XV DRAGONSPRINT Lago di Serraia (Piné) del 23/07/2011

Eccoci finalmente all'esordio della prima grara del campionato Trentino de Dragon: e ancoi, sul lac de Piné zughem en casa! El temp a dir el vera la mattina l'è n'incubo: diluvia! Oltretutt mi g'ho anca el pensier pù gross che doman co l'Alberto e l'Ilaria (che ancor g'ho da conosser: la m'ha scritt giust en par de email) g'avem da partir col gommon vers el mar, e allor ancoi collaudem gommon (el me vecio gommon en comproprietà che no tiro pù for da 7 anni), pagaie e tutt. Ritrovo fissà per le 10 en Piné, po' vist el diluvio posticipem a mezdì. En salt a Calzeranega en negozio nautico a comprarme la sacca impermeabile e puntualissimi ne trovem al lac dela Serraia a sgionfar el gommon e veder come che la funziona la storia. I remi de emergenza i doprerem come timon e e le pagaie.... hmmm... devo elemosinarghele al Claudio de quelle della squadra, vist che sol coi remi en zò no se va! I giubotti, per comodità l'è anca meio doprar quei de dragonboat. Fem demò en mèz giro del lac, bevem na birra, emballem su tutt e ne dem appuntamento a doman al bicigrill de Nomi co l'Albert e l'Ilaria per la grande partenza, mi enveze me fiondo coi me compagnie de squadra a far riscaldamento. Sém demò en seconda batteria: i boni propositi i gh'è tutti, fem en bom riscaldamento, ne allineem e via! Eheheh... che dura! Arrivém ultimi de batteria a ocio, ma po' quando nem for, per qualche casim dei tempi rilevai sem el miglior tempo! Spettacolo! Massa bravi sem stai: per n'attimo pensem a quant bravi che sem stai e stem tutti gasai davanti al tabellom a pensar zà alla finale.... ma l'illusiom la dura poc: 10 minuti de gloria e i vem a corregger el tempo... beh... se non sem ultimi poc ghe manca. Ciapà n'altra mezzoretta de sol (per fortuna s'è tirà a um el temp) l'è zà ora de tornar en acqua e sto colp nando en finale la mejo somma dei tempi partim zà disillusi de vinzer: zerchém demò de dar tutt, ma ... no l'è che la vaga massa mejo. Diaolopo'... no ne spetevem de finir el la coa dela classifica, ma tant l'è, per ancoi l'è meio beverghe sora na candola! Mi en realtà, col pensier de preparar la spediziom de doman me dileguo prima de superar el livel da alcooltest: la stimana che vem co la gara de santa Giustina, e dopo nà stimana de allenamento continuà del Kepo, de sicur poderem far meio... anzi... doverem!




Tutti provai dala fadiga dela butada...


..ma quando da fora ne arriva voze che sem primi...


...ecco che tuti se esulta! (pecà che l'era n'illusiom!) ... dai dai che sarà per la prossima gara!



Ste pagine l'e' stae cargade volte da visitatori dal 3 de agost 2005