SCIALPINISTICA Spiel-Büchelberg/ cima Faggiola del 19/02/2011

Dopo la bela fiocada che ha fat a cà no se pol restar, e quindi alle 7 co l'Andrea sém zà a cà del Renrav e la Francesca a bever en caffè e appena ariva el Francesco (che l pol seguirne demo' en par de ore, po' ghe toca tornar a cà per via che la sò dòna la lo deve portar a far shopping) ne enviém co la Golf drio al Pandim del Francesco: diaolopo', l'ha ciapà la patente stà stimana e zà el tol zò le curve alla Schumacher e mi... no ghe la fago propri a starghe drio! Arrivai en Ultental, subit dopo St. Nikolaus, molém zò l'auto e ciapém la forestale assotti sotto i pei che ne porta rento per l'Auerbergtal. Chissà cossa che l g'ha n ment el Renrav ancoi: l'IlmenSpitze/cima dei Olmi, l'è bem erta con ste condiziom, ma l diss che en alternativa gh'è en bel girom a nord sulla dorsale di fronte: la Faggiola... sperem! Arrivém agevoli en velocità al prim bait col pont e qi se volem nar sulla Faggiola ne tocca batter traccia noi deviando sul pont a destra e tacando a ciapar quota su per l'ert (ma che ert!!) bosc alla sinistra idrografica. Traccia el Renrav le prime zete, po', l'Andrea el passa tracciator e mi, en po' perchè no ghe n'ho rento massa, en po' per far el comot, ghe fago compagnia en coa ala Francesca. Saltém for su en prà sotto en salt de roccie, e qi el Francesco el ne saluda: nol g'ha pù temp ghe toca rientrar.... e a noi adess ne toca provar a passar su da sto salt de roccie. En realtà, 3 erte zete e per bosc ert saltém sula dorsale e arrivem en vetta al Spiel. Da qi la traversata la deventa pù esposta e rischiosa e se alterna a tracciar l'Andrea e l Renrav: e mi qi, sto drio a vardar, che se parte qualcos... sém del gat! Scavezém sull'ert bosc a sinistra e passai en campo aperto tachem de zete su per l'ert pendio fim a riciapar la dorsale. El pèzo l par nà, adess ne speta na bela traversada de dorsale e con quattro zete finali arrivém prest al Berg Heil! Che gitom da foc! Bel bel bel! E tracciada da noi (beh... dai.. forse el Kepo el s'è sprecà 100metri)! Na bona magnada de ciocolata, quatro foto e l'è prest ora de cavar le pèl e molarla vers val. E qi, passà zò la dorsale en po' pressada (endò che se mòla zò anca qualche metro quadro sul tòc ert), quando arrivém al limite del bosc el Renrav el diss de provar a trarse zò en tel canal dirett a destra sull'Auerbergtal: ma diaolopo'... no vegnirà zò tut?? L'è ert en pè e cargo con mèz metro de farina! Un per volta e ne molém zò co la nef fim ai ginoci, e quando avém finì el noss turno de sciada en tel canal, ne trém for de mèz per far smontar tutti en po' alla volta.... ensomma ... super pulver, tanta tanta e tuta da sverginar!! I ululati de godimento a smontar zo' i se spreca e en te n'attimo dopo aver fat for el bosc bass con quattro saltoni de super polverom riciapém el pont e scivolem alla macchina: super gasai! Massa bel! E adess allor ném a cà del Renrav endò che la Francesca la n'ha preparà en bom strudel per festeggiar, birra e ... braulio: ma sol uno che g'ho da guidar!




Ne enviém su per la val fim ala malga, e traversà el pont a sinistra...


..la mpontem dritta su per el pendio...


L'Andrea ancoi l'è el nos tracciatore ufficiale... sul sfondo l'Ilmenspitze


Arrivai enzima al Spiel... Bergheil e.. avanti che gh'è da nar...


..a tracciar el grestom fim sulla Faggiola...


Berg Heil!! E adess... gh'è da molarla!!


Nà discesa fantastica... en polverom da restar senza fià... da stofegarse!!



Ste pagine l'e' stae cargade volte da visitatori dal 3 de agost 2005