SCIALPINISTICA Großer Möseler del 11/02/2007
Dovem far gambe e ancoi, drio ai 2 sellarondisti (Luca e Bepi) no gavem scuse: dovem morderghe le pel e....far dislivel! Ne trovem ale 6:15 a Trent e via per la val Aurina. Arivai a Molini di Tures se ciapa la strada che risale a sinistra vers Lappago. En la val de nef ghe n'e' e anca el frett (ma l'e' sol la conca che l'e' fredda: dai -9,5 del fondoval se passa ai -4,5 de Lappago). Sora el paess la strada che sal al lago l'e' serada. E alora pelem e alle 8 e disisete, nem. Me desmentego de lasar en macchina el palto' e cosi', vist che i altri i e' za partidi, e cargo en tel zaino e me tochera' far gambe.... Dopo do chilometri abbondanti e 200 metri de dislivel arivem al Lago de Neves. Besoign traversarlo tutt e arivai enfont ala val tacar a ciapar quota. El pass per el pianor del lac el me par lento.... ma l'era sol n'impressiom! Infatti se sui pianori quel ritmo el pareva lento, sulle pontere l'era....tirarse el col! Ma, mai zeder, davanti se alterna el Bepi el Paolo e el Luca e mi drio no i molo de en metro. Arivai a en prim pianoro, vers le 9 e meza i molo n'atimo per bever en goz. Chi fao pasar davanti anca i altri, a parte el Max che ancoi el resta en bel toc endrio (diaolopo'! Al gieri, per paura che ancoi no nessem el s'e' tira' el col sui 18Km de corsa.... ghe mancheria sol che nol sia strac!). Risalim per dei canai bei erti e fem en par de traversi un per volta. El calt da meneghe corte che gh'era al lac de Neves l'e' na'! E anca el sol. Vent, fret e sora i 3000 se mete anca la nebbia. A 3100 cosi' ne fermem e cavem le pel: ala zima manca poc pu' de 300metri ma tra la visibilita' e el vent no val propri la pena nar envanti. La discesa, su grosta, l'e' n'altra bela tribolada: ma tutt aiuta a far gambe! Dopo aver ripella' per el toc della diga, entorno a mezdi' sem ala macchina. E la ciopa col speck e soprattutto la birra media al bar del paess sotto ne la gustem propri. En tel viaz de ritorno, po', en macchina col Luca el Bepi e el Paolo (che el Sellaronda el l'ha fat l'an passa') rieso a farme anca na bela cultura de gare. E adess l'e' quasi ora de meterla en pratica!
| eh...con la foga agonistica ancoi foto ghe návem fate propri poche.... Qi enfont al vallom del Lago de Neves. |
|
| Tegnindose en pel distanziai (per sicurezza), risalim con zete veloci fim ai 3100 sul ghiacciaio. |
