XI DRAGONSPRINT Lago di Serraia (Piné) del 21-22/07/2007
Terza stimana de fila de gare de dragon boat... terzo weekend de fila alcolico: poc ma sicur! ...e così, per no saer nè lezer nè scriver, parto alle 10 de mattina da Trembelem, co en tel baulèt della moto, cargai anca tenda e sacco a pelo. Per le ondese som zà lì che arrivo al lago de Serraia, e parcheggià al Lido, no arivo neanca a ora a veder i compagni de squadra che monta i gazebo, che l'è ora de far en salt al bar per l'unico spritz che podèm concederne da qi a fine gara: beh, no l'è zerto l'ideale per colaziom, ma tornai al prà della manifestaziom, ne trém zo tutti a magnar i carboidrati per la gara. La vecia la m'ha preparà 'na codima de riso freddo che g'ho avèst da far le mie a finirla.... ma l'è pasada zò tuta.... Stem en ombra (prima della gara l'è meio no farse cosér dal sol) fin le 2 e 1/2, po' raccattà en par de giubetti salvagente (che ne mancheva) saltèm, en barca... La nossa batteria l'è propri dura, vist che sem con Cà Rossa, Borgo e Mai Zeder (Pinè)... per fortuna tra che sem en acqua 4 esterni (e così no ghe fem caso se i va pù de noi), tra che alle finali se arriva sommando i do tempi e confrontandoli con tutte le altre batterie, no l'è dit che arivem ultimi anca sto colp! E po' de barche ghe n'è 21!!!! Mai fatta na gara con 'si tanti equipaggi! Toca a noi, nem for a scaldarne, stessa posiziom en barca della gara de domenega passada e... la tensiom se la taia col cortel.... diaolopo', gh'è tuti agitai che ziga! ...e no capisso perchè.... beh, gh'è da nar! Ne allineem alla partenza drio el bar Imbarcadero e.... pronti, all'attacco... sparo! La partenza, 5 pagaiate lunghe, 20 veloci e stacco no l'è bella (forse anca per el peso maggiore della barca? Beh, finalmente podèm far na gara a barca piena!!!) po' entrai al passo ne par de tirarne en po' massa el col e arrivem en font terzi con 1minuto e 52 secondi.... ne par bem, a parte el fatto che con en passo pu' lento, forse saresèm nai meio.... mah! Smontai dalla barca ne trém sul prà a spetar n'ora che i ne ciama per la seconda manche... entant parte tutte le altre batterie: el noss temp no l'è miga bel.... sem quartultimi, diaolopo'! Toca a noi! Adess zercherem de migliorarne al passo. Nem fora, e sto colp sem acqua a 3, quindi tra Cà Rossa e Mai Zeder, pronti via! Solita partenza da schifo, ma al passo, pù lento e deciso se sente che la va meio! Arrivati! ...e sto colp, sempre terzi en batteria, però, mentre tutti i ha peggiorà (per el strac), noi sem riusidi a migliorar en secondo.... bene, bene. Adess dovém spetar che i finissa le batterie per zercar de capir che finalina farém e come ne sem piazzai. Tredicesimi: partecipem alla finalina 15-11. Dovém dar tutt! Dopo la riuniom dei capitani vem quasi le 7 che ne trem en acqua. Sto colp el capitano el se raccomanda de tegnir el passo come l'ultima manche, ma el ne fa scortar le pagaiae longhe de partenza da 5 a 3. La finale la fem a 5 barche, e sem acqua a 4.... VIA! E partim ben, e nem bem! Drio se sente el timonier che ne incita: "dai che se primi!!!" en realtà a 150metri dalla fin i ne raggiunge bem, ma quando i taca el sprint, e noi tegnim el passo a massima potenza, riconquistem la testa della gara e taiém el traguardo da primi!!!! Bel Bel Bel! Tuti gasai, nem a riportar la barca al parcheggio dei allenamenti e ne fem riportar al campo gara co la barca del Levico. Entant parte la finalone e vinze al fotofinish el Cà Rossa. Adess podém propri tacar la rumba! Bevo 1,2,3 latte de birra po' l'Angela la tira for i bozoni de spritz.... L'è meio zenar, che così sughém su.... Che magnada! La zena del pagaiator l'era: pasta, 1 pollo, patatine, pan, pom, acqua! E entant continuem a accompagnar coi fiumi de birra. Quando vao a bever en caffè col Giova som zà nà en asè, e così fem anca en salt al bar di fronte all'Imbarcadero endo che me compro en pakét de zighereti.... Tornai al campo gara, se taca a ballar e tra en zigheret e en ciuciom de vodka e lemonsoda (indovinate un po' chi che el la distribuiva??? Elisa, diaolopò!!) ariva le premiaziom. Fem n'entrata trionfale en rincorsa da enzima al prà per saltar sul palco, po' tornai sotto a ballar el Mattia el ne aprofitta a meter for taiole co le stampelle (le putéle a veder n'infortunà le se commuove e....)....e alora, per far bella figura, una ghe la ciavo bem.... ma da séc che som, quando dopo la fuga ghe la trao en tel bosc, no vedo l'Elisa che è lì davanti a tirar su cocktail dai frighi e la ciapo secca en testa, che tega! ...ma tanto con tut l'alcool che g'avem zo, el mal no sel sente! Alle 10 e meza i fa i foghi de artificio.... propri bei, e sento dir quei de Trent della me squadra che i l'ha fatti addirittura pù bei de quei de S.Vigilio! Per ripigliarse nem al bar Lido a torne 2 caffè a testa, e pisàr for en par de birre. Fatto sta che el bagno dei omèni l'era occupà dalle donne che en tel suo le eva finì la carta igienica.... scambio equo... ma da drio sento ciamarme la cameriera: "Trambi!!! Sa fat en quel bagno??!!". Diaolopo'.... che figura.... ma chi elo sta cameriera che me ciama per nome? Ma dai!!! L'è la Eva, la ex del Piter, che l'an passà la gireva con noi alle gare! Stasera l'è drio a darghe na man qi al locale.... La envidem a bever en po' de alcol a fine turno e tornem alla festa a ballar e bever... salta for anca el Rhum e Pera (diaolopo' el Giorgio l'ha fat mega scorta de birre e l Giova de superalcolici: stasera nem for propri piegai!). Dopo en giro de birre coi pagaiatori dele Penne Sprint, ecco che arriva el Teo coi soci del paess... e alora ghe bevem sora... no podo no saltar en pista a ballar quando el DJ el mette su "7 Sunden" de Dj Otzi... e con en salt scoerzo l'Isabel de birra.... Portà el transalp (pasandoghe davanti ai carabinieri!!!) all'Imbarcadero, salto en macchina col Teo & C. e ne fiondém al bar Spiaggia (al lago delle Piazze) a nar de birre, zighereti (diaolopò, stasera som na ciminiera!) e sfide a calcét: vinzém mi e l Teo. Fatta chiusura, dopo alquante birre, tornem a raccattar el Transalp (el ghe n'ha ben zo anca l me socio de birra, ma laso guidar elo... e mi monto drè senza casco....) e nem en pizzeria dal Teo a farne en bom piatt de pasta e beverghe sora en cellét da 2 litri.... Som livellà, e così alle 4, saludà tutti e fumà n'ultim zigheret (diaolopo'! Stasera ho fat for en pachét!), me butto sul divano a dormir (a dir el vera 10 minuti devo passarli da sentà.... gira tutt....). Levém alle 8 e dopo colaziom, entant che l Teo el tira a um el bar, arivo giust a far en salt al supermercato col Max (che è vegnù su a farse el weekend co la famiglia), che m'ariva n'SMS del Giorgio: "Hola Kepo! Set de onda?". A dir el vero nevo ancor de onda... ma gh'è da nar! La squadra l'è zà en macelleria a Baselga a tor la carne per la grigliata che fem ancoi (i ha dormì en tenda al campo gara). E così, saludo tutti e me envio al lac de Serraia. Ritachém de spritz al bar Lido: besogn darghe contro la mattina! Alle 1 e meza, el Dado e l Giorgio i envia via el foc e.... che magnada! Som tess come na rana! Ariva a saludarne anca el capitano e la Barbara, anca lori, ancor tuti contenti della gara del gieri. Ne trém zò a ciapar el sol entant che i boci i va a torse la nosa barca per partecipar alla DragonBaby de ancoi.... gh'è 5 squadre de baby pagaiatori! Sem tuti cotti per la rumba del gieri e ne endromenzem sul prà fin le 6.... tirà a um e raccattà el gadget de gara (en scagnèll... che en tel baulett della moto nol ghe sta...) salto sul Transalp e.... gh'è da nar. Mi a Trembelem a polsar, ma i altri.... mai zeder! Al Sedran a bever qualche birra!!!!
L'equipaggio l'e' pront per nar a sfidar i altri dragoni.... |
|
|
All'attacco!!! (diaolopo'... i e' sempre en posa per le foto, 'sti putei!) |
La classifica finale! Sem stai propri dei grandi 11!!! ....e il nostro e' il nono miglior tempo!!! |
|
|
...e allora a zena arrivem za' tuti carburai... e al Kepo i g'ha za' svoda' na birra su per le braghe. |
El Mattia co le stampelle? ma va che no le serve a nient! ...sol per meter for taiole... |
|
|
L'assalto al palco per la premiaziom! |
Entant che l Kepo e l Raz i beve birra, l Giova e l'Elisa i prepara i micidiali cocktail! |
|
|
La mattina dopo, sul campo gara, se ghe vol propri na bella grigliada! El Giorgio el cosina su tutt.... |
...e allora, buonappetito! |
|
Ste pagine l'e' stae cargade volte da visitatori dal 3 de agost 2005