MTB Zugna – Passo Buole del 16/10/2005

Marmolada coi scialp? Magari! Purtoppo per na meza congestiom che me som bina’ a un el gieri ho dovest rinunciar, ma vers mezdi’ sento el Max e decidem de provar en MTB el girom Zuna-Passo Buole-Ala: el temp l’č masa bel per star serai su! Partim cosi’ ale 1 e 40 da Trembelem, e via su alsfalto vers malga Tof (quota 1000m. in 1ora e 10), e avanti al rifugio Zugna (quota 1616m. in 2:10) en do che finiss l’asfalto. Mi som pu’ che prova’…el Max enveze sel vede che ‘l g’ha pu’ de 1200Km de alenamento co la bici da corsa! Ma girarse qi l’č masa fazile! Gh’č da nar! Avanti alora su mulattiera sterrata fim ai 1780 dei veci ospedai militari e qi per fortuna ne fermen a integrar energia con 3 bone fete de torta de carote de me zia… l’č za’ le 4 e meza, ma no doveresem meterghe tant a nar en val: adess le tut discesa!…. se ciapa el senter per passo Buole (gh’č da far qualche tochetim smonta’ all’inizio perche’ gh’č marocchi grossi. Po’ vers i 1600 de quota, se ariva a na cross de metall e el spiana. Se continua en tel bosc per mez chilometro en ombra sul versante del Pasubio e po’ se sbuca dall’altra banda al sol sulla Val d’Adige e da qi el senter el se fa comot e se ciapa velocita’. En te n’atimo sem a passo Buole (quota 1460) adess ne speta 12 Km de sterrata… el problema l’č che dopo 4 chilometri sbuso: ho zacagna’! Vabbe’ ne aprofitto cosi’ per cambiar anca el copertom (quel che gh’evo su l’era propri slick!) e… gh’č da nar! El sol ormai el va zo, e de strada ghe n’č ancor tanta! Peca’ che dopo altri 4 chilomteri sbuso de nof. Per fortuna el Max el g’ha drio anca lu na camera d’aria de ricambio e en te n’atimo sem de nof su strada…ma sto colp nem pu’ pian per paura de sbusar de nof: no gh’avem pu’ ricambi e la val che sem drio a percorrer che porta vers Ala la par ancor longa eterna! La strada sterrada la deventa asfaltada quando sem ormai alle falesie dei Marani de Ala. Arivem en fondoval che l’č ormai scur, e dopo aver risali’ la statale fim Chizzola ciapem la ciclabile e pedala! Anca se l’č buio ormai sula ciclabile se č al sicur dale macchine. E cosi’ a Navesel saludo el Max che l’č ariva’, mentre mi meto su frontale e fanalim de drio e…. me speta ancor la salita fim Trembelem! Che giro! 55Km en 6 ore ma el mio allenamento l’era a 0! Anca masa!




Dopo i 1300metri de dislivel su strada asfaltada se prosegue su sterrato….


la pontera finale de sterrato se la buta pochi metri….


…e finalmente vers quota 1800m. slm se scollina e se taca’a vegnir en zo…


…gh’č subit en par de rette con curve a U piuttosto dissestae, po’ se pasa la grestina, e 200m. de bosc…


e quindi se la mola en velocita’!!!!


…salvo che no se g’abia da fermarse perche’ s’č sbusa’! Mi do volte, diaolo po’!


…cambia na roda, cambiene n’altra e ‘l temp el pasa. Qi erem giust tornai a Roveredo: par quasi polsai….par!



Ste pagine l'e' stae cargade volte da visitatori dal 3 de agost 2005