SCIALPINISTICA Spina del Lupo - Wolfendorn(A) del 22/04/2009

22/04/2009:Mercol de mattina, meteo perfetto, firn en quota… sa vot… nar a laorar? beh… si’… ma con calma! E allor… Prima il piacere, poi il dovere: Gh’è da nar!!! La relaziòm, sto colp el l’ha scritta l’Andrea…che sennò el Kepo… col poc temp che l g’ha… no l’ariva pù a contarve tute le monae che se fa!


Ariva la ciamada del Kepo marti de sera, “domam ghè da nar” el dis. Così ne trovem Zuffo per le sei con l’obiettivo de far la Spina del Lupo (Wolfendorn), na bela zima de tremili metri propri sora el Brennero. Ancoi sem en zinque, mi, el Kepo, el Davide, l’Albert e el Matteo. Dopo na colaziom en autostrada nem fora al Brennero e poc prima del paes ciapem na stradina su la destra che dopo dese minuti la ne porta alla Locanda al Lupo dove lasem l’auto. Auf die Fellen, fertig, LOS, el diseria el Kepo, ne enviem coi sci su le spalle lungo na forestale e subit dopo ciapem en senter che en na vintina de minuti el ne fa arivar a la malga dove mesi i sci ne fiondem su per i prai. L’Albert e el Mateo i taca a nar su de corsa, poi ghè el Kepo che el prova a starghe drio, po el Davide e enfine mi che sero la fila. La giornada l’è bela no ghè na nuvola e el sol scominza a far effetto su la nef che nel bosc l’è diventada ormai marza. Finì el bosc ne enfilem en ten valom che el diventa sempre pu ert, ma con en poc de zete en mezora arivem en zima al costom da dove se vede la zima No l’è lontana ma per narghe al vers se deve farghe el giro da drio evitando la fascia rocciosa. Salidi en par de dosoni arivem a l’inizio del travers che el n’ha portà en na mezora sota a la pala finale. Chì el Mateo, l’Albert e el Davide i’è nadi su fim en zima sci ai pei, mentre mi e el Kepo i ultimi metri no ne sem fidai e trati gli sci sul zaino sem arivai en zima. Bergheil!!!!! Dopo eserne godui la stupenda vista su la val de Vize e le zime en torno ne sem molai prima zo per el pendio bel ert e po en na serie de ampi valloni. Che sciada!!! El sol ne fratemp l’aveva molà la nef giazada en superfice così avem trovà en super firn fim a l’inizio del bosco dove nonstante la nef marza co na bela sciada sem tornai a la malga e coi sci su le spalle en pochi minuti ale 11 e ½ sem ala machina. Dopo eserne cambiai decidem de far en salt alla locanda al Lupo per el consueto panet e bira. El locale l’è proprio bel, classico sudtiroler però ghè da dir che aspetar mezora per en panet e na radler(erem da soli en tel locale) par en poc masa. Dopo aver dit en poc de cazade, mentre nem a pagar dem n’ociada en cosina e vedem che a cosinar ghè na siora che a dir poc l’ha gavrà zento vinti ani, eco perché i paneti noi veniva pù !!!!! E dopo eserne fati do ridae ne sem enviai ver el Welschtirol, anca perché a le 4 e vinti g’avevo el treno per Padova!!! Locanda al Lupo: * ½ (na stela e meza). El panet l’è bom anca se visti i tempi de attesa par che i lo abbia empastà li al moment. Sul bever nient da dir perché la radler l’era bona. Per la f***a enveze no ghè sem propri, almem no per sto secolo e quel pasà!!!!




Parcheggiada la macchina de fianc al pass del Brennero se parte spediti su Forestale e subit a destra per senter...


..che tegnim fin la malga, endo' che, arrivai en campo aperto podem molar zo' i assotti...


Su nef bela giazada se ciapa quota en pressia sora el limite del bosc..


...e arrivai a na dorsale, tegnindone sulla so destra, entrem en tel vallom sotto la pala finale


...e tira' for picca e ramponi (ma mezzi i la fa anca sol coi cortei da giaz) se ghe salta su e...


Berg Heil!


e adess se pol molarla vers val... che erta!


Sotto la pala giazada, se rientra en tel vallom e l firnaccio l'è propri bel!


Orcocan... la zata de n cavriol! E i me spiega che l'è mort probabilmente non de stenti ma de fam: el g'ha el centro dell'interno dell'oss bianc=morte violenta. Se l fussa stà ross, sarìa stà de stenti. Ma no gh'è temp da perder... el firn el ciama! e allor.. avanti!


Fim a sfruttar l'ultima lengua de nef... neanca 10 minuti dala macchina.



Ste pagine l'e' stae cargade volte da visitatori dal 3 de agost 2005