ESCURSIONISTICA Simmering Alm (A) del 10/01/2010
Dopo la rumba da paura del sera al TheresienBrau a bever 3 litri e mez de birra (e che mattom!) a testa, e nai en let per le 3, quando l'è le nove, co la sveglia che sona tiro tutti zò dal let: gh'è da nar a smaltirla! El Mattia l'è ancor sconvolto e el g'ha da far le sue a tirarse for dal let: tra na monada e l'altra ghe mettem n'ora a nar for da casa e nviarne lungo la A12 vers Telfs, Moetz quindi devià per l'altipiam arrivém a Obstieg e seguì la forestale a sinsitra del paess per en par de Km, arrivém al parcheggio della Simmering Alm (gh'è su en vecio impianto de risalita). L'è en freddo cane, meio... se mette el sangue en circolo e se la smaltiss prest! Anca ancoi sfruttém la pista da slittin battua: el prim toc, essendo na vecia pista da sci, l'è disboscà: per no perderse basta seguir i enormi cavi dell'alta tensiom che salta su vers la Germania, quindi proseguim su per la forestale e guadagném subit 250metri con 4 zete, quindi, dopo n'ora e meza de marcia traversem a en pianoro lonc eterno che co na deviaziom vers sinistra el ne sbara su per na forestale en tel bosc fitt e se ritaca de zete su zete passando anca qualche vecio scialpinista. La pista da slittim l'è longa eterna e a forza de zete, finalmente se intravede anca la fim delle nuvole....se sotto l'era frett e nuvol arrivém alla malga giusti giusti per el Berg Heil e trovar na bella serenada! Mi e la Claudia ne magném en bom piatt tipico, el Mattia enveze el fa ramadam: l'è ancor kepppottà dalla sfida de ieri a Rafano, birra e peperoncini! Na bona magnada e per le 2 e 1/2 ne enviém en zò: ma co la longhezza della pista da bob, arrivém zò che l'è not (e engiazai come i merli: l'è -15, e le bozze en tei zaini le è zà en bloc de giàz): gh'è da taiar! Ciapém en scortol che l taia for tutte le zete e l ne fionda zò en fretta en la valletta sotto, po', el sentér, fra giàz e poca nef e ... l'ert... el se fa propri tosto da desmontar: ma ormai sem en bal e ballem! Finalmente dopo n'ora con mili oci a no slipegar sém en val ala machina: così, tornai en 40 minuti de auto alla casa a Innsbruck, adess el Mattia, smaltia la bala del gieri el pol guidar per rientrar en Trentim... Mi enveze, resto qi a darghe contro: co na bira! Zum Wohl!
Ne enfilém su per la vecia pista da sci seguendo i piloni dela luce... |
|
|
..e entrai per qualche bel kilometro en (quasi) piano rento per la val... |
...e riciapém la pontèra per altri 500 metri de dislivèl... |
|
|
Fim a saltar for dalle nebbie e... arrivar alla malga! Berg Heil! E ... vist che l'è ora de magnar: Mahl Zeit! |
Ste pagine l'e' stae cargade volte da visitatori dal 3 de agost 2005