SCIALPINISTICA Ziolera e cima ValPiana del 20/03/2010

Tra l polver dei dì passai e la scaldada dei ultimi doi, l'è ben dura embroccar la gita! Sotto i 2400 a sud a vardar i bollettini la par zà portante, e allor, anca se l temp nol par speciale (nuvol), gh'è da nar. L'idea del Mich, po', en Lagorai sule erte pendenze della Ziolera da sud l'è stà propri azzecada! Ritrovo alle 7 e 1/4 a Calzeranega e dopo na veloce colaziom al solit baret dela Valsugana, ne fiondém su vers el passo Manghén fim a Malga Baessa, endò che parcheggiém le macchine: diaolopo', no gh'è zà pù nef en tel bosc! Partim così sci sulla schéna per 5 minuti, giust el temp de traversar per sentér sora i 4 baiti e pèl soto i pei scominziém de zete su zete tra rame e raiss e n te na mezora abbondante, saltai for da en vecio calncelét per le vache, sém en campo aperto sora le fitte pinère. Altro dossét da saltarghe su e ecco che salta for en lontananza la Malga Ziolera a quota 1925. Temp de na pausa e a vardar el temp, se intravede qualche spiaraglio de sol sulle zime, ma da qi n su, la salita la sarà prest ennebiada... beh, saltém su per l doss sora alla malga e ne enfilém en la val che va vers sinistra fim a endò la se sèra. Qi, deviém con quatro erte zète sul fianc a sinistra e saltém sulla dorsale che ne porta alla base del triangolom roccioso della Ziolera, e se congiunge la via de salita dalla val de Fiemme. Tra nebbia, ert (e che ert!) e l dubbio rampant som perplesso se continuar a pè o come.... vabbè, dai, gh'è da provarla en scioltezza: su de bala senza tanti pensieri! Sto toc de gresta qi, l'èvo fatta salendo dalla val de Fiemme a pè: me ricordo bem che l'era erta forte! Ma erta erta! Per fortuna la nebbia no la aiuta a capir massa e quindi en 20 minuti de zete ghe sem: Berg Heil! Ne fermén en quart d'ora a becolar qualcos quindi, gh'è da nar: el Mauro che l'era vegnù su a pè el se reinvia a pè alla base del grestom, noi altri enveze, zerchém de sfruttar n'ert canal che picchia vers sud per perder quota e po' puntar a ricongiungerne alla base: che ert!!! sarém sui 35-40 gradi, ma la nef l'è perfetta! Portante e con sora en dè de marzòtta... en spettacolo sciar così! E per fortuna la nebbia no la ne fa veder che sem drio a desmontar dalla direttissima sud della Ziolera: en canal che porta dritt dritt, senza soluzione di continuità, en val! Dopo 200 metri de sci ripido fèm na bela scavezada vers sinistra e capitém giusti sotto el Mauro che 50 metri sora l'è drio a seràrse i scarponi. E qi basta molarla, sto colp, per zercar la pù portante, zerchém sempre la massima pendenza! Tornai de bala alla malga l'oroloi nol fa neancor le 11: endò volè nar? Zà a cà?! Nààà.... e allor su le pél de nof e puntém sto colp en la valletta sora alla malga che parte vers destra: cima ValPiana. Traversà en vallòm saltém su na dorsale che en mezz a en nebbiòm che no sel taia neanca col cortel, la ne porta alla base de en canal... che ert! Tacà così de zete, tegnindone sulla destra vizim alle roccette, per evitar accumuli e sventae (che qi gh'è) guadagném così i 15o metri che ne porta alla seconda zima: Berg Heil! L'ultim toc, l'Albert la traccià propri bem tra canal cargo e sventà! Altro gozàt de acqua per bagnar el bèc e... zò le pèl! A saltar zò dal canal, ovviamente um per volta e sempre all'ocio: no l'è zerto el portante che gh'era sulla Ziolera, quindi, passà for la piana e la conca en zerca de firn/marz che no sfonda, el toc tra malga e bosc, gh'è da sciar tant che vegna, demò per perder quota, dato che la nef no la porta propri. Na volta tornai en tel bosc, enveze l'è l'ora del Taboga: a dribblar alberi, rame e raiss, su fondo dur (dai tanti passaggi) ne la godém bem, quindi, salti sulla forestale, con 4 buttoni e n taiom sul prà vers sinistra saltém sulla strada a 50metri lineari dal parcheggio: che bem! Na bona ciòpa de Speck e na radler (2 stelle... ma come diss l'Albert con prospettive de crescita futura: la fiola del barista adess la g'ha sol zinque anni!) e per le 2 saltém en macchina a portar a casa i assotti da skiaklp: doman en Trentim piove, quindi, mi per no sbagliarme alle 4 som zà en direziom de casa de Innsbruck: ehehe... el SudPhon el porterà en po' de sol en NordTirol? BEh... na sciada en pista per doman nol me la cava nessuni!




Gran ravanada su per el bosc a ciapar quota tra giàz, rame e raìss...


...e finalmente arrivém ai 1925m de malga Ziolera...


..quindi devià a destra su per en canalìm, continuém a ciapar metri fim alla base del triangolom roccioso...


..che però ancoi fèm tutt sci ai pei: che ert! ...e en ten quart d'ora sém de zete su zete... Berg Heil!


Pronti per molarla!!! Evvai de sci ripido!!! (per fortuna gh'è nebbia... che almen no me rendo massa cont de che erta che l'è!)


...e vist che no ghe n'avém mai assà... trate su le pèl de nof puntém anca, sempre en mèz alle nebbie, a zima Val Piana: Berg Heil!



Ste pagine l'e' stae cargade volte da visitatori dal 3 de agost 2005