SCIALPINISTICA in den Wanden del 23/12/2006
Se la stimana pasada l'e' nada bem en val de Non... de nef dovria eserghen anca al de la': en val d''Ultimo e allora... gh'e' da nar! Ne trovem ale 6 a Calliam, 6 e 10 a Trent e dopo na veloce colaziom a St. Getrud alle 8 e 10 sem za enfont alla val, a Fontana Bianca pronti coi sci sotto i pei. Se entra dritti per na forestale per 500metri, po' se ciapa el bivio a sinistra su en pontat. Da qi se taca a ciapar quota subit e for dalla traccia coi bacheti se tasta en bel polverom. Risalim na rampa en mez a pinati, fin a arivar a na malga. Da qi, vedem za' la zima (en realta' en ste "in den Wanden" o n 'taliam "Le Crode" no gh'e' na zima distinta, ma le na gresta continua...) che dovem raggiunger, e dopo aver aggira' en doss da sinistra en quattro e quattrotto sem su. Dopo na bona mezora de pausa e aver valuta' la possibilita' de far na risalita anca sulla parte finale dela gresta, ne enviem vers val. De polverom ghe n'e' en abbondanza, peca' per el font che el manca! Pero' quattro belle serpentine riusim a farle e arrivai a en pianoro sora alla malga col Br1 el Luca e l Mich ripellem e puntem alla parte finale della gresta (quela pu' vizina al Collecchio per intenderne...). Dopo en po' de ravanae del Br1 co le pel de foca che se scolla e na talefonada preocupada de me mama (la me speteva en paess a far le prove generali per la not de Nadal: g'ho da cantar en todesc.... g'ho dat sbusa co la scusa de star qi a ripassarme en po la lingua, e anca perche' vist che quando la m'ha ciama' l'era mezdi' e ero en vetta: de zerto no saria riusi' a eser de volta a Trembelem per le doe dopodisnar) arivem enzima. Cavem le pel e zo de bala. En pochi i se cala diretti dala zima (ma i trova grosta da vent) mi dala forcella 20 metri pu' en bass... e da qi polverom per tutti.... sempre senza fonda, ma bel. Coi gratoni che dem sotto, ariverem bem zo' co le solette sanguinanti (e l Mich anca scorzai) ma na volta tornai alla malga se ciapa la forestale e via fin alla macchina. Peca' che la locanda li' sora l'e' serada fin a S.Stefem, e cosi' prima de tornar no podem fermarne per la birra e la ciopa col Speck: ma per strada na locanda de quelle giuste, la trovem bem!
El gruppo de scialpinisti enzima alla prima quota delle crode... |
|
|
se studia el percorso per narghe al vers alla seconda zima delle crode (giust davanti). La zima pu' a destra en ombra, enveze, l'e' el Collecchio |
In vetta alla seconda zima.... risalta sullo sfondo la cima Sternai meridionale. |
|
Ste pagine l'e' stae cargade volte da visitatori dal 3 de agost 2005