ALPINISTICA Torre di Pisa (Latemar) del 15/07/2008

No gh'e' mai temp! Ma tra tutt quel che gh'e' sempre da far, tra el temp che sguazza' en di' si' e uno anca... gh'e' da nar! E quando me ciama el Teo per proporme en giro al rifugio Torre de Pisa (en Dolomiti sora Pampeago-gruppo del Latemar) arrivo demo' a mandarghe na mail al capo a dirghe che togo ferie e fiondarme a casa a far el zaino! Per le 8 e meza de mattina, ne trovem a ca' del Teo per colaziom, quindi, parcheggia' la macchina alla partenza delle funivie de Pampeago, scavezem su per prai e forestali en direziom de Obereggen, fim a encrosar el noss senter, che ne portera' al rifugio Torre di Pisa: el 515. La empontem dritta, ma dritta dritta, e dopo n'ora, sem za' al limite dei prai che scavezem su per en canal de roccette friabili: eh,eh, el senter fat de scalini de legn l'era massa comot! Prima de arrivar al rifugio, sulla sinistra gh'e' na zima co la cross e allor, aggira' el torrion da sinistra, en 5 minuti ghe saltem su... Beg Heil! Adess podem nar al rifugio a magnar e bever, vist che tanto l'e' le 11 e 30... o forse no? Eh,eh... drio el rifugio, gh'e' l famoso pilastro de roccia ciama' "torre di Pisa" e ne sem portai drio tutt l'occorrente per rampegarla... si', si'.... prima dovem far quella! E cosi' scaveza' drio el rifugio en 3 dei de nef fresca (a 2600m), ne lighem e l Teo da prim el se envia su per la tor. Eh,eh... en tiro de corda de 3+... benom! 10 minuti, e con sol en friend e en ciodo el Teo l'e' za' enzima che el me assicura ai anei enzima alla tor: "Vei Kepo!!!". Ale'! E mi som bem en pel preoccupa' a veder come che me gira el braz da quando me som fat mal alla spalla... ma... tutt ok! E allor... Berg Heil! Ne saria ben piasest trarne zo en doppia dal lato sinistro (nel vuoto) ma vist che no erem sicuri che la corda la arivessa enfont, avem rifatt la doppia sulla stessa de salita... e per mezdi' e mez erem za' al rifugio a ordinar le do birre medie... I paneti col speck e formai el l'ha portai el me socio, ma po', quando se taca a magnar... eh,eh... ne va zo bem anca en piatt de spaghi con fonghi e selvaggina.... e ovviamente, dopo n'altra birra media, en bom espresso e grappim per parar zo tutt. Per le 2 e meza, trati i zaini sula schena ne enviem vers val, e sfruttando anca en passaggio de 200 metri de funivia (en discesa! la salita besogn farla a pe'!) tornem alla macchina... Alle 4 sem za' de volta a ca' del Teo a scargar i zaini e saludar i soi, quindi, con en "alla prossima" me trago en spiagga al Lac de Caldonazz a spetar le 7.... ancoi no ho ancor fat assa'.... me manca ancor el giro del lac co la squadra come allenamento de dragon boat!




Se sale oltre el prim troncom dei impianti en direziom della famosa voliera...


...fim a encrosar el nos segnavia 515


..se continua en direziom delle rocce davanti...


Empontandola dritta!


..e ancor pu' alti, su sora i prai...


...e su per i canai...


E subit prima del rifugio, ecco la prima cross... gh' da nar!! Par difizile, ma da sinistra, gh' en senter che porta su...e...


Berg Heil!


..e dietro el rifugio... ecco svettare la bella torre de Pisa... e chi ... gh' da rampegar! Ma col Teo da prim, nem dapertutt!


Berg Heil!! ahaha!! Kepo!! Sa fat la enzima da sol??? Dai desmonta, che l' ora de nar a magnar en boccom al rifugio!


... e con na bella doppia (qi l' l Teo) ne molem zo.



Ste pagine l'e' stae cargade volte da visitatori dal 3 de agost 2005