SCIALPINISTICA Pfunderer Hochwart del 24/03/2011

Ancoi, alla faccia dela zent che laora, organizzem na´ rimpatriada de gruppo infrasettimanale: dopo i vari consulti col Yenkyy sulle condiziom engiro, gh'è na bella gita che con ste condiziom, l'è a colpo sicur: dopo i ultimi caldi, en esposiziom sud doveressem enfim trovar el prim firn: vederem! Ne trovém così alle 5 e 1/2 a Trent col Teo e el Davide, unterwegs per i autogrill col Renrav, Yenkyy e MicheleBZ e sempre unterwegs sora Rio Pusteria su per la val de Fundres col Stefan. Ehehe, ancoi, po' col Stefan che l parla todesc e n po' de talian, el Kepo l'è en inedita versiom "talian en ponta" così, evitando el dialèt trentim, riesse a capirme tuti: e ben o mal tutti doprém hochdeutsch o talian, ma per el Renrav par propri che l faga en sforzo sovruman. 7 e 1/4, trate su le pèl de fòca e i sci sula schéna per i primi 5 minuti e col zel bel serem ne enviem su per la forestale che subit girai en versante nord la deventa nà pista. Arrivai for en campo aperto subit dopo la forra de n rì, saltém su per i erti praoni a destra e zete su zete ciapém quota sull'ert praòm finché saltém for a n bait e n goz de acqua ne fermen a beverlo volentera. Se guadagna quota adess su en travers dolz, che po' quando el gira a sinistra puntando a nord sec, el se fa pù ert per saltar for en te na piana (endò che me digo dev'esserghe en lac), e da qi, tacando a ciapar metri sul fianco sinistro ne salta for sul versante opposto el rifugio Ponte di Ghiaccio (diaolopo'! de solit se ghe va al vers dala val Aurina: no l'avria pensà 'sì vizim!). Entant che l Renrav el se perde zò per el vallom, el Davide e l MicheleBZ i ne segue en pèl pù endrio parlando dele imprese fate su giàz, mi col Teo ciacerém dela preparaziom al Mezalama (che st'an el Teo l'è drio a preparar), e l Stefan e l Yenkyy i sprechena delle MTBrenne che i ha fatt... el temp el passa e anca i metri de dislivell fatti. Saltém su da n'ert pendio con quattro zete belle empè e enzima gh'è en crèp dela strutura de nef larc 30schèi... mmm... diaolopo'... me preoccupa demò l'ert pendio che ne speta prima dela gresta!!! Altra valletta, altro pendio (secondo mi men ert) e ... l'era quel! Ahahah! e mi che me spetevo chissà che! Piccozza alla man e saltà sulla gresta en 10 minuti... BERG HEIL! Magnem bagigi, ciocolate, de de tutt. Ariva su anca n'altra comitiva de local, e fate en par de foto e ciapà n po' de sol, e arrivà anca el MicheleBZ (che l'ha accusà demò i ultimi 200metri), sém pronti a nar a tastar la nef! Postém zò i assotti e la mollem vers val: mmm ... beh... dai.... no l'è ancor trasformada... gh'è demò da perder quota. La va bem sulle massime pendenze (anca massa quando el Davide e l Teo i se trà sotto la zima... ma i g'ha da far le sue a girarse). Saltai zò dai dò pendii erti, enveze che molarla vers el lac, su soffiada del Yenkyy ciapém el canalim de destra che ne fionda zò en direttissima esposizione sud: e qi la sciada la se fa bem pù divertente! Al bait sotto el canal (che me digo sarà 400metri) ne fermem n'atimo a trarghe n'ocio al gruppo de local che ha girà anca lori a destra en tel canal... ma ... girando en po' massa i è nai a enfognarse su per dei bruti salti de roccie... va tutt bem, e allor, adess, su firn la molem en velocità su bèi prai e zò per la forestale fim a en taiom su prà che ne porta en pratica all'auto: bel bel bel! E adess, prima de molarne tuti a cà la birraccia media e ciòpa col speck alla locanda sora Fundres, oltrechè meritada, l'è propri Pflicht!




La mpontém dritta su per el praom...


...e traversà sora nà forra...


saltém for en tel vallom sotto el rifugio Ponte di Ghiaccio...


..risalim quindi a sinistra su pendii a zete, intervallai da pianori...


..e co le ultime zete erte ne portém alla gresta, skidepot...


...5 minuti a pè e ... Berg Heil (lavoratori)!


...e quando l'è còtta a puntino la molém en velocità... sora l'è ancor prest per la stagiom, ma la parte bassa su firn l'è nà goduria!



Ste pagine l'e' stae cargade volte da visitatori dal 3 de agost 2005