COPPA ITALIA DI DRAGON BOAT fiume Arno-Firenze(I) del 30/09-02/10/2011

Dopo en super mes de settembre che co le temperature estive el n'ha lassà allenarne su per el lac tute le stimane fin not fonda, l'è ora de meter en pratica quel che avém emparà: gh'è da nar a Firenze a far la coppa Italia de Dragon Boat, sull'Arno!!! Ne trovém al Zuffal park alle 5 del vendro e saltai en corriera ensema ala squadra dell'NRG, ne enviem...con molta calma e...pause! Tra 'na monada e l'altra, dopo la pausa zena de Bologna ariva ben le dese prima che parcheggiente davanti a l'ostel a Firenze: n'ex convento, ma a veder la zent che l lo gestiss, l'è sicuramente dissacrà! N'ora per el checkin e mi son en camera col Fabrizio l'Ermanno e l Vladko: bella granda, e essendo nfont al corridor anca for dal casim: pèzo la ghe va alle putèle che i le accatasta tute en la cappella (la Michela la dorme nfin sull'altar!): en dodese en 20 metri quadrati! Vist che ne serve manodopera gh'è qi a Firenze che ne speta anca l'Alessio (che eva pagaià con noi fin luio), e l'è zà dale una dopodisnar che l'è qi che l carbura... e noi? a mezzanot nem for vers el centro, ma al prim bar, vist che no gh'en voia de camminar mezora, ne trem rento a ordinar da bever: quando però vedo che l giro de birra i lo serve a mò de birin en ten mez bicier de acqua, me se ndriza i cavei (eheh..no i g'ha la nossa cultura) e vago de.. limoncini! Po' passém ai spritz e copada la serata co 'na grappa peruviana raccattada dala compagna del Simone, ne trem en ostell a trar zò i ossi che l'è ormai le 2 e 20. La sveglia alle 7 en punto, colaziom de sotto (propri spartana, ma per vinti euro al dì, no se pol zerto lamentarse!) e tolte su le pagaie ne enviem a pè vers l'Arno. Per le nove sém al campo gara, ma vist che la nossa prima manche la sarà a mezdì e mèz, ne aprofittem per far dò passi al ponte vecchio. Tornai al campo gara el Claudio e l Manuel i ne diss la disposiziom en barca, i ne ripassa la tecnica de gara per i 500m e saltém en barca en acqua 4... la disposiziom de (quasi) tutti i equipaggi trentini en acqua 4 (acqua bassa e dura), a tutt vantaggio dei equipaggi taliani toscani e laziali l'è molto sospetta... Tocca a noi... dovem dar tutt anca se partim svantaggiai per la corsia: pronti, via!! e chiudiamo secondi di batteria con un tempo nfim migliore del dragone trentino! Superrr! Ne trem zò per na bona magnada de pasta, cusscuss e melinda e per le 4 saltém a bordo per la semifinale. Tant per cambiar corsia 4...ne basteria arrivar secondi per arrivar en la finalissima! pronti.. via!!! Partenza buona, passo ottimo e arrivem al sprint secondi po'.. sull'ultima boa, na paca de drio me ndriza fuori asse e me vem for la spalla, perdo 3 pagaiae e... arrivem terzi. Diaolopò!!! L'era fatta!!!! Il tempo l'è ottimo ma ripescaggi no ghe n'è. Chiudiamo così classificandoci quarti. Ne trem en po' delusi vers l'ostell e dopo na docia alle 19 se taca de birre birre birrre (en bottiglia ovviamente)... e quando i ne serve el kilo e mez a testa (ordinada all'ostell) per la zena dele 21, i morti sul taol i è zà pù de sessanta! La rumba la continua po' en te na gelateria drio l'ostell endò che continuem de limoncini fim mezzanot e po'.. prost de prosecchi: eheh.. gh'è da festeggiar el compleann dell'Elvio! e avanti de rumba fin le 1... po'.... som propri lì che volto via! La domenega mattina, levai alle 6 e 1/2, fem colaziom e alle 8 tornem al campo gara per i 200 metri: zà che g'ho la spalla ancor ko dal gieri, el Manuel el me fa nar sull'ultim caregòt co la Sandra (così no blocco nessuni nell'allungamento se devo piegar de men el braz). Partenza en acqua 4, e su,su,su... tutt en sprint: la va mal, e allor decidem de no continuar nei ripescaggi: giornada libera! Ma cossa far? Mi Firenze la conosso zà assà, e no seguo neanca i altri compagni che va a vardar Fiorentina-Lazio al stadio... e allor sto tutt el dì a vardar le gare e cazzeggiar sull'Arno, quindi, dopo en bom spritz co la Barbara, Marianna e Michela, per le 18 sém sul pullman a spettar quei che no gh'è... e finalmente alle 19 se parte... e ancoi, en tel viaz de ritorno gh'è el Claudio che fa da animator e l'è vietà a tutti serar ocio! Però tra na monada e l'altra (e come stasera l'è dura sentirne tante de fila) el viaz el vola e... per le ondese sém al ZuffalPark a saludarne e postar zò le pagaie fin l'an che vem.




Le barche en lotta sul campo de gara: el traguardo l'è sulla boa prima del pont.


Ecco el Team al completo... e sto colp podem esser soddisfatti: GRANDI MAI ZEDER HEART!


La sera del sabo, dopo limoncini e prosecchi per el compleann dell'Elvio erem propri a passi: ehhee.... per arrivar nfim a fumar le candele del complean!



Ste pagine l'e' stae cargade volte da visitatori dal 3 de agost 2005