ALPINISTICA Tribulaun Tour (A) del 12/09/2010
De Tribulaun ghe n'è 3: uno per val, ma se quel de Fleres l'è propri catif (friabile e alpinistica de III grado), el Gschnitzer el par fattibile: gh'è da nar! Enveze che saltarghe su dalla normale che partiria dalla Gschnitztal, però, ném su dala val de Fleres. Partìm alle 6 da Trembelem co l'Herman, e trovai a Volan co l'Alberto e la Laura, dopo na colaziom a Bolzan, per le 8 sém a St. Anton en val de Fleres a trarne su i scarponi e saltar su per el sentér 7 che parte propri dalla mitica canonica dei stracollaudai taglieri de speck invernali... Ciapém subit en bom pass e el sentér el se mponta a zete per 200 metri fim a en prà con en par de baite. Da qi, proseguim dritti per el senter 32A che punta alla SchneeTalScharte (ops... come sempre sui cartèi qi manca la doppia dicitura en talian: Forcella della Val della Neve -che l'è po' la val che salta su dal versante austriaco). Passà el limite del bosc ne tegnim sulla destra de na cascata e continuém a guadagnar metri. N'ora de tribolada e zà 600 metri i avém magnai, e allor, no calém el pass e continuém sempre su pendenze sostegnue vers la testata dela val. Da qi, se scaveza via vers sinistra e finalmente dopo dò ore e rotti arrivém al sol (l'esposiziom l'è ben a sud, ma la val l'è propri serada). Ne fermen n'attimo a vardar en branco de 15 camozi che salta zò dalla Schwarze Wand alla nossa destra en velocità: diaolopo'... i smonta sul terzo grado come se fussa nient!! E qi, propri per el fatto che ancor al gieri de sera co la Laura no m'ero presentà e no saevo el so nome, sentendo l'Alberto ciamarla sempre Franz, la ciamo Francesca! Diaolopo'... come podevo saer che l'era drio a ciamarla per cognome???!!! Ma se l ciama la morosa per cognome, i altri come l li ciama, per codice Fiscale? Na bona risada e se riparte: adess ne speta i geroni che salta su alla forcella de confin: 400 metri de tribolada che passém for a testa bassa e per le 11 e 20, a tre ore dala machina (contro le 4 e 1/2 stimae dai segnavia) sém enzima alla forcella sul pilastrin de confin de stato. El Gschnitzer Tribulaun l'è alla nossa sinistra, ma no se riesse a narghe al vers direttamente dalla forcella: diaolopò... besogn prima smontar en tel versante austriaco che, l'è sì gerom, ma ert e giazà: ocio che l'è vietà slipegar! E qi la Laura, tra roccette e giaz, la capiss sa che voleva dir i segnavia tondi (alpinistici) enveze delle solite 2 righe bianca e rossa... Pensevo che saria bastà aggirar el rocciom dela gresta de confin per saltar finalmente sui blocchi che porta al Gschnitzer Tribulaun, enveze, dopo en bel travers giazà, ne speta ancor 200 metri de discesa tra geroni e giaz: tutt for che fazile senza ramponi! Finalmente ecco sulla roccia le indicaziom per la vetta: zerto che a risalir sul canal drio, no basta el giàz: l'è anca pien de nef! E allor, se ciava, puntém alla traversata che avevo zà addocchià! Smontém quindi ai 2060 della TribulaunHaus en Gschnitztal e dopo na bona birra e quattro fette (bistecche) de speck, riscominziém a ciapar quota per el sentér che salta enfont alla val: altri 550m a testa bassa e per le 3 e 1/2 arrivém nuovamente al confin ai 2599m de quota del passo Fleres. L'Italienische Tribulaun Huette l'è giust lì sotto: 200m pù en bass e n vinti minuti, difatti, sém zà lì co l'HolunderSaft en man. Ghe sarìa bem el sentér numer 7 che taia for a meza costa per tacarse a quel de salita de stamattina, ma vist che l'anell el volem farlo completo, anca per comodità su consiglio dela putèla del rifugio, ciapém l'8 che n te n'ora e mèza abbondante el ne porta prima a Stein, quindi traversà dò volte el rio Fleres, finalmente a InnerPflersch e St. Anton. Fatta!!! E adess, che l'è le 6 men vinti, dopo 9 ore che sém en volta coi scarponi (3 e 40 en su e 3 e 1/4 en zò) e domili metri de dislivèl, ne meritém n bon taglier de speck al stracollaudà gasthof Canonica del paes, quindi saltai sulla Polo en te n'ora e meza sém de volta en WelschTirol.
Entrem en la val de Fleres al cospetto della WeisseWand! Endovinè en po' quala che l'è! |
|
|
Ne enviem su per el bosc sora el paess de St.Anton... |
e salim su per el vallom per ben 1000 e passa metri de dislivel... arrivai sui geroni la se mpenna e... |
|
|
zete su zete, el senter el ne porta al pass de confim... en Heimat! |
La discesa sul versante austriaco l'è giazada... |
|
|
...e anca bela erta! |
Finalmente dopo 400m de geroni giazai arrivem en la piana.. |
|
|
..e en dese minuti alla Tribulaun Haus endò che vista l'ora sem giusti giusti per na birraccia media e taglier de Speck! |
Dopo na bella siesta, sém pronti ripartir... |
|
|
e traversà sotto tutt el Gschnitzer Tribulaun... arrivém al pass.. |
..e lasandone alle spalle la testata della Gschnitztal... |
|
|
...rivalichem el confim de stato passando sotto el bel Tribulaun de Fleres... |
...e quindi, dopo na pausa HolunderSaft al rifugio Calciati al Tribulaun, smontem vers val... Che spettacolo qi le vacche: altrochè numer de matricola! Le g'ha su l'etichetta col nome proprio!!! |
|
|
En te n'ora de discesa arrivem a Innerplfersch, quindi, per strada de fondoval... |
...torném al paesin de St.Anton... e chi l'è doverosa la pausa en canonega per.... |
|
|
...en bom taglier de Speck e... |
...la meritatissima birraccia... al cospett del noss eroe regionale (Andreas Hofer). |
|
Ste pagine l'e' stae cargade volte da visitatori dal 3 de agost 2005