SCIALPINISTICA JochGrubenKopf e SchönLahnerSpitze (A) del 28/12/2007

Se fra 6 mesi se vol nar a Vienna per el giuramento de fedeltà alla costituziom, gh'è da integrarse ancor de pù e così, sto colp, ne sbarèm 3 dì de scialpinismo en Tirolo! Partim alle 7 da Calliam... destinaziom.... Lusental? Macchè! Fatta la colaziom a Brixen, arrivem al Brennero che l'è quasi le 9... no podèm perder giornada en macchina e così su proposta del Paolo ne fermen de nof giust oltreconfin, endo che el polverom l'avem zà collaudà. Ma endò nente? Beh, en Schmirntal el JochGrubenKopf i l'ha data bella e la ne manca a tutti dal C.V.. NEM! Parcheggièm a Kasern enfont alla strada e tra i vari gruppi de scialpinisti ne enviem anca noi su per el tracciom de salita del canal: l'è sol 850 metri de dislivel, ma tutti bei erti: ensomma sarà na bella tirada de col! Ancoi, dopo i servizi delle domeneghe de oro, torna del gruppo anca l'Alberto, e coi sci novi! Anca elo Trab doppiapunta! Ensomma ancoi sem tutti coi Ski-Trabb. Passà en par de vecioti su en toc de forestale continuèm de zete su zete finche no se vede la zima. No gh'è molto da dir de sta salita: l'è en rampom da zima a font, dritt, zete su zete, ma la discesa, en polver, la deve esser na figada! Anca se i ne l'ha za masnada assà, qualche bella curva en polver riusirem bem a farla! Dopo n'ora tirada, ecco che arrivèm enzima: Berg Heil! Pausa merenda e adess gh'è da decider come nar zo: enveze che tornar a spazzolar el canal, provèm a seguir la gresta per smontar sul versante opposto (sempre en esposiziom nord!). El prim toc l'è sventà, e passà en par de bei veci slavinoni de fondo, en tel bosc, ritrovem finalmente la tanto cara pulver Schnee. Ma 850 metri no i pol bastar ancoi, e allor, individuà na forcella che per n'ert canal risale al SchonlahnerSpitze ne enfilèm su per sto scivolo sempre pù strét: zete su zete...e anca su qualche bel accumulo... po' ne trem su per roccette sempre pù erte fim sotto lo sbocco. Qi El Luca e l Paolo, continuando a pè e passà for n'ultim toc de rocce i salta enzima, mi e l'Alberto, vist che la nef qi l'è comunque sventada e sem en te na posiziom comoda mettem qi i sci pronti per la discesa. El Mich enveze, per via che nol se fida massa che ghe tegna la caviglia, el se mette i sci en mez alle roccette altri 20 metri sotto: le era brigose da passar su tra roccia giazada e polverom. Tirando el fià ne fiondem zo per el canal che i primi metri el par propri ert... Passada for la sventada, tornem en polver e scartà l'idea de risalir n'altra forcella (ste salite tra giaz e polver no le è el me punto forte!) ne trèm en val e quindi al furgom del Paolo. L'è le 2 dopodisnar che ne envièm vers la Lusental a zercar en Gasthof.... ma a Matrei, no se resiste al polverom che saem esserghe en NAvistal e decidem che starém en zona. Ne trèm rento per la val tegnindo le ocio le insegne dei Gasthof e sora a Navis, ne fermen all'Eppensteiner, endo che i me desmonta a domandar asilo (en todesc)... I ne offre n'appartamento per 5 con mezza pensiom per 39Euro al dì... che lusso! Mettem subit a sugar i scarponi, ne tirem a um, fem nà polsada, e dopo en salt en paess a far scorta de sali minerali e cioccolate da trar zo nelle scialp dei prossimi dò dì, per le 7 sem a zena al ristorante del Gasthof: fortaie en brodo, pollo e anas, rave e capussi, torta de noss.... e le immancabili 2 birre medie (e per mi anca en grappim): che tesi! E per le 8 e mezza, sem zà sotto le coerte.... doman g'ho promess che voi far 2500 metri de dislivell: no l'è zerto el caso de far la balla!




La salita per el canal al JochGrubenKopf: pù evidente de così propri no se pol!


Subit se parte de zete a guadagnar quota...


...e no la molla mai fin enzima! Ma sa falo el Paolo??!!!! Elo strac? Magari!!!! L'è sol drio a far foto!


...i soliti do banditi sempre pronti a tirarme el col.... ancor avanti de zete!


Berg Heil!


...e adess??? Da che versante tornente vers val?


...drio la salita par esserghe qualche bel canal con poche tracce....


...anca se tante slavine.... beh... entant ne calem zo e po' girerem a destra....


...en zerca de qualche altro canal da risalir...


....ma el se fa propri ert! E per finirla g'avem da passar for anca rocce e nef.... cavai i sci....


...ne fiondem tra polver e slavine al Furgom: vardè che gruppo! Tutti coi doppiapunta!


E quindi ne trem en Navistal al Gasthof a tirarne a um e sugar i scarponi.



Ste pagine l'e' stae cargade volte da visitatori dal 3 de agost 2005