X DRAGONSPRINT PINÉ Lago di Serraia (Piné) del 22/07/2006

St'am la gara se la fa de sabo.... e allora vist che el sabo de sera la baldoria l'e' assicurada besoign organizzarse per bem! E cosi' dopo aver carga' el zaino co la divisa della squadra, corda e imbrago (doman forse vago a far do tiri en zona col Max) e sacco a pelo (anca se alla fin me ospitera' l Matteo a so ca' a Montagnaga) parto per S.Cristoforo ale 8 e 30: gh'e' da cargar la barca sul camion. Dopo la solita mezzora de ritardo del camionista, finalmente na volta cargada la barca, ne enviem vers Baselga: st'am la gara, en occasion del decennale della DragonSprint i la fa sul Lago de Serraia. L'e' le ondese che sem za li' che ne piazzem en spiaggia (che rosolada che ne speta!) e dopo na gavetta de riso freddo che m'ha prepara' la me vecia al gieri ne trem zo a spetar l'inizio dela gara: le 14:30! Entant ariva anca el Florio e la Cristina (me cosini): ancoi i e' qua per farne el reportage fotografico! Noi sem la terza batteria e quando i primi i taca, noi ne enviem fora a far riscaldamento. Dopo 10 minuti de pagaiae, el capitan el ne ferma en mez al lac e... el ne comunica le so dimissiom! Tol cosi' el posto del Fabrizio el Luca... e senza che vola na mosca riprendem a pagaiar. Tra na roba e l'altra, i tempi delle 2 manche prima de noi i se slonga e finim per far 40 minuti effettivi de riscaldamento. Finalmente i ne ciama: sem en batteria contro el Romallo e l Bardolin. Pronti, all'attacco..... indietro!!!! Ensomma per allinear le barche pasa 10 interminabili minuti e noi fermi pronti all'attacco a spetar el colpo de pistola! Finalmente! Via! 15 pagaiae per la partenza e po' via con en passo en po' massa sostenuto... i 350 metri della gara i e' veloci.... sem davanti... ma po' i ultimi 30 metri, quando dal passo passem al sprint la nosa barca la se mpianta e i ne passa davanti sul traguardo, diaolopo'! Vabbe', la prossima la nara' meio. Dopo na coca per riciapar energie col Mattia e l Matteo (che l'e' riusi' a far li' en salt entra' le ore de servizio) alle 4 e meza, dopo na polsada 20 minuti, sem za' drio a pensar a tornar en acqua. Sara' sta' el stress che s'e' scarica' en la prima manche, ma me som trova' sulla barca prima senza pagaia e po' senza guanti! Ensomma son dovest smontar do volte! E alla fin i guanti no me ricordevo pu'endo che i evo lasai e cosi' som parti'a gareggiar senza... La seconda manches per fortuna i allineamenti riusim a farli pu' velocemente.... pronti, via! Partenza brutta... ma il passo va... e se va! Alla fin, saltando lo sprint, propri quando le altre barche le sprinta, noi recuperem e nem a ciaparle (anca se l Romallo el raggiungem en metro dopo el traguardo..). E cosi' en la classifica (somma dei tempi) sem decimi su 15: oro! Podem cosi' far la finalina dal sesto al decimo posto! Entant che spetem che i ne ciama, ne approfitto per nar a torme en caffe' co la Cristina e l Florio al bar, quindi, tornai al campo de gara i ne diss che causa vent la gara l'e' sospesa, e se el se calma al pu' i fara' sol la finale 1-5 posto. Diaolopo' che sfiga! Saludo cosi'me cosini che torna a casa (a...sviluppar le foto) e tachem a brindar co le casse de birra che era passa' el Mattia a tor stamattina vegnindo en su. E cosi' bevi che te bevi l'e' subit ora de zena quindi dopo aver carga' la barca sul camion e aver assedia' miss Pine' per na foto de gruppo, ne preparem per le premiaziom. Sarem stai contenti noi de aver vint l'immancabile cassa de vin, ma i primi classificai (el Borgo)...altroche' coppa!!!! I g'ha costrui' en numero 1 gigante fat de luganeghe!!! E cosi' dopo n'altro par de birrette e aver vist i foghi d'artificio, entant che i pu' (mi no....) i se envia en val a scargar la barca el Giovanni el finiss en ten foss font 2 metri! Diaolopo'! La gh'e' nada ben...el s'e' ciapa' sol n'insaccada.... e l'e' nada bem anca a mi, vist che gh'ero drio e quando l'ho vist zo me som ferma' giust en temp! E cosi' entant che i altri i riporteva la barca a S.Cristoforo, me som lancia' en pista co l'Elisa, la Renata, el Dado .... tra na birra e l'altra som riusi' anca a saludar el Loris (me cosim) e la Lorenza che i era vegnui su a far serata anca lori. Po'....dopo aver lasa' en videomessaggio su TCA per reclutar nuove pagaiatrici (e l'ex capitano, en le classiche pagelline del dopo-gara, lette en mez al lac nell'allenamento del martedi' dopo, no l'ha podest far a men de ricordar con voto 8 la me prestaziom per reclutar le putele nel.... dragonHARD!) e' arriva' anca l Matteo e l Max per finir la serata con altre 3 bone birre. Quindi, ormai ale 2, saluda' tutti, col Max e l Matteo ne sem enviai a dormir a Montagnaga: giust 5 ore, che doman mattina alle 8 levo e tolta en prest la MTB (XTR!) del Matteo naro' col Max a smaltir le birre su per qualche pontera della zona...




El nos drago prima della gara el sbava per nar a vinzer.


El Kepo el se fa pubblicita'... e chissa' che l so collega de laoro (drio a sinistra) che l'e' el cronometrista ufficiale nol ghe regala qualche centesimo de secondo...


Fora a scaldar i muscoi!!!


L'arrivo alla seconda manche: Diaolopo'! Erem li',li' per pasarghe davanti!


La tensiom nell'attesa della conferma de averghe accesso alla finalina (che po' pero' no i ha fat per el vent...)


Assedio de squadra a miss Pine' 05


E qi se se prepara al momento della premiaziom, all'assalto.....


....del palco!


E dopo qualche bel litro de birra el Kepo el se prodiga anca en ten videomessaggio en zerca de nove pagaiatrici.... (spero sol che nol vegna mai fat veder en giro.... vist che ero propri a passi....)



Ste pagine l'e' stae cargade volte da visitatori dal 3 de agost 2005