VIA FERRATA ferrata Tridentina - Val Setùs del 18/08/2010

Co la rumba del gieri è propri dura levar alle 7, ma ... gh'è da nar! Megacolaziom, prepara zaini e quindi slongà el Luca en Panarotta all'attacco della Translagorai, alle 11 e 1/2 arrivém al passo Gardena: ancoi fém la ferrata Tridentina. Sperente demò che tegna el temp vist che i nuovoloni (che gh'era zò anca en tel bass Trentim) no i promette gnent de bom. En veloce caffè al passo (giust el temp de scombinarghe su bustine de zucher de canna alla barista) e partìm de bala en salita per el sentér 666 che salta su sora el pass Gardena e tacà subit a perder quota, arrivai al bivio che smonta dalla val Setùs, noi tegnim la sinistra e continuém a costeggiar/smontar i canaloni che smonta dal Sellagruppe...Vinti minuti dalla macchina e finalmente l'è ora de trar su l'imbrago. Gh'è l'Antò preoccupà per la difficoltà dela ferrata che nol conoss, ma de zerto, con tute quele che l'ha fat al NordOvest, ben pèzo coi cadenàzi mòli, el capiss bem che... gh'è da nar! I scarponi i lasso sul zaino: co le scarpe da trek ormai g'ho ciapà su manetta. Saltém su i primi 100m en coa a na famigliola todesca, che finalmente, quando i se rende cont che g'avem da nar, i ne lassa passar envanti: ehhh... me sa che con drio la popa de 7 anni alla so prima ferrata, i era en po' en difficoltà a saltar su veloci! Passà for en prim teràz non attrezzà, riciapém a rampegar sulla parete destra della gola e con qualche bèla scaletta e piolo per slongarse su arrivém a n'altro travèrs che entra dentro vers el font dela gola (endò ghe scorre rento en rì che l fa anca na bella cascata). Ancor qualche piol e vardà pù en bass... sa elo? Ahah! Gh'è sotto el comot sentér che passa!! Ma se ne tegnerai qi tacai su a far allor? Ehehhe... en realtà el travers el serve per portarse sotto l'ultim rampom strapiombante che se passa su tra pioli e scalette e porta al tòc spettacolare della Tridentina: en ponte sospeso su en vajom pù font de 200metri... bèl bel! Passà for el pont, zà ghe sém e en neanca dese minuti sém al Berg Heil a 2580m del rifugio Pisciadù. Bravi, bravi: 3 ore de ferrata e neanca quattro dala machina. Anca se l temp no l'è dei meio (nuvol) gh'è qi parecchia zent, ma en taol rento per bever na bona birra e na sgnapetta de sambuc el trovém bem! Per le 4 e 1/2, saludém en ne enviém vers la Val Setùs che farém come discesa: i la dà a dò ore, la siora la n'ha dit 1 e 1/2, noi... provém a far mejo. Quindi, passà for con calma la prima parte de sentér attrezzà che ne cala al centro del canalom, la mpontém dritta de corsa: e anca ancoi l'è nà bella gara. Oltretutt, i altri trekker, a vederne arrivar en velocità i se sposta spess sui geroni for dal sentér, ma mi, per disturbarli ancor de men (e anca per no perder terren sull'Antò che coi bacheti el salta come n cavriol) taio direttamente le zà erte zete del sentér e n te n'attimo sém al bivio che porteria all'attacco della ferrata, ma ciapà a sinistra e risalidi vinti metri, se la mola con en sprint finale fim alla macchina e ovviamente en men de n'ora sém zà lì che ne enviém vers val co la Polo. Sol na roba è stà desmentegà: el strechting dopo la corsa! Diaolopò... e difatti a smontar dalla macchina se sente i cagni che morde i quadricipiti. Eh, beh, va, l'acido lattico l'è come l'acol: e allor doman narem a darghe contro en Brenta!




Dal passo ne enfilém su per el sentér 666 che parte dal parcheggio e salta su per 50 metri...


..quindi se smonta fim al bivio co la val Setùs, che ignoriamo...


...e continuem con en mezzacosta..


...fim all'attacco della ferrata: diaolopò... la famigliola en ferie l'ha zà scominzià... dovém sorpassarli, sennò questi i ne fa far not!


E difatti, tachém de bona lena e la famigliola en te n'attimo la lassém endrio.


Saltém su quindi su na prima balza...


...e con en travèrs quasi piano all'altezza della cascata...


Ne strozeghem su per n'altro salt...


L'Antò el ciapa velocità (l'è drio a vardar endò che è restà el Kepo) e l snobba anca i piòli de fèr alla destra del cordìm: el la mponta dritta!


Col sentér che salta sul font della val (sullo sfondo), la ferrata la mponta l torriòm a destra e...ne spèta el tòc pù ert de tuta la ferrata...


...che comunque tra pioli e scalette postae, no l'è mai massa difizile.


Alè Kepo... el gross l'è fat! E adess vèm el bèl della ferrata!!!


Se passa for el vaiòm tra i 2 torrioni...


..sfruttando el ponte sospeso...


...sul nient... mejo no vardar en zò e passarlo for en fretta...


...e ecco che subit finiss i cordini e salta for el rifugio Pisciadù!


Berg Heil! E adess ne meritém na bona pausa birra, strudel e Schnaps en tel Pisciadù Hütte. Quindi, dopo n'ora, ne enviém per la discesa vers la Val Setùs...


...e qi el prim tòc, l'è bèl ert, sel fa su sentér attrezzà anca con 2-3 corriman paralleli (sarà per i massa turisti?) senza ligarse...


...quindi, passà for i cordini de fèr, se la mòla en velocità zò per i geroni fim al pass ...coi turisti che a vederne arrivar zò sbarai, i ne fa anca strada!



Ste pagine l'e' stae cargade volte da visitatori dal 3 de agost 2005