ALCOLISTICA Montagnaga (Pinč) del 06/06/2006

el 6/6/6??? Che bruta data! ...e alora besogn darghe contro! e cosi' el Matteo l'organizza la festa co la scusa anca de festeggiar el so complean dall'altro di' (e anca quel dell'Andrea-en so socio). E cosi' fini' de laorar, dopo en giret per Trent m'envio en su. Arivo che l'e' le 6...giust en temp per saludar l'Elvira che ancoi, vist la baldoria prevista qui, la va a Roveredo dala Monica e l Max. El Sergio entant l'envia el caminet de fora. La staolada en la veranda della pizzeria la e' za pareciada per na trentina de persone e giust el temp de tacar a spinar la prima birra a caduta dal fusto che taca a arrivar zent. Tra i primi ariva anca l'altro festeggiato con drio na bionda (Sara)da cavar l fia' (e infatti l'e' na ragazza immagine sempre en volta per grandi eventi!)...e pu' tardi' la fara' anca na sorpresa! Entant, man man che ariva la zent la birra la taca a scorrer a fiumi e cosi' ariva la Bea, la Francesca da Canezza, l Pad, l Pio, la Sara... e tanti altri: el bel l'e' che ben o mal i conoso za' tuti de vista! E cosi' vers le 8 tra na candola e quattro ciacere (o viceversa?) el Sergio el taca a portar zo l magnar: e ghe n'era propri tant! Do carei dela spesa per la carne! ..ensomma tra luganega, brasole, polenta wurstel e formai no sem riusidi a finir tut... e cosi' vers le 9 co la scusa de ciapar en fia' de aria, entant che finiss tuti da magnar, salto en macchina (tanto qi sull'altipian no gh'e' controlli alcolici!) e fago en salt en Baselga a torme en paket de zighereti. E cosi' ale 9 e meza, dopo aver magna' la torta, e' sta' sparecia' e avem taca' a balar su per i taoli... entant l'attesa l'era granda anca per l'amica della putela immagine, che la doveva vegnir...ma l'era en ritardo. E cosi' arivada anca ela (diaolopo'!) el Matteo l'e' na' su de sora a tor na ponta da canter per empontellarla al centro della sala e permetterghe alle 2 putele de far el spettacol...no, no l'era de LAP dance, ma de PAL dance!!! Po' en realta' dopo en par de prove le putele no le se fideva a saltar de peso sul pal e cosi' le ha preferi' "disarmar" e far en bel bal sui taoli (sempre pu' scoerte...).E ala fin tuti sui taoli a balarghe ensema! Entant le birre se continueva a consumarle a fiumi (e' ben sta pochi i momenti che ho posta' el bicier for per la serata, a parte quando ero ciapa' a balar sui taoli!) ma anca el Gin col succo de frutta el se difendeva bem! La serata la e' volada e propri entant che tacheva a nar via zent me son appisola' n'attimo su na banchetta per zercar de riprenderme dale masa bire! En ten quart d'ora ridaverzo i oci e no gh'e' pu' nessuni... sol mi, el Matteo e la Sara: cosi' dopo quattro ciacere, entant che l Matteo el la slonga alla macchina a Baselga mi vao su a butar zo i osi: anca stasera l'e' ormai le 3.... e anca se fao fadiga a serar i oci (masa bira?) g'ho da dormir che en 5 ore gh'e' da nar! a laorar....




La staolada a inizio serata, quando se taca a magnar....ma sa falo el Kepo zo en font en te l'angol a sinistra?


Ah! L'č col Pio e l Pad a farghe compagnia alla Sara!


Finia la zena i festeggiai (Matteo e Andrea) i porta for le banche e i monta la ponta da cantier per la "PAL DANCE"!


e via ale danze!


...e po' se salta tuti sule taole a balar...


Diaolpo'! ...e qi no se sa propri pu' sa vardar!


e avanti de balli e cocktail fin tarda not.



Ste pagine l'e' stae cargade volte da visitatori dal 3 de agost 2005