SCIALPINISTICA Schöngrubspitz (cima Belmonte) del 05/12/2010

Sula domenega incombe l'ennesima perturbaziom, ma co na sciada de matina, doveresem riusir a ciavarla sul temp: gh'è da nar! E allor, ancoi nem per polver su per la Nonstal: passo alle 6 e 40 a tor el Salvatore (che ancoi el collauda i novi asotti da freeride: beh, da larghi che i è, ciamarli assotti l'è riduttivo: panèi!) e per le 7 sém al caffè dal Renrav e Francesca, endò che è zà arivai anca la Pamela e l Diego. Zinque minuti e ariva anca el Romano: l'è l'ora de decider endò nar a tracciar. Saltém tuti en macchina e per le 8 e 1/4 sém zà sci ai pei ala falegnameria sora el paes de Proves, en val d'Ultimo. De nef qi el ghe n'ha fatta de men che dal versante de Rabbi, ma de zerto, no se riscia de tocar tanti sasi! L'è en fredo beco, e i diaolini i se fa subit sentir. Smontai dala machina ne enviém su per la val en direziom delle Kessel Alm. El Renrav davanti el traccia a velocità de crociera (della serie, con en ritmo sì spedì, a star drio a andatura normal, se penserìa che la traccia l'è zà fatta!) fim al pont sul rì. Da qi no se deve passar el pont, che se sarìa a tiro slavine, quindi continuém en tel bosc e ne enfilém su per n'ert pendio sora na forra... 4 Zete en pè e per fortuna se girando a sinistra no se è pù a riscio de rugolar en tel rì se parte qualcos, quindi le zete le deventa ancor pù en pè: avanti a distanza su en travers (che enfin el se mete a soffiarne) e saltém for sui praoni en vista della malga. Per scavezàr via vers la malga g'avem da far le nosse a saltar for 3 rivi su ponti cedevoli, quindi, dopo esserme tirà su da na fossa de rododendri che m'ha fat sfondar fim en vita, ciapém la dorsale che se empenna sempre de pù. Sèta a tracciar el Renrav a strette zete sotto la supervisiom del Romano e l Salvatore che i consiglia direziom, pendenza e tipo de nef da tracciar (tegnindone for dai accumuli): stém bei distanziai e col cor en gola (anca per i incoraggaimenti della Pamela che pensa zà ale ultime volontà) passo su a passo felpato senza farme massa sentir dal pendio: ghe sém, finalmente la spiana! E adess gh'è da decider endò nar: Hoch Wart o cima Belmonte... vada per la seconda: la traccia normale de salita la sarìa bem dalla dorsale sul lato opposto, ma anca da questa, con quattro zete fim al sassom, l'è fattibile! Eheh... ho dit quattro... beh, le era anca zinque o sei o sette, e per disturbar el pendio el men possibile, tutte fatte con pendenza da Sudtiroler (alzatac consiglià). Arrivai così sulla dorsale, no arrivém a girarne vers el Brenta a veder i baffi de nef, che subit ne trovém en mèz ala tormenta de vent e nef trasportada, e qi el passamontagna el se rende propri utile: e l Diego, alla sò prima vetta skialp, assotti e pèl novi, el diss bem che apena el torna en val el corre a torsen uno! La grestina la passém for a pè, sfondando a colpi fim ai ginoci, a colpi su nef dura da evitar da slipegar... e la Francesca, col ginocio nof, la passa su senza dir baf. Sona mezdì che sém al BergHeil, zò le pèl e passà for la grestina tra derapage e n'ocio a no passar zò sotto el cornisom, finalmente arrivém sotto el vent.... e da qi, taca el divertimento, soprattutto per el Romano e l Salvatore che co le frese ai pei (freeride) i vola sula polver e i masna su la grosta da vent dela parte alta. Arivai vers la malga, ecco la bela polver e puntando a destra della forra del rì capitém sora n rampom ert che me ricorda tant el trampolim del Bergisel de Innsbruck! Pronti, via!! Molarla en super Pulver!! La mponto dritta passando entrà i laresi e zò!!! Entant che se se dà ai salti e ai zighi, smontém gasai alla forestale sotto e n velocità saltém for al praom sora le macchine. Ma el Renrav el ne averte del divieto de traversar el prà, e propri entant che l vol farne veder el cartèl, el se fionda zò en velocità: ahahah, l'era tutt na scusa per sverginar l prà per prim! E eccone alla macchina che ancor el temp el tegn: ehehe, anca ancoi l'avém embroccada... gh'era propri da nar! E adess, tornai a cà del Renrav, dò bone birrette, 2 boni strudel e tra cartine geografiche e fotografie el pomeriggio el ne vola a tutti:....e quando ale zinque sém lì per saludar e saltar en macchina, ecco che l'ariva... nochmal Pulver Schnee ;-) !!!




Ne enfilém su per la forestale...


E quindi da sinistra scavezem su per el bosc oltrepassando la forra del rì (qi en realtà erem en discesa... tuti gasai dalla pulver!)


Passada quattro rivi e la KesselAlm, puntém en ponta de pei e erte zete su per la dorsale..


..e quindi ne concedém na prima pausa..


...anca per decider se nar sull'Hochwart, o ... ecco.. deciso!!! Cima Belmonte!!!


E allor, guanti alla man... gh'è da nar!


Ne enfilem rento per la piana...


...fim sotto la rampa che porta en gresta, e a distanze uguali se tacca de zete....


..en ponta de pei, con passo felpato...per no disturbar massa la quiete del pendio!


Quindi, saltai en gresta, e trat su el passamontagna (o el beret) per via del vent frett...


...saltem sull'antizima en mez a na bufera de vent e...


..con travers a pè arrivém al Berg Heil! Perchè no gh'è foto de discesa? Ehehe... massa ciapai a tracciar en tel polverom sotto la malga!! Ensomma anca g'avém avèst la nossa dose de super Pulver!



Ste pagine l'e' stae cargade volte da visitatori dal 3 de agost 2005