SCIALPINISTICA Stivo del 03/12/2005

La perturbazione doveva scaricare 60 cm di neve.... ma non si puo' aspettare che finisca.... non si puo' perdere il sabato! E cosi' erem restai d'acordo de trovarne ale 8 e 3/4 al stadio de Roveredo co l'Alberto e 'l Marco de Edolo per nar en Folga e risalir le piste nonstante la bufera preventivada... Ma ale 9 me ciama el Mich a dirme che en Folga l'e' acqua! E cosi' l'Alberto el lancia l'ideona: Stif! Spetem cosi' circa n'ora che 'l Marco l'ariva a Roveredo (l'era parti' ale 7 e 30 dalla Val de Cembra, ma fim a Matarel gh'e' tut el traffico blocca' per nef), carghem la me polo e via vers S.Barbara. Arivem a Ronz che ancor l'e' drio a piover, e de pezo gh'e' che la strada per S.Barbara l'e' serada per manutenziom: g'avem da far el giro da passo Bordala per el sterrato. Fim qi la strada la podeva anca nar, ma po' for per el bosc le cadene ho propri dovest meterle su. Arivai a S.Barbara (ale 11!) finalmente l'acqua l'era deventata 'na tormenta de nef e per fortuna la salita vers el Stif la pareva za' tracciada. Entant el Marco el se scorze de aver desmentega' i bastoncini da sci en te la so machina a Roveredo.... el g'ha da farsen 2 rudimentali con do rame... Metem su le pel e tachem a nar. En tel giro de na mez'ora sem za' for da bosc e qi encontrem che torna anca el Davide (col snow) e 'l Marco (co le ciaspole): ero na' con lori tre stimane fa a far l'Orecchia di Lepre. Dopo do ciacere sulle prossime cascate de giaz che gh'avem da far (el Davide el s'e' tolt le picche) sem ripartidi e...avem pers la traccia de salita. Erem drio a salir per quella de discesa, e quando ha taca' le serpentine avem dovest rinunciar a seguirla e som pasa' a far Kepotraccia... che sgobada! Ma el pezo l'era el nebiom: no se vedeva a do metri...l'importante l'era trovar le baite e po' tegnirse a destra per zercar de svizinarse al costolom. Dopo esserne tranquilizzai per la vista dela teleferica che porta al rifugio e' taca' el tc pu' ert e cosi' dopo na ravanada de n'ora s'e' leva' n'aria da foc: l'era seign che erem ormai vers la gresta! E infatti avem encrosa' na fila de bandierine che seguendole le n'ha porta' al rifugio. El doveva eser davert (gh'era rento el caminet che neva), ma l'era sera' a ciave! A forza de bater sui vedri per fortuna el ne daverze: l'era drio, vist che l'era da sol, a nar for per bater la pista col gat de le nef, ma za' che erem li' en bon minestrom calt e 'n brule el ne l'ha mesi su. Dopo eserne scaldai per bem l'era ora de tornar for en te la bufera. E zo! I primi dosento metri de discesa i e' stai na bela tribolada en te la nebbia, ma po' el s'e' davert fora e dopo en pez e' vegnu' for anca el sol. La nef l'era bem en po' pesante, ma la sciada la meriteva propri. Ghe sara' sta' na sesantina de schei de fresca! E infatti sto colp se ariveva ala macchina coi sci (de solito en tel l'ultim toc de senter gh'e' da cavarli). Cosi' vers le quatro erem za' drio a saltar en macchina vers ca' con en: "Alla prossima!".... doman?




All'uscita del bosc....la jeep del gestor: diaolo po'! Quanta nef che 'l g'ha fat su!


Tant per renderse cont del nebiom e del vent che gh'era: qi l'era l'Alberto che vegniva en su.


Bevu' brule' e minestrom l'era za' ora de tornar for dal rifugio: che tormenta!!!


per fortuna, man man che ne sbasevem, el temp el se alzeva: qi, tra la nebbia se vede el rifless del Garda


El Marco, che l'eva desmentega i bastoncini en la so machina en val: el se l'e' fata tuta con do bastoni de frassem!



Ste pagine l'e' stae cargade volte da visitatori dal 3 de agost 2005