SCIALPINISTICA Rangger Köpfl (A) del 23/03/2010

Ma dime ti el Bernabè: avrìa dit che finchè ghe fussa stà elo come Aministrator Delegà, che el g'ha cà a Levico e la mama de Vigol (fà el bravo vè... che sennò!!! ghe svodo el canal dela Zeriola sul coèrt! ...scherzo, ovviamente!), no i n'avrìa serà l'azienda enveze... Cane mangia Cane! E così, la mattina, l'ho passada a scioperar e bloccar la zità de Trént, po' pero', no se pol miga far casìm tut el dì: gh'è da nar! Quindi ale 4 e 1/2 me trovo col Teo al ZuffalPark e dopo en salt a vardar zò (entant sol a vardar... ma sò bem che l Teo el pensa ai 192m de Bungee Jumping) el Ponte Europa, per le 7 avém zà passà Innsbruck e saltai su a Oberperfuss, tra trattori che è drio a conzimar i prai e boci che gira en moto, noi trém zò le pél sull'ultima lengua de nef che è restà en paess: eh ehe... sem a 850m e con temperature sui 20 gradi dei ultimi dì, quasi no ghe sperevo. Ma no sém i unici disperai che zerca nef! Gh'è zà 6-7 macchine parcheggiae! Ovviamente i impianti i è serai (a dir el vera ero convint i avessa continuà fim la fim del mess), ma su per la nef marza le pél le magna dislivèll a motor: per fortuna ancoi el Teo el s'è portà i sci pesanti e mi quei da gara, così mantegnim en ritmo pù simile... Guadagnai 50 metri sentim en par de boci che ne arriva davanti a sinistra con en motorim en velocità: diaolopo'... te vederai che la pista la sarà interrotta dalla strada! E enveze.. ehehe.. a girarse l'è i boci! El Teo el parte zete su zete en velocità: la pista l'è bela erta, ma con nef marza l'è pù comot che sul giazà: se va su senza tanti problemi. Na mezora a testa bassa e passà for en par de baiti sem zà all'arrivo della funivia (che i tegn davert en notturna) 400 metri sora: e da qi le piste le è ancor daverte, difatti gh'è subit en par de gatti dele nef al laoro: pero' che lusso... i ne la fa trovar tirada a biliardo! El pianoro l'è lonc eterno, po' puntando alla pontèra passém el prim rifugio sulla destra, quel pù alt sulla sinistra e l Teo el parte en velocità. Ma el so bem che davanti ancor ghe n'è! L'è i ultimi 200 metri che con en bel sviluppo en dentro i porta sotto l'ultim troncòm de skilift e a 50metri dalla cross arriva a passarme anca na tutina, ma... l'è subit Berg Heil! Fa prest a vegnir i diaolini a star quassù, saludém i 2 skialp en vetta, zò le pèl e se la mòla de bala... ma che veloci! Po', arrivai sul piam capisso bem l'idea del Teo: eheheh... sfruttar el faro del Gat dele nef che è drio a smontar, per far sci notturno! Ahahah... e pensar che en Trentim i proveria a binarne sotto i cingoi! Bel bel! Po', tornai sul tòc de pista serà, mantegnindose vers el bordo, no se riscia neanca de toccar sassi e n te n'attimo sém alla macchina! Bel bel e che veloci! (1100metri de salita en 1:15!) Ensomma, per le 9 sém zà lì en paess de Oberperfuss al bar sport a trar zò radler e magnar bruschette, con noi che parlém en todésc e la barista (che fasendose aiutar dai boci) la ne risponde en taliam. E adess el pensier l'è zà a organizzar a doman: sveglia ore 5:15, quindi, per le 10 e 1/2, sém zà a cà a Innsbruck a trar zò i ossi.




Tra prai verdi e spargiletame, eccone sull'ultima lengua de nef dell'Inntal: ehehe, calt o fret no gh'è storie! G'avém sempre da nar!


N'ora e 10 de agonia e dopo na bella tirada de còl sém zà alla GipfelKreuz! Berg Heil!


...e drio le luci de Innsbruck: e allor...zò le pèl, zena a Oberperfuss e via a polsar a Innsbruck, che doman se leva bonora!



Ste pagine l'e' stae cargade volte da visitatori dal 3 de agost 2005