XIV DRAGONSPRINT Lago di Serraia (Piné) del 24-25/07/2010
Sempre per via dei pochi pagaiatori en la squadra del Trent (vardé che se volé vegnir a pagaiar, posto en barca i ghe n'ha!) ne tocheria saltar anca la gara Piné, ma per fortuna, sentù el Manuel, el capitan del Mai Zeder, en posto a bordo a sfadigar el trovo anca sto colp. Dopo na bela copada de 3 allenamenti infrasettimanali (sia col Trent che col Piné), ecco che al sabo per le 1 sem al Lido de Baselga con en ventàz che basta la metà, pronti per la gara.... o forse no? Co le ondaze che gh'è l'allineamento a 7 barche l'è impossibile... e difatti la riuniom dei capitani la conferma le impressiom: no se pol farla, diaolopò... ritentém doman matina ale 10 sempre qi. E quindi domenega matina dopo na bona colaziom a Volam col Caio (che l'è straallenà per el prossimo IronMan en Germania) me fiondo en Baselga de Piné e... ancor vent!!! Diaolopo'... besògn spetar la riuniom dei capitani e veder sa che salta for: gh'è da nar! Se sererà n'ocio sui allineamenti, se la farà a 4 barche al colp (enveze che a 7) e quindi co na batteria sol de qualificaziom. Spetém la terza batteria e pronti a smontar en acqua! Dò bei giri de riscaldamento vers el fond del lac de Serraia e entant se calma anca el vent. Fém dò bele sprintae co la tamburina che ne incita per bem, pò col capitano che l ne ripassa la tecnica de gara: 5 pagaiae lente e longhe, 15 veloci per enviar la barca e po' passo fim al sprint final. Ghe sem, ne allineem col Flamingo da na banda e i naioni dal'altra (na barca dell'esercito...i vem su dala Toscana... l'unico rimprovero l'è che quando ghe domandém endò che i g'ha le donne en te l'equipaggio i ha sol rispondèst: "dateci le vostre" e i ha fat finta de nient).. pronti, all'attacco, BANG! Buona la partenza e lo stacco! E ritmo del passo el par en pò alt... fem la prima parte de gara en testa, po' come secondi e arrivém al sprint scavezi, difatti no se sente tant el passaggio tra passo e sprint e... diaolopo'... i naioni i ne passa davanti all'ultima pagaiada per neanca el muss del drago! Che sfiga! Scoltém i tempi e .. incredibile! I tempi della nossa batteria i fa tutti schifo: 3 secondi sora la media delle altre!!! E, vist che n fim dei conti noi, come le altre barche, mal no erem nai, ecco l motivo! El vent, che en le batterie precedenti l'era a favore, essendose calmà con noi, l'ha facilità i tempi delle prime 2 batterie! Na bona magnada de Tosella, Polenta e Fasoi en bronzon, e per le 2 e 1/2 sém pronti per la finalina dal 9 al 16 posto: e qi allinear 8 barche deventa n'impresa: "avanti, avanti.... ndrio ndrio ndrio... "... diaolopo'... dese minuti de tensiom e finalmente al 4 tentativo l'è la volta bona: GO!!! Partenza bona, passo ottimo... la va, la va... e la tamburina la ne incita a dovere.... sém tutti lì co le altre squadre: 400 metri de agonia e ecco el sprint finale... ghe sém! Sarém stai 3... ma praticamente tutti allineai alle altre barche... bravi! ...e cosi' smontém dale barche a veder la finale (vinta dal Piné NRG... ma che tribolada i 20 minuti de allineamento!)... po' via a veder el temp de gara e... ehehe, a confrontar i tempi tra finale e finalina sém stai ancor pù bravi! Finalmente la meritata birretta e l'ora delle premiaziom: e sto colp, roversà la maietta rossa del DragonHeart, salto anca mi col palco a festeggiar el Piné Mai Zeder e saludà tutti, corro a sugar la pagaia che doman de sera, sempre qi en Piné gh'è zà l'allenamento per la prossima gara!
Che mazel l'allineamento col vent dela mattina! |
|
|
...ma na volta partidi, no se sente pù nè fret, nè vent, ne acqua: sol el tambur!!! |
E dopo manche secca e finale ecco la classifica... |
|
|
..e. sul podio alla premiaziom col Mai Zeder Team gh'è anca el Kepo: ahaha... l'ha roversà la maietta rossa del vecio Dragonheart e gh'è saltà for la divisa del Piné Mai Zeder! |
Ste pagine l'e' stae cargade volte da visitatori dal 3 de agost 2005