MTB Passo Stelvio-val Monastero(CH)/ Stilfserjoch-Münstairtal(CH) del 03/09/2011

Convint che me fradel el me proporrà 'na sgranchia de gambe en mtb sora casa per el sabo, all'aperitivo del vendro de sera calo el poker d'assi: ghe capito a casa con zà l'altimetria e percorso stampai... l'è nà bella impresa (che mi evo zà fat nel 2003), ma el Stelvio serà alle bici el gh'è sol nà volta all'an: gh'è da nar! Partim co la golf alle 5 da cà e fatta colaziòm sula MeBo, per le 7 e 1/4 sém zà lì che ne cambiém al parcheggio allestì per i ciclisti. Ancoi a scoltar el giornale radio, sem en la prima notizia del giorno! ...e a veder tuta la zent che gh'è lì con noi a partir ale 7 e 1/2 gh'è da crederghe! I parla de 8000 persone! Partìm così da Prato allo Stelvio/Praad am Stilfserjoch e ancor en paess, gh'è i boci del paess che ne distribuiss al volo (come a tuti i mtbiker) barrette energetiche e joghurt... 5Km per arrivar en leggera salita a Gomagoi, e chi me ciama el Bertold che coi colleghi l parte da prato: ne becherem tuti enzima per la birra! Passà Trafoi, setém a passar zent, ma tanti i è anca quei che ne passa en assetto gara! ...e entant scominzia anca el conteggio dei eterni 48 tornanti: cor en paze e su. Dopo n'ora de pedalada ecco che saltém for dal bosc e bechém per strada anca el Mauro (en paesan vegnù qi coi zii della cognada: eheh.. gran lusso per me fradel per giustificar el bel giro en bici de ancoi, e l'assenza dala famiglia), quindi sempre avanti a testa bassa e al 15esimo tornante ecco el prim ristoro per ciclisti ebdò che tra succo di frutta e pomi al limon ne polsém per bem. Ripartidi, de zent che va ghe n'è propri de tuti i tipi: se va dal tipo co l'handbike, al tipo co la Graziella, al tipo che el sale col monoruota del circo, al tipo che addirittura pur mancandoghe 'na gamba el và en mtb!!!! Ensomma l'è 'na festa e quindi se se perde via anca a vardar la zent che passem.. arrivai all'altezza del Franzenhof gh'è anca el baracchim de riparazione bike con musica tirolese co la fisarmonica, po', al 35esimo tornante l'è la volta della tappa ristoro: qi i g'ha enfim el brulè, ma con davanti i ultimi 13 tornanti sora i 2500m, l'è meio el sciroppo della val Martello! Ultimi metri e entant che ne raggiunge anca i colleghi Bertold, Fabio, Mamo, e che l Manuel el taca a rallentar per la quota ecco che arrivém al Berg Heil: gran bel giro e sempre de soddisfaziom! El Gheda che l'è partì de cacciata l'è zà qi da ormai n'ora, e dopo n pezòt ariva anca el Mauro (che l'è dal'ultim giro coi skialp en ratschinstal che no ne bechém en volta), e adess l'è ben ora de una, dò, tre birraccie e la tipica ciòpa coi wurstel tuti ensema. Dopo n'ra de pausa, traversem a pè el pass per via della folla e ne fiondem en discesa sul passo Umbrail smontando en Svizzera en val de Monastero: giust 4 km de strada e me sciòpa la roda de drio..quindi, 10 minuti de pausa a tirarla a um e arrivém a S.Maria in Muenstairtal che gh'è tutta la combricola che ne spèta. Arrivai a Glorenza, enveze che taiar dal paes, mi e me fradel puntem diretti a Prato alla Stelvio per raccattar la golf e, rientrai a Meran, la pausa l'è d'obbligo con tutti per n bon taglier de speck e l'ottima birra della casa del Braugarten.... dela Forst ovviamente!




48 tornanti... che impresa!


...e arrivai quasi enzima ecco che me raggiunge anca i colleghi...


N bom litroz de birra e foto de vetta: e complimenti a me fradèl per la sò prima salita al Stelvio! (mi l'evo zà fatta propri coi stessi colleghi dese anni fa!)


Diaolopò, giust en par de curve appena entrai en Svizzera e me sciòpa la roda de drio: el saevo mi che 5 atmosfere per sparmiar fadiga en salita le era massa!


E per serar en grande, l'è d'obbligo el taglier e la birra dela casa ala Forst: PROST!



Ste pagine l'e' stae cargade volte da visitatori dal 3 de agost 2005