XII DRAGONSPRINT Lago delle Piazze (Piné) del 26/07/2008

Putèi, se saltém anca questa, l'istà la vola! Se ciava che ancor sém pochi en barca (ma bei alenadi a forza de giri del lac), ma se come par, le nutrie le ne presta en par de pagaiatori e la barca... sto colp gh'è propri da nar!!! E quindi, deciso all'ultimo ne iscrivém alla gara de Pinè al vendro de sera e al sabo alle 1 ne trovém tuti bei carichi al Bar Spiaggia sul Lac dele Piazze. Pensevo quasi de vegnir su en moto, ma vist el meteo dubbio, ho bem preferì torme su l'auto... de zerto, oltre a quel che serve per la gara, en prospettiva de na serata da rumba, me som bem tolt drio anca la tenda... (anca se en realtà la tenda l'e' sol l'ultima spiaggia, vist che el divano del Teo l'è sempre massa comot!). Sem 23 squadre iscritte, e quando smontem en spiaggia, g'avem da far le nosse a trovar posto e montar i gazebo. Alla fim ne cacciem vizim al Nutria Team, dato che g'avem barca, timonier en condivisiom. Sem la quinta batteria, quindi de temp ghe n'avem a uff... Partia la prima batteria, co le Nutrie che se piazza subit en testa ale altre barche, i ne presta la barca e nem for a scaldarne.... o coserne? Diaolopo'! 40 minuti comodi de riscaldamento/allenamento! A provar partenza e passo entant che le altre squadre le gareggia. Sora la nosa testa, entant gh'e' el spettacolo de parapendii che smonta da Costalta e i cala sul lac a forza de cavriole e salti mortai en te l'aria. Quando toca ormai a noi, pero' en bel smariment el ciapem bem quando vedem uno che fioppa en caduta libera sora el lac senza paracadute.... per fortuna, a 50 metri da terra el daverze el paracadute e... ah!! L'era en base jumper!!! Ben, adess che sem bei carichi de adrenalina sem pronti a nar alla partenza. Som kepovoga sinistro, con a destra e Gianni, che tegniro' de ocio per sincronizzar la vogada sinistra co la destra. La gara l'e' longa 350metri.... e quindi la tattica l'e' partenza lunga e sempre pu' veloce per circa na vintina de pagaiae, quindi ciama' el stacco se va al passo fim a na piattaforma a 50 metri da traguardo e da qi se taca de sprint.... Ne fem l'in bocca al lupo, concentrai en acqua a uno e.... "equipaggi pronti!" BANG! Gh'e' da nar! Partenza... hmmmm va beh, dai, l'e' partia... el passo enveze l'e' en po' massa sostenuto al punto che se erem partidi secondi su 5 barche, finim quasi quarti.... ma col sprint finale, recuperem ritmo e velocita' alla grande e finim terzi su zinque. Tornai for a sugarne, sem tuti curiosi de vardar el piazzamento.... Che lusso!!! Su 23 barche sem 12esimi!!! (a sol 4 centesimi dai Xtreme) E pensar che la nosa preoccupaziom vist l'equipaggio a ranghi ridotti, l'era quella de no arivar ultimi! Entant che taca la seconda manche ne aprofitem de nar a bever en sciroppo al bar spiaggia. Da concentrai che sem no gh'e' problemi che sgarra nessuni st'am! Le birre se le beve al dopogara! Anzi, soto i gazebo gira en mazel de lattine de red bull, barrette e bombe varie! Diaolopo'! Sem drio a deventar dei veri agonisti! Vist el massa temp de riscaldamento dela prima manche, sto colp narem en aqua sol 2 batterie prima dela seconda manche.... o forse no? Diaolopo', toneza, e n te n'attimo vem zo en sguaz che basta la meta' e i sospende la gara fim a fine sguaz.... entant che le altre squadre le se fionda al bar, noi spetem riparandone soto i nosi gazebi al fret.... e na volta cala' de piover, tornem for anca noi bei embrumai e... sto colp, a na bona partenza, e' segui' en brutt pass e anca se sto colp arivem al traguardo secondi, sara' sta' la embrumada a spetar soto l'acqua, i tempi de tutta la batteria i feva schifo....e la ciavada, l'e' staa che per le classifiche finali se tegniva cont non del miglior temp, ma della somma dei tempi.... e cosi', purtroppo 3 squadre che eva gareggia' prima del temporal le ne passa davanti agevolmente e finim piazzai 15esimi. Vabbe' dai, la soddisfaziom per la prima batteria la gh'e' ancor tutta, e entant che vedem trionfar propri le Nutrie en la finalona a 6 (con n'impressionante distacco de quasi 2 barche sui secondi classificadi), podem smontar i gazebo e concederne le prime birrette. Al de la' dela diga, po' i ha allesti' en tendom per magnar ballar e bever... pronti!!! Ne fiondem subit al de la' a tacar de birette e magnar come vedei (con en buono pasto i ne da': riso freddo, luganega patatine pam e bibita!). Dopo n bom caffe' e digestivo al bar Spiaggia, ne resta demo' de spetar le premiaziom dele squadre. La nosa targa e gadget (en sugaman per pagaiator) va su a ritirarlo le nose pagaiatrici, po', giust fini' el giro de premiaziom taca a piover a seci reversi.... e la musica da disco sul pra' soto l'acqua no l'e' el massimo.... alle 10 e 1/2, dela squadra som resta' sol mi! E cosi' vist che le 4 birrette bevue le me permetteva de guidar, decido, vista l'umidita' de no fermarme a dormir, ma de molarme vers Trembelem. Prima pero' devo per forza passar a saludar el Teo (che l m'eva za' tegnu' el divano pront) che ormai en pizzeria el sara' drio a far chiusura.... Pero' el me ciava sul temp co n'altra boza de Beck's. Per fortuna, quando som li' che parto col rosari en man vers casa, el me diss de no preocuparme, vist che l'era analcolica!! Diaolopo'! L'era uguale ala birra normale! Zerto, se pero' avessa saest (l'ho saest el di' dopo!) che anca le 4 birette che i m'eva trat fora ala festa sul lac le era analcoliche, saria torna' en val ancor pu' rilassa'....




Montai i gazebi ne trem zo a ciapar el sol...


Entant che le Nutrie le se allena (o sara' za' la prima manche... e za' drio terra bruciata!)... e al de la' del lac.... gh'e' za' i tendoni pronti per la festa della serata.


El Dragonheart l'e' pront!!! Gh'e' da nar!!! Adess ne speta la prima manche!


..tornai contenti dalla prima prestaziom, ne rifugiem ben prest sotto i gazebi perche' taca a....


piover, piover, piover


Ecco i tabelloni dei tempi de arrivo


Hey!!! Gh'e' sem anca noi!!!!


E la serata, le nose pagaiatrici le va a ritirar el gadget sull'altar.



Ste pagine l'e' stae cargade volte da visitatori dal 3 de agost 2005