SCIALPINISTICA Montalon del 05/02/2006

Le previsiom le deva vent forte da nord...ma star a ca' l'e' un delitto: basta nar sottovent! L'e' bem vera che la grosta l'e' en agguato...ma vot meter? E cosi' dopo eserne trovai col Max al Quercia e l Matteo a Perzem, vers le 7 e meza ne sem trovai anca col Mich, Luca, Bertold, Mauro, Alberto e Luciano (en socio del'Alberto) a Borgo Valsugana. Da qi, ne sem diretti en Val Campelle, ala fin dela strada dopo el Crucolo. Vers le 8 e 20 erem za' coi sci ai pei e ne sem enviai su per na forestale che entreva per la val. Entreva miga tant...vist che quasi subit avem taca' de zete su per el bosc. Dopo na bona vintina de minuti, vist che ne sem trovai su en doss masa esterno alla valletta, avem traversa' en rio e dopo aver pers en po' de quota ne sem ritacai al segnavia del senter che sale ale malghe a quota 1800. Dopo n'atimo infatti erem za' li' che saltevem for dal bosc e... l'era el moment de veder come che l'era la nef! En tel bosc ovviamente l'era polver, ma al sol? Beh, podeva nar pezo.... pareva grosta portante....ma verificherem dopo! La progressiom de salita la va envanti oltre le malghe, da qui se continua en te na piana finche' se ariva su en ripido pendio endo che ritachem de zete. Da qi se ariva a n'altro pianoro, e, en font a questo se taca la salita finale vers l'antizima. Prima dell'ultim rampon, cosi' ne fermen a bever en goz col Max el Matteo (che el n'aprofitta anca per empizar la radio che el g'eva soto el bail en tel zaino) e el Mauro. El Bertold l'e' en pel pu' endrio a far reportage, i altri i s'e' mesi a corer e... tracciar! Col Mich e l'Alberto che ieri i era malai e ancoi i va meio (dopo el gitom de ieri da 1450 en Val Aurina) na roba l' sicura: besogn darghe contro! e el sci d'alpinismo par n'ottima cura! E cosi' en te na mezora scarsa sem enzima: sol noi 9, no gh'e' nesuni altri. Mi pu' che sodisfatto, vist che en fil de aria no l'aven ciapa', e anca la discesa la par bona. Cosi' dopo na mezora de pausa zima tra brule' e nos de acagiu' ne sem enviai en zo. El prim pendio l'era 'no spettacolo de polverom! ...dopo enveze avem tribola' no poc a pasarghe for fra la grosta...Tra en rugolom e l'altro sem cosi' arivai ala malga e qi.... l'e' tre mesi che el disem e mai le fem: ancoi l'e' la volta bona: prove arva! E cosi' dopo esere acertai che.... podem star abbastanza tranquilli (mi g'ho raccatta' l'arva del Max en ten minut e mez....e el me l'eva embosca' propri lontam!) ne sem enviai en zo per la forestale... e dopo na bela sudata per pasarghe fora a skating dalle mili contropendenze de sta strada, ale 2 sem arivai ala macchina.... pronti per nar al bar de Borgo per serar la gita co na bona ciopa de speck e soprattutto na bela birraccia media.




I 9 scialpinisti i parte dala forestale e i se addentra subit en tel bosc....


...dopo aver traversa' en rio e na valletta...


...se ariva en campo aperto...


e dopo aver traversa' la prima piana, saltem sul secondo pianoro aggirando el canal (visibile enfont)...


...dai dossi de sinistra...


...e cosi' dopo n'altra piana, puntem dritti all'antizima.


quindi ancor do pasi e sem en vetta: en realta' questa no l'e' la vera zima Montalon (l'e' de fianc, e rocciosa...non raggiungibile con gli sci), ma la cima scialpinistica.


foto di gruppo di vetta


E po'....via de test arva alla malga! Grande Kepo! Che el riesuma i arva en sol 1 minut e mez!



Ste pagine l'e' stae cargade volte da visitatori dal 3 de agost 2005