ALCOLISTICA Rifugio Zugna: Le pazze 2010 del 05/08/2010
Ero indeciso fin all'ultim se partecipar alla tappa... d'altronde partendo doman per le ferie, no podevo zerto far el giro completo come l'an passà, e co le previsiom de ancoi che meteva acqua a seci reversi, gh'evo forse pù voia de sparmiar en dì de ferie, ma .... sel sa... gh'è da nar!
E allor cargà en tel zaino ombrèl, giacca, ricambi, teroldec, mionetto e limoncino alle 9 sém alla ciésa del paess sotto l'acqua a brindar col prosecco la partenza delle Pazze 2010. Ancoi sém mi, l Gioppi, l'Alberto, l'Herman el Denis e l Ladro. Diluvia ma carburà n'attimin col bianchét per le 9 e 3/4 ciapém coraggio e ne enviém sotto l'acqua. Su per el Doss, taià for la provinciale ne enviém su per el Ghèrtele, quindi, tegnindone sui sentéri de sinistra (che sennò finim sul Zengialt) en ten 3/4 d'ora saltém for all'antennom de Albaredo. Passà el campo sportivo, ciapém la longa forestale che scaveza via sora costa Violina e al spiazz de fine forestale, ne metem el cor en paze per la pontèra che ne speta e la mpontem dritta su per el sentér che en vinti minuti a testa bassa el ne sbara su a Malga Tof. Finalmente l'è ora dela pausa pranzo, ma diluvia che basta la metà e no gh'è en tòc de riparo per trarse sotto e magnar al sut: ne cacciém quindi en tel gabiòt co la fornèla e sfruttando en metro quadrato de onduline magném for l disnar al sacco (ciopéte col speck, bagigi, l'immancabile tonno del Gioppi, e copém subit 4 bozze de Teroldec e 1 de limoncim). Ripartim sotto l'acqua bei carburai, e st'am, passà i prai, e l famos trincerom ristrutturà (diaolopo'.... che struttura de cemento armà!) stem bem attenti a seguir la strada e no perderne for per i boschi come l'an passà: continuem per asfalto fim alla forestale che porta al zimiteri de S.Giorgio (endò che ne fermen n'attimo a commemorar i veci soldai... mi sol quei tirolesi) e oltra, finchè per le 3 e 1/2 ecco el rifugio: Berg Heil! Neanca 4 ore effettive de camminada: benom, ma zerto da mizzi che sém, el prim pensier sto colp no l'è la birra ma nar en camera a sugarne. Trao zò el saccoletto e sero i oci 2 minuti, e... crollo.... me sveglio sol en camerata che l'è le 6! Smontà al bar trovo tutti i soci zà bei carburai e ntant è vegnù su da val en machina anca l Silva, l Mazzu e me fradèl: ehehe... stasera gran rumba, e allor, prost! Nem envanti de birrette fin le 8 quindi, a taola tachém de rossi...e tra Canederli, puntine, crauti e gulasc, ne embughém per bem. Enveze che l dolce opto per nar grappa e tra en giro e l'altro è prest le 10 e me fradel e l Mazzu i torna a cà a dormir. Alle 11 se se trà en camera, ma mi e l Gioppi, stanziali al banco grappe tachém de limncin, grappa de amaron, montenegro finché a mezanott sém propri keppottai e tornai en camera da lèt saltando sui letti dei altri svegliém for tutti finché la parona del rifugio no la salta rento a darne na bela tirada de recie. Adess gh'è propri da dormir! Levai alle 8, entant che continua el giro el Gioppi el Denis e l Ladro, me fago dar en strappo en val dal Silva.... diaolopò.... me gira ancor la testa per i grappini del gieri! (ma stasera ghe darò contro de sicur...)
Ne trovém ala ciesa del paess sotto l'acqua per enviarne via con en bon brindisi de Mionetto. |
|
|
Tirém su i coprizaini e ne enviém su per el bosc vers Albaredo... |
...e scavezém for sora l'antenna del paess passando sora el mitico "fungo de Albaredo" |
|
|
...e dopo la rumba de malga Tof... arrivém al rifugio Zuna e... se ritaca de birre.. |
...e qi erem ancor al terz litro de alcol dela giornada a testa... la parte vini e grappe... ve la lasso emmaginar! |
|
Ste pagine l'e' stae cargade volte da visitatori dal 3 de agost 2005