SCIALPINISTICA SchöntalSpitze (A) del 13/04/2008

El temp en Italia l'e' sempre brutt, gh'e' rischio fim a forte grado 4 .... infatti, per evitar el brutt (o gh'e' de mez el Tano?), ne da' forfait sia l'Albert che l Luca. Ma su dalle me bande el so, gh'e' el sol! El Mich el se fida e l fa bem! Destinaziom de ancoi la Lüsental: en pratica tornem en te la zona del misfatto dell'ultima me scialpinistica quando g'ho zonta' la spalla. Vist che ormai som sempre qi en zona, appena arriva' en patria a Brenner, me fiondo en tel gabiot della ASFiNAG a farme l'abbonamento al Ponte Europa e la vignette (g'ho da far le mie per farghe capir al commesso che g'ho diritto ai 50 Euro de sconto residenti... e cosi' per 120 Euro som apposto per n'am!! Se pense' che senno' ogni volta che vegnim via l'e' 16 Euro demo' per el ponte Europa.... l'e' en bel affare!). Ritolta su la Polo continuem cosi' fim Innsbruck (eh,eh... ghe saria bem el distributor de metano... e sta settimana alla bona vecia Polo g'ho monta' anca l'attacco per far carburante anca qi.... ma no gh'e' temp! El sol el magna le ore!) e sul ponte Europa l'e' na bella soddisfaziom veder come funziona el VideoMaut: en pratica i g'ha en sistema de riconoscimento automatico della targa della macchina.... en po' come el telepass ma senza elettronica: quando passo mi co la Polo se daverze le stanghe e... via!!! Tolta la direziom per Bregenz-St.Moritz nem for a Zirl Ost, Kermaten, quindi per Sellrain continuem su per le stradele fim enfont alla Lüsental al parcheggio: diaolopo'! L'e' le 7 e 50 e l parcheggio l'e' za piem de scialpinisti!! Ovviamente sem i unici taliani (beh, dai.... el Mich l'e' taliam! mi... miga tant!) Trova' en buss endo trar la macchina, trem zo i assoti e ne vardem entorno che zima sceglier: le relaziom le g'avem drio tute. Gh'e' la zent che parte a frotte en tute le direziom: zerto che el Lüsenser Fernkogel, col riscio 3 de ieri e la polver che ha trat zo no ne fideresem mai a tracciarlo: e enveze el pu' de sti qua i va propri en quela direziom! Noi alla fim decidem per el SchöntalSpitze, na salita direttissima che no mola n'attimo sul fianco destro della val: 1400 metri de dislivel, e tornar finalmente sora quota 3000, l'e' za' na bela riabilitaziom per mi! Ne enviem su per la forestale e.... pulverSchnee! De lusso! 5 minuti a pe' e dopo quatro ciacere con en gruppo de Rosenheim che sorpassem en pressia, arrivem al sol e.... subit maneghe corte! El Mich el me tegn davanti e l vede ben che som drio a nar su lancia'.... ma dopo en mes e passa.... som massa gasa' a tornar dalle me bande coi assotti sotto i pei! E cosi' tachem de sorpassi.... e a nar su gh'e' anca qualche bela popa.... ma massa lenta per starghe dré e allor, avanti de sbregae fuoritraccia. Risalim en costolom de 200 metri e dopo n'ora e dese dalla partenza avem za' fat 850 metri de dislivel! L'e' giust fermarse a trarse su en po' de Sonneschütze e bever en goz, quindi avanti, ma col pass pu tranquil. Ne accodem a na comitiva e se no fusa per en pel de giaz che se fa soto le pel e che el le fa slipegar, la tentaziom de passarli la saria forte: i e' propri lenti... ma dai, che senno' arrivem su massa bonora! Entra' en la conca sotto la zima, ne speta ancor dosento metri de erte zete e finalmente se arriva al skidepot (2 ore e 10 dala macchina!): mola' li' i sci se continua per gresta e n 3 minuti... Berg Heil! gh'e' za' li' entorno na desina de persone, ma drio ghe n'avem almen 30! Per narghe al vers alla cross l'e' propri scomot: l'e' na gresta con dei lastroni coerti de nef che... se te ghe pesti sora i vem a torte a Innsbruck. G'ho bem pesta' sora, ma el cordin de ancoraggio dela cross el s'e' fat comot per no rugolar. A en putel ariva' dopo, ghe l'evo ben dita che l'era pericolos, e alla fin, se nol recuperevo col braz (la spalla per fortuna la g'ha tegnu' botta) nol gheva tanti cordini da tacarse... Sentai sulla cross a magnar e bever, ne approfittem per far quattro ciacere coi scialpinisti de zona che i ne domanda le condiziom che gh'e' zo en WelschTirol (eh.. al momento le e' meio en NordTirol!). Dese minuti de pausa e nem. Dopo n slipegom del Mich al skidepot e na me prima rugolada coi sci (ovviamente sulla spalla sinistra), ne enviem en zo a spolverar sul vergine. Mi molto cauto, el Mich enveze el se fionda en velocita'. Passa' el pianoro sotto, e arrivai alla dorsale deviem per n bel pendio a sinistra e continuem de firme su nef adess pu' pesante. Su en toc pu' ert el Mich el nèta zo en tochét de pendio e allor ne ritrém sul pu' dolz e con 4 curve en tel bosc arivem alla forestale e alla macchina. Eh,eh! E adess no l'e' zerto el caso de perder le bone abitudini: davanti al parcheggio gh'e' el gasthof dei scialpinisti con terazza all'avert e za' mez piem.... l'e' mezdi' e 10: sa en dise' de n bom Große Radler und SpeckTeller?




Subit davanti gh'e' el Lüsenser Fernkogel, co la so erta salita a sinistra en tel versante ancor en ombra.... e ancor tutta da tracciar: meio lasarghe far ai me connazionali! Noi ne trem en tel men ert vallom de destra.


E cosi' su traccia za' collaudada risalim el bosc.


Il lupo perde il pelo ma non il vizio: KEPOOOO!!!! I sci i va trascinai!!! No sollevai!!! Diaolopo'... te sei propri en zoc!


Empontada dritta (ma dritta dritta!) su per le dorsali, setem a ciapar quota fin....


....la piana sotto la zima, e traversada se punta dritti davanti con zete erte. (Gh'e' za' i primi che se gode a firmar en la Pulver!)


Mola' zo i sci, quindi, se continua per gresta a pe' 5 minuti e....


..Berg Heil!


Dalla zima gh'e' propri da goderse a vardarse entorno! E a pensar quala zima sceglier la prossima volta!


E quindi, vem prest ora de trarse vers val. Mah... Kepo!!! Girete!!!! Varda che te g'hai drio la tirolese co le zinne al vento!!! Eh, eh! E pensar che le taliane, ste robe qi no le e' abituae a farle neanca a casa!!! diaolopo'....



Ste pagine l'e' stae cargade volte da visitatori dal 3 de agost 2005