TURISTICA Oberberg-Schmirn-Vals TAL (A) del 09/09/2007

Gh'e' polverom a nord delle alpi? L'e' tutta la stimana che tegno de ocio le webcam oltrebrennero.... i parla de en metro de fresca sui 2000 de quota e quota nef che s'e' sbasa' fin ai 1000! Devo nar! Cargai i sci en macchina, prima de nar en let, punto la sveglia alle 4 e 1/2... po' fra el som el stracc (e me fradel che l me tira per la giachetta, che l vol che vaga a far na sgambada en MTB con elo su per el Zuna stamattina) e tra na roba e l'altra vem bem le 5 che vago for dall'uss.... tanto sto colp no gh'e' nessuni che me speta! Som da sol, e quindi me som dat en par de alternative sicure dalle valanghe... una l'e' el Leitnerberg en Oberbergtal, l'altra la Vennspitze en Valstal: do gite sicure sui 800/1000 metri de dislivel. Oro per scominziar! Chissa' che se me gaso massa le fago tutte e doe! Fatta la solita colaziom en te l'autogrill de Bressanom, per le 7 som za' oltreconfine a metter la solita firma (....diaolopo'.... ste firme per ottener la cittadinanza austriaca....) e quindi me enfilo per l'Oberbergtal: destinaziom Leitnerberg. Le zime entorno le e' tutte belle bianche, anca se a dir el vero no m'e' chiaro perche' i versanti con pu' nef i e' a ovest/sud-ovest enveze che a nord.... e si' che le precipitaziom le e' stae provocae con stau da nord/nord-ovest... mah! Fatto sta che arriva' alla locanda a quota 1400 da endo se se mette le pel de foca, som en mez a na prateria: diaolopo', endo elo el metro de nef? Par de esser en ista' (e en effetti el sem bem!), e allora no smonto neanca dalla macchina e me giro per nar vers l'attacco della VennSpitze. Dopo en pieno benzina (col tipo del distributor che da bem che ho parla' nol s'e' neanca ascort che ero taliam), me enfilo per la Valstal, a Vals, ciapo a destra per Padaun, col timor de dover metter le cadene, vist che arrivo a 1600 de quota.... macche'! Anca qi, tra le varie macie de nef, som en mez a prai verdi (vacche che muggiss) e addirittura a vardar su la VennSpitze l'e' tutta verda! Incredibile! E si che a vardar enfont alla val, vers l'Olperer la quota neve la par veramente bassa! Come ultima spiaggia, me trago allor en Schmirtal, per vardar se gh'e' la possibilita' de far la GammerSpitze, ma anca qi la butta mal, e allor... "Muss man kommen nach Welschtirol zuruck!". Alle 10 de mattina som za' en uscita al casell de Trent.... gust giust per domandar ai soci del paess de brindarghe sora al bar con en bon aperitivo....




AHI, AHI! ...la partenza per el Leitnerberg en Oberbergtal..... endo ela la nef??!!!


...e allora vago en Valstal... qi som a Vals, a vardar enfont vers l'Olperer le premesse le e' bone. Som a 1400 de quota, adess basta svoltar a destra e guadagnar altri 200metri de quota per raggiunger Padaun (partenza per la VennSpitze): spero de no trovar nef sulla strada, vist che no g'ho drio le cadene!


...e enveze! Diaolopo'!


...anca a vardar su vers la zima della VennSpitze i prai i e' tutti verdi!


Pero' a vardarse endrio, l'altro versante della Valstal l par cargo! Ma li' l'e' la zona del GammerSpitze! E allora, chissa' che la salita al de la' la sia bona! E quindi salto en macchina e via per la Schmirntal....


Diaolopo', che ciavada! L'e' meio che torna en Italien a beverghe sora!



Ste pagine l'e' stae cargade volte da visitatori dal 3 de agost 2005