SCIALPINISTICA Punta Penìa (Marmolada) del 13/05/2007

El so, ero còt dalla sfadigada en cantier del sabo, ero quasi tentà a dar forfait, ma la nef no la speta nessuni! Gh'è da nar! Dopo sol 3 ore de som, levo alle 3 e 1/2 e tirà a um me envio vers el Zuffal, endo che dovem trovarne per le 4 e 25... Ma stanot, a Volam i ha fat rumba... e a Calliam, se mette anca i poliziotti co l'alcoltest a farme perder temp. Diaolopò, che culo! L'unica volta che i me ferma per el soffiom de not e som san! ...almen credo, vist che ieri sera na bozzeta for dal cantier (ale 9...), do birrette a cà del Gioppi e do limoncini prima de trarme sotto le coerte (a mezanot) i evo bem trati zo... Davanti a mi gh'era za na macchina sul carroatrezzi e era giust smontà en putèl rasta a far el controllo.... e me sa che co la so macchina el carroatrezzi i lo empieniva... Per n'attimo m'è vegnù el dubbio che pu' che en controllo fussa stà n'incidente... e g'ho zigà al poliziott se gh'è problemi. El m'ha vardà via propri stort e l'è vegnu a vardarme dentro la macchina co la pila... visti i sci g'ho dit che ero diret en Marmolada, e elo, credendo de averme ciavà el m'ha rinfaccià che là no se scia pù da en pèz. Ma quando g'ho dit che se, come mi, se va su coi scialp e no se parte per le 6 de mattina se sprofonda massa, l'ho spiazzà e l m'ha parà via! E così som arrivà al Zuffal con sol 23 secondi de ritardo... Cargà la macchina col Gerry e l Daniele (a S.Michel), arrivem al Passo Fedaia alle 6:20. Gh'è lì altri doi scialpinisti, che parte, ma lori i fa la via delle roccette... Al parcheggio è restà sol poche macie de nef, ma 140metri sora, zà se trà zo i sci per no cavarli pu'. Risalim velocemente le piste e en ten blitz sem al Pian dei Fiacconi. Da qi, vers sinistra se pol salir vers punta Rocca, ma ancoi, puntèm alla zima alpinistica della Marmolada: Punta Penìa (la me prima alpinistica su ghiacciaio en assoluto! el 15/6/2003!)... l'è na O.S.A., e ancoi el Daniele el la prova come so prima scialpinistica fuori pista! Dopo quattro giri de scotch ai me bachetti da sci che ormai perde le rosette, ciapèm dritti a risalir vers el catino glaciale sora i Fiacconi, e arrivai a 2850, raggiungem i do scialpinisti che era partì con noi dal parcheggio (per le roccette). En pratica erem drio a nar a far la via delle roccette (quela che evo fat 4 anni fa... ma mi ero ben convint che la scialpinistica la passessa de lì!). Beh, no ghe pensem do' volte, capì che la scialpinistica la passa a destra, sotto el ghiacciaio, cavem le pel e traversèm do vallette sbasandone de dosento metri... Ricaccià su le pel, addess si che i conti i torna! En bel canal sempre pù ert che punta dirett sulla schena d'asen! Tutt bel traccià e davanti, anca se co l'error avém pers na bona 3/4 d'ora, g'avem davanti sol 2 gruppi (no se pol dirghe cordate, vist che la corda, con ste bone condiziom la resta en tei zaini). Tachèm de zete sempre pù erte su per el canal che man man el se strenze... Per comodità se caccia sotto anca i rampant (el Gerry no, nol li g'ha!) e passà for na strettoia su roccette sci ai pei, arrivém enzima al canal. El Daniele, vist che l'è alla so prima scialpinistica, nol se fida massa a smontar coi sci da qi, e così, pensando che sora el sia ancor pù ert, el preferiss fermarse qi (quota 3000m) e nviarse en zo pian pian. Mi e l Gerry, continuem, sulla schena d'asem avvolti ntrà le nebbie. La pendenza, qi l'è tranquilla, da sinistra passèm le tracce che sale dalla nord e dopo aver incontrà doi che è drio a tornar de volta senza aver fat zima (massa nebbia), incontrem anca i do scialpinisti che eva fat la via delle roccette. Ancor na vintina de minuti e tra momenti che el sciariss e macie de nebbiom... ghe sem: Berg Heil! Ne fermen così en vetta na bona mezzora tra foto e ciope de pam (el Gerry el g'ha drio de tutt...e alla macchina ne spetta anca la radler! Quando sem partidi, l'ha scondù en fresca la Lemonsoda en ten nevaio!), quindi cavà le pel ne molém en zo. LA nef l'è pesante, ma el Gerry el salta come en cavriòl, mi envenze la togo dolza. Dovem far en par de pause de en minut quando la nebbia la ne cava la visibiltà dal tutt, po', tornai al canal, scavezem for tra el passaggim de roccia (beh, le solette g'ha tegnù botta) e la molém fim enfont al canal. Da qi, volendo se poderìa fiondarse zo dritti per el Canyon e riciaparse co la condotta (strada) che porta al park, ma se tornem ai Fiacconi sem sicuri de poder sciar fim quasi alla macchina e fem en bel travers vers destra e senza ripellar ne trovém sulla pista che scende dalla bidonvia. E qi la discesa tra gobette e nef umida, ma bella pressada dai passaggi, se se la gode fim all'ultima macia de nef. Tornai alla macchina e recuperà la bozza en fresca, ne fem zo na bona radler. Prosit! ... e a mezdì e n quart sem zà en macchina che tornem en val per nar a metter via i sci. En garage per la prossima, o en cantina per l'istà? Mah! Coi me assòti me godo massa....




Salim fim al pian dei Fiacconi...


...e risalim en tel catino glaciale davanti. NO! Diaolopò! Questa l'è la via delle roccette! E allora tornem de volta 200 metri pù en bass...


...e do vallette pù en là a risalir l'ert canalom....


...e saltà for le roccette enzima, se arriva sulla schéna d'asem per i ultimi 300 metri e...


Berg Heil! Diaolopò! Avè capì adess perchè la quota de Punta Penìa l'ho messa a 3346 e non 3343?? E' sì... el Kepo l'è 3 metri sora la zima!



Ste pagine l'e' stae cargade volte da visitatori dal 3 de agost 2005