GARA SCIALPINISTICA Pian dei Fiacconi (Marmolada) del 29/03/2006
Ecco finalmente arriva' el di' della gara! E anca se el sci el l'ha comprai neanca do mesi fa (e coi sci d'alpinismo el gh'e' na' si e no tre volte), el la prova anca el Davide de Riva... Ne trovem cosi' ale zinque a Trent e via de bala per el passo Fedaia. Alle sette sem za' li' che parcheggiem la Polo, e la temperatura, alla faccia che som parti' da Trent en maneghe corte, l'e' tut for che primaverile: sem sottozero anca se gh'e' el sol! Trem su le pel sui sci e nem al rifugio Cima Undici (quel davanti alla partenza, sulle piste che arriva al lago Fedaia) a iscriverne. Diaolopo'! Gh'e' sol tutine! Beh, se ciava.... tanto tegnirem ben de drio qualcheduni! Le tutine pu' sciopae, per sparmiar peso, le va su addirittura senza zaino: e po' ghe toca tornar a val senza giacca! El temp de pagar l'iscriziom, montar i oroloi elettronici per el cronomentraggio e ritirar el gadget della gara (sto colp l'e' na maietta traspirante) e sem za' en coa davanti alla partenza.
Per evitar che i pu' gasai i ne pasa sora ai sci perche' i g'ha da arrivar primi, ben ne vardem da star en prima fila! E cosi' se parte con calma... ma subit taca la pontera e taco a sorpassar. Pendenza media 26%, e difatti subit qualche tutina se la vede en terra perche' ghe zede le pel. I l'ha rasae masa, me digo, ma po' sul penultim ponterom, le me zede anca a mi e no rido pu' tant... Beh, na quarantina de minuti de agonia e za' se vede el rifugio, ma... endo elo el traguardo? Fatto sta' che me fermo mez minut al rifugio a zercar de capir endo che l'e' l'arrivo....diaolopo'! Besogn enfilarse en ten tunnel drio al rifugio per arrivar al cancellet! Beh, va el temp el me par bon (37:42), me trao su la giacca e entant ariva anca el Davide(39:51)! De za'? Alla so prima gara (e quarta scialpinistica assoluta) e za' quasi el ven a ciaparme! (eh... ma lu' l'e' allena'! El va a correr for per la stimana!). Ne trem cosi' dentro al rifugio pian dei fiacconi, endo che dopo do boni grappini al mugo fem quattro ciacere col mitico Rosi: l'ormai ex gestor del rifugio Care' Alto (che el n'eva entrattenu' tutta la sera quando ero na sull'Adamello tre ani fa con cosini e parenti) che adess el gestiss sto rifugio qi e quel sul Catinaccio: el rifugio Passo Principe (adess l'e' comunque drio a ristrutturarlo, per fortuna, vist che tre anni fa gh'ero sta' su e... l'era tut de eternit!). Dopo quattro ciacere co na putela de Canazei, ne enviem vers val coi sci, quindi nem a zena al palazzetto del ghiaccio de Alba de Canazei. Magna, bevi e e' vegnu' l'ora delle premiaziom: e anca sto colp porto a ca' qualcos de bel! En gilet de piumin! Vegnua mezanot l'era propri ora de enviarse vers ca'.
Dal Rifugio Cima Undici se sale lonc la pista ai pei dela Marmolada fin al Rifugio Pian dei Fiacconi . Dislivel total : 528 metri , Svilupo 1875 metri. |
|
|
El Kepo za en tensiom per la gara? Macche'! E l Davide, alla so prima, l'era anca pu' rilassa'! |
Finalmente enzima! E cosi' dopo en grappin, prima de lanciarne coi sci vers val per la zena, ne sem fermai a far quattro ciacere col bon vecio Rosi, el gestor del rifugio. |
|
Ste pagine l'e' stae cargade volte da visitatori dal 3 de agost 2005