SCIALPINISTICA Quota 2511 (Tessa N.P.) del 01/04/2007
El temp el dovrìa migliorar en gresta de confim e allora l'è lì che dovem nar. Ne trovem direttamente all'autogrill de Meran mi, l'Alberto el Mich, el Luca C. e l Gervasio. Dopo na bona colaziom ne enviem vers la Val Passiria e seguim le indicaziom per Plata, dal paess ciapem la deviaziom per Ulfas. Sem en tel parco Naturale de Tessa. Dovevem arrivar al paess ma co na maldestra ulterior deviziom a destra su per na strada bianca (de nef...) ne fermen a dei masi 200 metri de dislivell pù bassi de quei che dovevem raggiunger. Partim così sci ai pei a quota 1290m. Gh'è zo sol dò déi de fresca a scoerzer el prà.... ciapem subit quota e man man che nem, ne rendem cont dell'error fat e tolta for la cartina, co la veloce triangolaziom, avem capì en fretta che la situaziom no la quadreva.... erem en po' for de zona. Risalendo el bosc, avem zercà così de tegnirne a sinistra per raggiunger el vallom de entrata della nosa zima (ancoi evem deciso per la Clava). La nef, en superficie la g'ha su na brutta grosta giazada: sperente che la mola per quando vegnim de volta! Dopo aver passà el cartel del parco naturale e encrosà en senter, trovém la traccia. Ghe nem drio fim a passar sora al bosc. Da qi entrem per tutt el vallom passando tra malghette. Vedem do persone davanti enfont alla val che è zà drio a tornar de volta. Ne fermen così a domandarghe come che l'è la nef e se la traccia che sem drio a seguir la porta o no vers la Clava. No. Ma tant meio, vist che ancoi el rischio valanghe marcato grado 3 el ghe steva tutt (dai versanti l'era piem de slavine vegnue zo al gieri) e anca i do lòcal i n'ha ditt che ancoi no la sarìa stada sicura.... La traccia che erem drio a seguir l'era en tel vallom pù a destra de quel normale de salita per la Clava, e comunque anca dalla nosa banda saresem arivai a na quota sotto l'anticima della Clava. Proseguim così guadagnando quota su en prim dossom fin a na malga endo che ne fermem a trar zo en goz de acqua. Davanti gh'è en sol scialpinista che è drio a tracciar fim enzima (i doi encontrai prima no i s'era fidai)... Passem la piana e arrivem sotto el pendio che porta su. La prima parte se la risale da sinistra sfruttando per sicurezza na valanga fresca del gieri, po', passai sora, ne distanziem e, tirando el fià (per la tensiom del riscio 3), fatte altre do zete, se traversa sotto le rocce e quindi en ten blitz sem su. Berg Heil! Dal vallom del versante opposto se vede en gruppom de zent che è drio a nar vers la Clava. Ma da quel versante nef no n'è restada tanta.... non perchè no la sia vegnua, ma perchè l'è zà rugolada zo tutta en val! Dopo en quart d'ora, arriva la prima nuvola a cavarne la visibilità e allora ne molem en zo. Propri en bel polverom! Dopo na pausa de caccia al tesoro per el sci del Luca che l gh'è restà en mez alla polver la molem fim alle malghe e quindi anca zo per el bosc. Qi, la brutta grosta della matina l'eva molà e quindi la sciada, anca se en po' pesante se la pol molar senza problemi. 100m. sora alla macchina, tornai sui prai con su i 2 déi de nef, cavem i sci e nem alla macchina a cavarne i sci e farne na radler al volo (el Gervasio l'ha portà drio le latte de birra da bever all'auto!), quindi ripartim per l'immancabile locanda della Val Passiria: l'Alpenrose. E qi tra taglieri, gulasch e birre no ne tirem zerto endrio! (anca se el Mich el se teign sempre come en gardelin....)
Dai masi se risale per na forestale. |
|
|
Po' se risale per el bosc... |
for dal bosc, se traversa la piana de malghette... |
|
|
fin all'ultima malga sul doss pu' en alt. Qi el Mich l'e' drio a puntar la nosa zima. |
Spostandone en direziom della zima, ciapem quota... |
|
|
...taiando vers sinistra. |
Sfruttem cosi', tegnindone distanziai, na slavina fresca fresca per nar su: la zima l'e' quella sora a destra |
|
|
Quindi n'ultim taiom sotto i sassi e... |
...per comoda gresta, en te n'attimo sem su. |
|
|
Dala zima g'avem davanti la Clava e la so anticima e.... na bella valanga.... |
La sciada che ne spetta dalla zima: sulla gresta a destra se vede el Luca e l Gervasio che e' drio a arrivar en vetta. |
|
Ste pagine l'e' stae cargade volte da visitatori dal 3 de agost 2005