IV OktoberfestCUP
DRAGON BOAT Oberschleißheim
München(D) del 03-05/10/2008

Sem pronti per la chiusura en grande stile dela stagiom de dragonboat 2008, co la ormai da n pèz programmada trasferta all'OktoberfestCup de Oberschleissheim... I allenamenti settembrini, tra el fret e l buio, i eva lassà el noss drago, come ultim for dal letargo a salpar la sera for per le acque de Caldonazz.... e per veder endo se neva, addirittura co faro alogeno sulla testa del drago! Incredibile ma vero, sto colp, en cantier, per na volta, podo permetterme el lusso del congedo!!! Partim sotto en diluvio da paura da Trent che l'è le 6 e n tel giro de n par de ore sem zà al Brennero, endo che ne fermem per comprar la vignette al pullman: diaolopo'... sto colp i ne taca su per la trasferta che aven organizzà... gh'è na tormenta de nef e gh'è zò 8 schei de nef fresca! E pensar che sem drio a nar a Monaco per... dormir en tenda!!! La zena l'è zà programmada per el solito (el secondo) autogrill de Schwaz, quindi altre 2 ore de pullmann e per le 11 sem zà all'entrata dell'OlympiaRegattaStrecke. Salto zò dal pullman e subit me raggiunge na macchina dei organizzatori che me da le ciavi del noss stanzom, endo che podem nar a trar zo i materassini: che lusso! El sarà anca senza riscaldamento, ma gh'evo zà el lat ai ginoci a pensar a montar la tenda col fret e l'umit che l'è! En pratica, è sucèss che ale 5 squadre olandesi che era iscritte, no le g'ha sdoganà le barche per el rischio attentati de Al Qaeda, e quindi... n'è restà demò en buss al coèrt. Trati zo materassim e sac a pel, smonto sotto al bar a bever en par de brulè, e per le 1 gh'è da nar a polsar: doman alle 10 e 40 g'avem la prima manche! Levà alle 7 per ritirar i buoni dela colaziom, encroso quei del Piné che zerca pagaiatori: lori i è vegnui qua en 10... mmm... che casim! Beh, i ghe domanderà ben dopo alla riuniom dei capitani. Appunto... chi è che va alla riuniom dei capitani se non el Kepo che l parla todésc?? Eh, eh.... sarò anca bom de parlarlo en poc, ma de capirlo.... meio lassar perder! Entant quei del Pinè i se aggrega a n'altra squadra e i trova i 10 pagaiatori che ghe serviva. Fata colaziom nem a cambiarne... piovesina, gh'è aria, l'è frett... ma... gh'è da nar! Diaolopo' che agonia! En la prima manche besogn dar tutt... infatti, propri per regolamento, le prime do barche de ogni batteria le narà ai spareggi 1-10 posiziom, le altre 11-21.... Zerto che no saevem miga de esser finidi en batteria co le 2 squadre pu' forti... e difatti arrivem terzi... Buuu!!!! Che Jella! Magnà en piatt de Carrè e polenta de semolin (diaolopo'... qua en Bavaria, sarà anca bona la carne... ma en quanto a gusti alimentari...no comment! Zo da noi en Tirolo l'è propri n'altro mondo!) l'è prest ora de nar a far le qualificaziom per la posiziom 11-15 o 16-21... e qi, partim tutti gasai, ma quando saltém sulla barca... gh'è da pianzer!! I n'ha dat na barca con 13 seggiolini! E po', tra na folada de vent e l fret bestia arrivém terzi.... uff... ensomma, adess ne toca batterne per la coa della classifica... e quando nem fora, ne speta la gara co le peggiori condiziom mai trovae: vedevem bem nubi nere all'orizzonte, e sguazi nar e vegnir, ma che al bang de inizio gara, podessa scominziar na grandinada da foc che ne avrìa accompagnà fin al traguardo, quel no nel saresem mai spetà! E dai che almen qi, secondi arivém! Embrumai come i merli, nem a cambiarne, e dopo en giro al bar, en pochi i se fa portar en centro dall'autista a far en giro en zità, e i altri (mi... e i meio ;) !) restém lì a zena e alla festa del pagaiator. E ne la godem propri, socializzando co le altre squadre (a beverghe for le grappe dei Green Dragons) e ballando en pista tutti ensema anca le famose canzon todesche, che st'am per l'occasiom avem studià anca en tel ballét!!!! E infatti... bei sorpresi anca i DJ i ne mette su ben tre volte la mitica "Cowboy und Indianer"! Ensomma, propri da goderse, e po' alle 1, tornai anca i altri nai en centro, ne trem tutti a polsar. La mattina, dopo en salt alla riuniom coi capitani, el Fabrizio e ricompone la squadra e pronti per gareggiar! Sto colp, el temp l'è bel (ma gh'è la brina!) e sem anca bei gasai! E infatti i risultati se i vede! Terzi alla prima manche, ma po', ghe dem fil da torcer a tutti e l'undicesima posiziom ne la guadagnem alla grande! Belle anca tutte le manche, endo che sentivem che la barca la neva, e noi, spuevem sangue fim la fim: alla fine de ognuna delle tre manche, nessuni riussiva a daverzer bocca per almen 3 minuti, per via dela sfadigada! Sbaraccà zò tutt, per le 5 erem en viaz e per le 9, dopo na zena veloce al Brennero, sem al zuffal park a saludarne.




Prima pausa al Brennero.... ma sente drio a nar a pagaiar o a sciar????!!! Diaolopo' che fret!!!!


Stanziai en tribuna stampa, la Michela la gestiss conti e burocrazia per tuta la squadra...


Embrumai come i merli, la mattina a colaziom.... no, no... niente Glühwein che gh'e' da nar a vinzer!!!


Il campo nomadi: se distende le robe mizze... Ma con temperature sottozero anca dentro, gh'e' ben poc da sugar!!!


La quiete dopo la tempesta: la sera dopo temporai e grandinae, finalmente el zel el se daverze fora...


Ma el di' dopo, sel sa... notti serene, le rinfresca... e co la brina enfin sui gradoni gh'era propri da batter brochette!!!



Ste pagine l'e' stae cargade volte da visitatori dal 3 de agost 2005