesante e a colpi cedevole) fin al rifugio (primo gruppo rientrato!!!). Qi, dopo na doverosa birraccia, a mezdi e en quart, ne sem enviai en zo. Sto colp avem sfrutta' i canai pieni de vecie slavine che scende a sinistra dela val e... su nef bella pressada, ne sem godui propri na bella sciada fin al pont 150 metri sora la macchina! No l'avria mai dit! E cosi' ale 2 podevem enviarne vers ca'... ovviamente prima de passar el confin l'e' d'obbligo el pieno de benza (che qi la vem 1,08 contro i 1,33 en Italia!), quindi dopo en bom taglier (e birra ovviamente) en quel de S.Candido... sem arivai a ca' per le 6.




Qi sem za arivai alla Defregger Haus... quasi quota 3000...


..e appena arrivati alla selletta sopra, appare la vetta in lontananza...


...l'e' longa a narghe al vers... ma quando ghe sem sotto... ecco che a destra vedem l'altro gruppo de Roveretani che vem su dall'altra val!


Arrivai enzima, ne basta pasar fora l'esile grestina e....


Berg Heil!


Sto Kepo e le so manie de grandezza!!!


Dalla vetta se vede el vallom da endo che sem vegnui su.... che loooonga!!!


e sfruttando le valanghe sem tornai a val sci ai pei. E che valanghe!

Qi en realta' l'era a nar en su: erem propri cargai come i mussi!



Ste pagine l'e' stae cargade volte da visitatori dal 3 de agost 2005