ALCOLISTICA Meran - Innsbruck(A) del 08/08/2009

Eh... gli addii al celibato i è sempre impegnativi per el fisico (tra sòm e fegato), anca pù de n'alpinistica... e po' co la destinaziom programmada Meràn e Innsbruck, me sento a casa... gh'è da nar! Festeggiém el Max, el futuro marì de me cosina Isa. El g'ha drio tuta la squadra, po' dei soci del paess sém mi, me fradel, l'Herman, el Gioppi, l'Alberto... na garanzia... alcolica! Ne fém portar en val dall'Alberto (che l'è quel che beve de men) e per le 10 sèm zà al bar co la prima birretta en man. Meio no esagerar subit e misiarla co na brioches, ma quando alle 10 e 3/4 saltém sul pulman, le casse de Warsteiner le va zò come la bruma al sol. Distribuziom dele maiete, e sem prest a Trent... anzi miga tant... ancoi giornata da bollino nero... autobrennero stralenta e quindi ne la fem tutta via statale. Arrivém alla Forst de Meran con mezora de ritardo, alle 1: gh'è la sala tuta per noi, e via subit coi bicieroni de birra della casa: tuti a parte el festeggiato (che l g'ha quel da litro) i parte coi bicieroti da 0,3... ma da bona che l'è i è subit vodi... e entant che arriva i antipasti s'è zà con tuti en man el secont bicier... da litro! speck, wurst, kaese e cren e ovviamente... brauenbrot... se magna come le bestie e se beve ancor de pù. Quindi ne trém for a ciacere sull'uss coi soci de squadra del Max a sbarar monae e provar a far anca qualche discorso serio. Anca se quando en par i se scalda contro el nos bel Trentim (da terzo mondo en confront al'Italia i diss...) me rento prest cont che i e' massa taliani e cambio... bicier! Ma la birra... i la beve tutti! Birra ancor e per le 3 l'è l'ora dei giri de grappe.. e qi a forza de giri e giretti passém drio el bancom e tirém mati i camerieri... sém tuti su de giri e per le 4 ne enviém. A dirla tuta riacquisto en po' de lucidità quando a tirar na peada a en per (aspettando la coriera), de rifless me va for la spalla (diaolopo'!)... anca me fradél el riacquista en po' de lucidità quando el g'ha bisogn del sachét da viaggio prima del bier-stop all'autogrill de Brixen: no l'era de zerto mal di macchina! Polsém n'oretta e per le 7 ciapo i comandi del pullman che se perde for per Innsbruck: e en 4 e quattr'otto el porto alla Staziom, da endo' che l'autista el sa bem come arrivar al parcheggio dell'HofGarten. Subit a pe', traversém Hofburg e zò per Maria Thresien Strasse fim alla destinaziom per la zena: el Theresien Brau. Eh eh.. .che localim! Tipico tirolese, con musica DJ e sala da ballo, e per noi, sopra, tavolata piena di Brezeln, SpeckTeller usw... e 2 fusti di birra da 20 litri: prost! De bele putèle ghe n'è per tuti, ma la cameriera che la ne rifila le bozette de Jaeger a 2,5 Euro l'è la meio: bela da cavar el fià. Pecà che la ne diss che l'è zà occupada... co na putela... Nem envanti a spinar birra, bever e ballar e ciacerarghela su alle biondone del posto... e anca a qualche italiana... el locale adess l'è strapiém, e l'è n calt bestia. Som zà keppottà e l'è sol le dese... e pensar che l'orario de ritrovo al pulman per el rientro l'è per le 6!!! Diaolopo' che longa! Per le 11, dopo n'altra ballada, lasso en pista i altri e vago bem volentera a farme en giro per i locali de Innsbruck de Hofburg e lungo l'Inn. Po', tolt en gelato, me envio de nof vers la birreria e qi de zent de rumba sen vede alquanta: adiritura en sudtirolese per scommessa el traversa for de corsa tutt el viale nut fim a Hofburg e l torna de volta! Altra biretta al TheresienBrau e dopo le 1 som veramente ko: girovagando la zità, fago en salt en staziom a veder se gh'è treni che parte per casa... nada... e allor vago all'HofGarten: en bel locale drio ai giardini con musica all'aperto (con tutti i chioschetti de birra) e disco all'interno. Bel ambiente anca qi, e difatti alle 3 arriva anca tutta la combricola (ha giust serà la birreria): e allor ancor festa... Ma alle 4 bevèst na bella litrada de acqua ne trém sul pullman a polsar e spetar che zeda i ultimi.... diaolopo'... a pulmann piém alle 4 e 1/2, avém dovèst spetar i ultimi dò brusài che ha ballà fim a chiusura dell'HofGarten: quasi le 6!!! Bom, va... finalmente se parte.. e per le 8 e 1/2 som zà a Trembelém a trar i ossi sotto le coèrte. Anca questa l'è nada: ma che dura!




Alla Forst de Meràn... zà provai dalle birrette aspettando el disnar: MahlZeit, ma sopratutto PROST!


Kepo!!! Leva!!! Ghe tegnit botta? Te me pari zà kamauz!


...e dopo qualche grappa se passa alla conquista del banco bar: volém i giri de sgnappa della casaa!!


...anca el parom el g'ha da far le sue a tegnirne boni. El Max, el festeggiato (l'unico che g'ha la maia zalda), l'è ancor el pù brillante.


Alla conquista di INNSBRUCK! (qi a Hofburg)


E' passà le cavallette... e le ha fat biasi fa nèt!


Al Theresien Brau... l'è zà na figada così... speta po' che se salta su per i taoli!


eheh... en fià de aria en giro per la me Innsbruck!


E po' via a HofGarten a scoltar sa che propone de bom la deejay: e che deejay!


La mattina dopo, tornai a Roveredo... no, de birra non deve vanzar neanca en goz!



Ste pagine l'e' stae cargade volte da visitatori dal 3 de agost 2005